قالا-اۋىل تۇرعىندارىنا باياندى باقىت سيلادى

11-ايدىڭ 4-كۇنى بۋرىلتوعاي اۋدانى جەتارال قالاشىعىنىڭ تۇرعىنى چىن چياڭ (جاناما اتى) قالا-اۋىل تۇرعىندارىنىڭ زەينەتكەرلىك قامسىزداندىرۋىنىڭ دەڭگەيىن ءوسىرىپ، تولىقتاپ تاپسىرۋ كاسىبىن بىتىرگەننەن كەيىن قۋانىپ تىلشىگە: وتە جاقسى بولدى، دەڭگەيىن ءوسىرىپ تولىقتاپ تاپسىرۋ ساياساتى اتقارىلعاننان كەيىن مەن ءار ايدا 800 يۋاننان زەينەتاقى الاتىن بولدىم،-دەدى.

سول كۇنى 5500 يۋاندى تولىقتاپ  تاپسىرعان چىن چياڭ بۋرىلتوعاي اۋداندىق قوعامدىق قامسىزداندىرۋ ىستەرىن باسقارۋ ورتالىعىندا وسى جۇمىستى تۇڭعىش بىتىرگەن تۇرعىن بولدى. بۋرىلتوعاي اۋداندىق قوعامدىق قامسىزداندىرۋ ىستەرىن باسقارۋ ورتالىعى قالا-اۋىل تۇرعىندارىنىڭ زەينەتكەرلىك قامسىزداندىرۋ ءبولىمىنىڭ كادرى ان ىن-ي تىلشىگە: 2024-جىلى 7-ايدان باستاپ قالا-اۋىل زەينەتكەرلىك قامسىزداندىرۋىنىڭ نەگىزدىك زەينەتاقىسى 20 يۋان جوعارىلادى. دەڭگەيىن ءوسىرىپ تولىقتاپ تاپسىرۋ ساياساتى زەينەتكەرلىك جەكە ەسەبىندەگى جيىنتىق سومانى جوعارىلاتتى،-دەدى.

قالا-اۋىل تۇرعىندارىنىڭ زەينەتكەرلىك قامسىزداندىرۋى — قوعام ورنىقتىلىعىنىڭ ورنىقتىرعىشى. جاقىنعى جىلداردان بەرى، ايماقتىق قوعامدىق قامسىزداندىرۋ ىستەرىن باسقارۋ ورتالىعى ”حالىقتى وزەك ەتۋ“ قىزمەت ۇستانىمىنا باستان-اياق تاباندى بولىپ، تولىمدىلىعىن كۋالاندىرۋ، مامىلە ولشەمىن جوعارىلاتۋ، قامسىزداندىرۋ اقىسىن ۋاكلاتان تاپسىرۋ، قىزمەت وتەۋدى ساپالىلاندىرۋ سياقتى جاقتا بەلسەنە ءىس تىندىرىپ، تۋراشىلدىقتان اينىماي، جاڭالىق اشىپ، قالا-اۋىل تۇرعىندارىنىڭ زەينەتكەرلىك قامسىزداندىرۋ جۇيەسىن قالىپتاستىرىپ، قالا-اۋىل تۇرعىندارىنا ”باياندى باقىت“ سيلادى.

قالا-اۋىل تۇرعىندارىنىڭ زەينەتكەرلىك قامسىزداندىرۋ قىزمەتىن ىلگەرىلەتۋ بارىسىندا ايماقتاعى ءار دارەجەلى قوعامدىق قامسىزداندىرۋ جۇمىسىن بىتىرەتىن قۇرىلىم ۇگىت فورماسىندا ۇزدىكسىز جاڭالىق جاراتىپ، ۇگىت دانەكەرىن بايىتىپ، جەلىدە، جەلىدەن تىس بىرلەسىپ قيمىلداۋ، بەتپە-بەت ۇگىتتەۋدى نەگىز ەتۋ، ۇگىت-لەكسيا، كۋرسكە قوسىمشا ەتۋ سىندى ۇگىتتەۋ جاڭا ۇلگىسىن ورتاعا قويىپ، قالا-اۋىل تۇرعىندارىنىڭ زەينەتكەرلىك قامسىزداندىرۋ ساياساتىن بارلىق وتباسىنا، بارلىق ادامعا ۇعىندىردى. جەلىدە نازاردى بۇقارانىڭ كۇندەلىكتى بىتىرەتىن ىستەرىنە، جاپپاي نازار اۋدارىپ وتىرعان قولامتالى ساياساتقا شوعىرلاندىرىپ، ءۇنحات الەۋمەتتىك ءنومىرى، قىستاق تۇرعىندار ءۇنحات توبى سياقتى ارنا ارقىلى ۇزدىكسىز جەتكىزىپ، بۇقاراعا قاراپايىم، قىزىقتى ءتۇسىندىرۋ ارقىلى ساياساتتى ۇعىنۋىنا مۇمكىندىك جاسادى؛ جەلىدەن تىس، وتباسىلارىن ارالاپ جاعداي ۇعىسۋ، ساياساتتى ۇگىتتەۋ كەرمە تۋىن ءىلۋ، سۋرەتتى جارناما جاپسىرۋ سياقتى فورما ارقىلى بۇقاراعا زەينەتكەرلىك قامسىزداندىرۋىنىڭ قامسىزداندىرۋعا قاتىناسۋ كولەمى، قوسىمشا قاراجات ولشەمى، مامىلەدەن يگىلىكتەنۋ سياقتى مازمۇندى ەگجەي ـ تەگجەيلى تانىستىرىپ، بۇقارانىڭ ساياساتتى تۇسىنۋىنە، يگىلىكتەنەتىن مامىلەسىن بىلۋىنە مۇمكىندىك جاساپ، بۇقارانى قامسىزداندىرۋعا بەلسەنە قاتىناسىپ، اقى تاپسىرۋعا جەتەلەدى.

قالا-اۋىل تۇرعىندارىنىڭ اقى تاپسىرۋىنىڭ اناعۇرلىم قولايلى بولۋىنا مۇمكىندىك جاساۋ ءۇشىن، ايماقتىق قوعامدىق قامسىزداندىرۋ ىستەرىن باسقارۋ ورتالىعى قىزمەت ادىسىندە جاڭالىق اشۋ جونىندە بەلسەنە ىزدەنىس جاساپ، باجى، بانكە تاراۋلارىمەن سايكەسۋىمەن قولفون ارقىلى اقى تاپسىرۋ سياقتى قولايلى ءتاسىلدى اتقارىپ، بۇقارانىڭ ۇيىنەن شىقپاي-اق اقى تاپسىرۋىنا مۇمكىندىك جاسادى. سونىمەن بىرگە، ءىرى ساندى مالىمەتتەن پايدالانىپ، قامسىزداندىرۋعا قاتىناسۋشىلاردىڭ ينفورماتسياسىنا سالىستىرىپ تالداۋ جاساپ، قامسىزداندىرۋعا قاتىناسپاعان ادامدار مەن اقى تاپسىرۋدا بايقالعان ماسەلەنى دەر كەزىندە بايقادى ءارى باعىتتامالى تۇردە ۇگىت جۇرگىزىپ جانە تاپسىرۋعا قۋزاپ، قامسىزداندىرۋعا تيىستىلەرىن مۇمكىندىگىنشە قامسىزداندىرۋعا، تاپسىرۋعا تيىستىلەرىن مۇمكىندىگىنشە تاپسىرتۋعا كەپىلدىك ەتتى. بۇدان سىرت، ايماقتىق قوعامدىق قامسىزداندىرۋ ىستەرىن باسقارۋ ورتالىعى ءارقايسى اۋىلداردىڭ (قالاشىقتىڭ) حالىققا قولايلى قىزمەت وتەۋ ورتالىعىندا جانە ءارقايسى قىستاقتاردا زەينەتكەرلىك قامسىزداندىرۋىن ءبىتىرۋ تەرەزەلىگىن اشىپ، قوعامدىق قامسىزداندىرۋ

ارناۋلى كادرلارىن كاسىپتى بىتىرۋگە جاۋاپتى بولۋعا ورنالاستىرىپ، بۇقاراعا ”ءبىر بەكەتتىك“ قىزمەت وتەدى. ءجۇرىس-تۇرىسى قولايسىز ەرەكشە بۇقاراعا قىزمەتكەرلەر ىرىقتىلىقپەن وتباسىنا بارىپ، زەينەتاقىنىڭ دەر كەزىندە تاراتىلۋىنا كەپىلدىك ەتتى.

قازىرگە دەيىن ايماق بويىنشا قالا-اۋىل تۇرعىندارىنىڭ نەگىزگى زەينەتكەرلىك قامسىزداندىرۋىنا قاتىناسقان ادام سانى 203 مىڭ 200 گە، مامىلەگە يە بولعان ادام سانى 39 مىڭعا جەتتى.