10-ايدىڭ 31-كۇنى ءتىلشىنىڭ كوكتوعاي اۋدانى كوكتوعاي اۋەجايىنان ۇعىسۋىنشا، 2024 — 2025-جىلعى قىس پەن كوكتەمدە بۇل اۋەجاي جاڭا اۋە لەنياسىن اشۋدى جوسپارلادى. وسى مەزگىلدە كوكتوعاي اۋدانىنداعى كوكتوعاي اۋەجايى 8 اۋە لەنياسىن اشىپ، ەل ىشىندەگى 8 قالانى شارپىپ، كۇندىك ورتاشا كەزەكشى ۇشاق مولشەرىن 14 رەتكە جەتكىزىپ، جولاۋشىلاردى ءتىپتى دە مول ساپار تالعامىمەن قامدايدى ەكەن.
اۋە لەنياسىن ورنالاستىرۋ جاعىندا، كوكتوعاي اۋەجايىندا كوكتوعاي — شونجى — قاشقار، كوكتوعاي — قۇلجا، كوكتوعاي — شىحىزى قاتارلى كوپتەگەن اۋە لەنياسى جاڭادان اشىلماق، وسى جاڭا اۋە لەنيالارىنىڭ اشىلۋى —— اۋەجايدىڭ اۋە لەنيا تورابىن ونان ارى كەمەلدەندىرۋمەن بىرگە، جولاۋشىلاردىڭ ءجۇرىس-تۇرىسىنا ءتىپتى دە قولايلىلىق جاراتادى.
كوكتوعاي اۋدانىنداعى كوكتوعاي اۋەجايى تاعى ءۇرىمجىنىڭ كەزەكشى ۇشاق جوسپارىنا قاراتا، ۇيلەسىمدى ورنالاستىرۋ جاساپ، ءار كەز ساپالىلاندىرۋ جانە اۋە لەنياسىنا تەڭشەۋ جۇرگىزۋ قاتارلى قىزمەتتى بەلسەنە ىلگەرىلەتتى. مۇندا، تيانجين اۆياتسياسى GS7485 كەزەكشى ۇشاعىنىڭ ۇشۋ ۋاقىتى ساعات 18:00گە تەڭشەلدى. وسى رەتكى تەڭشەۋ شينجياڭنان سىرت جەرلەردەن كەلگەن جولاۋشىلاردىڭ كوكتوعايعا كەلەردە ۇشاق الماستىرۋعا قولايلى بولىپ عانا قالماستان، تەز جەتىپ، ۇشاق الماستىرۋ ونىمدىلىگىن بارىنشا جوعارىلاتتى. وڭتۇستىك اۆياتسيا سەرىكتەستىگىنىڭ CZ6696 كەزەكشى ۇشاعىنىڭ ۇشۋ ۋاقىتى ساعات 10:15 كە تەڭشەلدى. بۇل وزگەرىس كوكتوعايدان اتتانعان جولاۋشىلاردىڭ شينجياڭنان سىرت جەرلەرگە ءتىپتى دە تەز جەتىپ، ساياحات ۋاقىتىنان ۇتىمدى پايدالانۋىنا قولايلىلىق جاراتتى.
بۇل كوكتوعاي اۋەجايىنىڭ اۋە لەنيا تورابىن قۇرۋ جانە قىزمەت وتەۋ ساپاسىن جاقسارتۋ جاعىندا ۇزدىكسىز كۇش سالعاندىعىن ايگىلەيدى. الدا كوكتوعاي اۋەجايى اۋە لەنيا تورابىن ۇزدىكسىز كەڭەيتىپ، قىزمەت وتەۋ دەڭگەيىن جاقسارتىپ، جولاۋشىلارعا اناعۇرلىم ساپالى قىزمەت وتەيدى. سونىمەن بىرگە، ايماق ەكونوميكاسىنىڭ، قوعامىنىڭ دامۋىنا تىڭ ومىرشەڭدىك كۇش قوسادى.
来源：雪都嘟/阿勒泰地区融媒体中心
记者：古丽娜
通讯员：魏鸿超
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
