التايداعى تۇسەلحانالار قوناقتاردى قىزۋ قارسى الادى

جۋىردا، كوكتوعاي اۋدانى كوكتوعاي قالاشىعى 3-ءنومىرلى اۋلا مادەنيەت تۇسەلحاناسى جاڭالىق اشۋ باقشاسىندا (تومەندە قىسقارتىلىپ 3-ءنومىرلى اۋلا دەلىنەدى) بەيجيڭ، گۋاڭدۇڭ، شاڭحاي، جىجياڭ قاتارلى جەرلەردىڭ اۆتوكولىگى رەتىمەن ءتىزىلىپ، تۇرلىشە اكسەنتتە سويلەگەن قار شاڭعى اۋەسكەرلەرى قايشالىستى.

ۇعىسۋىمىزشا، كوكتوعاي حالىقارالىق قار شاڭعى دەمالىس رايونىنىڭ تيجارات باستاۋىنا بايلانىستى، ايماقتىڭ قار-مۇز ساياحاتىنىڭ قىزۋى بىرتىندەپ ورلەپ، حالىقتىق تۇسەلحانا، قوناق ۇيگە الدىن الا تاپسىرىس بەرۋ جوعارى ورلەۋگە كوتەرىلگەن.

3-ءنومىرلى اۋلا يىنشۇي ماي بوياۋلى سۋرەت ورنى ماي بوياۋلى سۋرەت كوركەمونەرىن ايگىلەيتىن حالىقتىق تۇسەلحانا، تۇسەلحانا  جاۋاپتىسى يۇي فۋرۇڭ 10-ايدىڭ ورتا  شەنىندە-اق العاشقى توپتاعى قوناقتاردى قارسى الدى. ”بيىل قوناق ۇيگە الدىن الا تاپسىرىس بەرگەن ساياحاتشىلار بىلتىرعىدان كوپ، وتكەن ايدا قوناق بولمەلەرگە وسى ايداعى تاپسىرىس بەرىلىپ بولدى“،-دەدى يۇي فۋرۇڭ.

قىزىل كەرپىشتەن سالىنعان ءۇي، اشەكەيلى داۋال، كوركەم ماي بوياۋلى سۋرەت ... يىنشۇي ماي بوياۋلى سۋرەت اۋلاسىنا كىرسەڭىز كوركەمونەردىڭ قويۋ اۋانىن سەزەسىز.

3-ءنومىرلى اۋلا اتى الىس-جۋىققا ايگىلى بولعان ”ەسەلى ەڭبەك سىڭىرگەندەر كەنى“، ”قاھارماندار كەنى“ اتالعان 3-ءنومىرلى كەن جۇلگەسىنە جاقىن ورنالاسقاندىقتان ”3-ءنومىرلى اۋلا“ دەپ اتالعان، ول وتكەندە كوكتوعاي كەن ىستەرى مەكەمەسىنىڭ ءبىر كەن بولىمشەسى بولاتىن. 2018-جىلى كوكتوعاي اۋداندىق پارتكوم، اۋداندىق ۇكىمەت ”كونە قۇرىلىستاردى قورعاۋ، بۇرىنعى مادەنيەت قۇنىن ساقتاۋ، ونەركاسىپ ەستەمەلەرىن وياتۋ“ ۇستانىمى بويىنشا بۇرىنعى 8 كونە زاۆود ءۇيىن جاڭالاپ، ”مادەنيەت + مادەنيەت قونالقىسى + مادەنيەت جاسامپازدىعىن“ نەگىزگى جەلى ەتكەن مادەنيەتتى جالعاستىرۋ، الەۋمەتتىك يگىلىك لەكسياسى، عىلمي اۋىس-كۇيىس، ادەبيەت-كوركەمونەر جاسامپازدىعى، سەيىل-سەرۋەن ساياحاتى قاتارلى كوپ فۋنكتسيانى ءبىر تۇلعالاندىرعان مادەنيەت-ساياحات جاسامپازدىعى باقشا رايونىن قالىپتاستىرىپ، ونەركاسىپتىك ەستەمەلەردى جالعاستىرۋ نەگىزىندە كونە زاۆود ۇيلەرىنىڭ تىڭ ومىرشەڭدىك كۇشىن تاسقىنداتتى.

”3-ءنومىرلى اۋلانىڭ ساياحاتشىلاردىڭ، قار شاڭعى اۋەسكەرلەرىنىڭ قىزۋ قارسى الۋىنا يە بولۋىنداعى سەبەپ، ونىڭ وزگەشە جاعراپيالىق ورنى مەن جەرگىلىكتى ورىننىڭ تەرەڭ مادەنيەت استارى، التىنتاۋ كىتاپحاناسى، يىنشۇي ماي بوياۋلى سۋرەت ورنى، فانجۇڭشان فوتو سۋرەت بازاسى ... ءاربىر حالىقتىق تۇسەلحانانىڭ وزىندىك مادەنيەت ەرەكشەلىگى مەن حيكاياسى بار“،-دەدى يۇي فۋرۇڭ.

قازىر 3-ءنومىرلى اۋلادا 18 وزگەشە حالىقتىق تۇسەلحانا بار، 309 قوناق بولمە، 600 دەن استام توسەك ورىن بار.

التاي قالاسى رايونىنداعى گەنەرال تاۋى حالىقارالىق قار شاڭعى دەمالىس رايونىنا باراتىن جولدىڭ ەكى جاعالاۋىندا وزگەشە حالىقتىق تۇسەلحانالار ءبىر-بىرىمەن جالعاسادى.

گەنەرال تاۋى حالىقارالىق قار شاڭعى دەمالىس رايونىنان ءبىر كيلومەتر قاشىقتىقتاعى ”التاي شۇنشۋە. شىگۋاڭ حالىقتىق تۇسەلحاناسىنىڭ“ جاۋاپتىسى  ماۋ نا سيىر ەتىن سۇرلەدى. 12-ايدىڭ الدى-ارتىندا كەلەتىن ساياحاتشىلار ونىڭ حالىقتىق تۇسەلحاناسىنان وسى ەرەكشە ءدامدى تاعامنان اۋىز تيەدى.

”سۇرلەگەن ەتكە ءسابىز قوسىپ پىسىرعاندا التايدىڭ ەرەكشە ءدامدى قۋىرماشى بولادى. قاقاعان ايازدا بۋى بۇرقىراعان ءبىر تاباق ءسۇرى ەت الدىنا كەلگەندە ساياحاتشىلار ەرەكشە ءدامدى ەكەن دەپ القايدى“،-دەدى ماۋ نا كۇلىپ.

”التاي شۇنشۋە. شىگۋاڭ تۇسەلحاناسىندا“ قوناق بولمەدەن 8 ى بار، قار شاڭعى اۋەسكەرلەرى مەن ساياحاتشىلار وسىندا شاراپ ءىشىپ اقتارىلا اڭگىمەلەسەدى.

ماۋنا بىلاي دەدى: حالىقتىق تۇسەلحانامىز قار شاڭعى الاڭىنا وتە جاقىن ورنالاسقاندىقتان، قار شاڭعى اۋەسكەرلەرىن اقىسىز اپارىپ-اكەلەمىز. بىرنەشە بولمەدە شاعىن بالكون بار، قار كورىنىس تاماشالاۋعا وتە قولايلى. جۋىردا، تۇسەلحانامىز قوناق بولمەلەرگە تاپسىرىس بەرۋ قىزۋ ورلەۋىن قارسى الادى.

جاڭا قار ماۋسىمىندا سارا حالىقتىق تۇسەلحانالاردىڭ ىسكە قوسىلۋىنا بايلانىستى، ايماقتىڭ حالىقتىق تۇسەلحانا كاسىبى شىت جاڭا كەزەڭگە ءوتىپ، قار-مۇز ساياحاتى بايلىعى شوعىرلانعان وڭىرلەردە حالىقتىق تۇسەلحانالار شوعىرى قالىپتاستى.

11-ايدىڭ 9-كۇنىنە دەيىن التاي ايماعىندا تيجارات جۇرگىزگەن حالىقتىق تۇسەلحانا مەن قوناق ءۇي جيىنى 1052 گە جەتىپ، جالپى قوناق بولمە 34998 بولىپ، توسەك ورىن 66577 گە جەتتى.

ۇعىسۋعا قاراعاندا، حالىقتىق تۇسەلحانانىڭ تۇلعالانۋ اۋقىمى كورنەكتى بولىپ، كوپتەگەن حالىقتىق تۇسەلحانا التايدىڭ جۇلدىزدى اسپانىن، كەشكى قار كورىنىسىن تاماشالاۋ  جانە ءسوزسىز، كورۋگە ءتيىستى حالىقتىق سالت-سانا قاتارلى مادەنيەت-ساياحات مازمۇندارىن تيجارات نىساندارىمەن توعىستىرعان.

”التايدا وزگەشە قار-مۇز بايلىعى بار. قار-مۇز كاسىبى حالىقتىق تۇسەلحانالاردىڭ، قوناق ءۇي شوعىرىنىڭ كوپ نەگىزدى دامۋىن جەبەدى، قار-مۇز ساياحاتىنداعى تۇتىنۋدىڭ ءونىمى كورنەكتى بولدى“،-دەدى ايماقتىق مادەنيەت-دەنەتاربيە، راديو-تەلەۆيزيا جانە ساياحات مەكەمەسىنىڭ باستىعى ءدىلدا ءنابي قىزى.