كونەسىن جاڭاسىنا اۋىستىرۋدىڭ ۇتىمدى ورايىنان يگىلىكتەنىڭىز

كونەسىن جاڭاسىنا اۋىستىرسا قوسىمشا قاراجات بەرەتىنى تۋرالى حاباردى ەستىگەن التاي قالاسىنىڭ تۇرعىنى زۇلزيرا ورازبەك قىزى ءوز كوڭىلىندەگىدەي ءۇي ەلەكتر جابدىقتارىن تاڭداپ ساتىپ الۋ ءۇشىن ساۋدا سارايىنا ارنايى كەلدى.

التاي قالاسىنىڭ تۇرعىنى زۇلزيرا ورازبەك قىزى بىلاي دەدى: ساۋدا سارايىنان توڭازىتقىش، كىر جۋعىش، تەلەۆيزور ساتىپ العاندا جيىنى 5000 يۋاننان استام ارزانداتتى. قازىر ەلەكتر جابدىقتارىن ساتىپ الساڭىز ارزان ەكەن.

ءۇي ەلەكتر جابدىقتارىنىڭ كونەسىن جاڭاسىنا اۋىستىرۋ قيمىلى جانە ”11.11“ قيمىلى ورىستەتىلگەننەن بەرى، التاي قالاسى ۋانچى ساۋدا سارايىنداعى ءمالىم ءۇي ەلەكتر جابدىقتارىن ارناۋلى ساتۋ دۇكەنىنىڭ كونەسىن جاڭاسىنا اۋىستىرۋعا ساياتىن تاپسىرىسى %60 ارتىپ، تۇتىنۋشىلاردىڭ %90 تى كونەسىن جاڭاسىنا اۋىستىرۋ تاسىلىمەن جاڭا ءۇي ەلەكتر جابدىقتارىن ساتىپ الدى.

التاي قالاسى ۋانچى ساۋدا سارايىنداعى ءمالىم ەلەكتر جابدىقتارىن ارناۋلى ساتۋ دۇكەنىنىڭ قوجايىنى لي شۋەجۇن بىلاي دەدى: ينتەرنەتتە توپتىق ساتىپ الۋ جانە تۇتىنۋ بەلەتىن ساتىپ الىپ جەلىدەن تىس پايدالانۋ سەكىلدى تيىمدىلىك جاساۋ قيمىلدارىن قاتار جۇرگىزۋ ارقىلى تۇتىنۋشىلاردىڭ زات ساتىپ الۋىنا قولايلى ءارى ءتيىمدى بولۋىنا شىنايى كەپىلدىك ەتتىك.

التاي قالالىق ساۋدا ىستەرى جانە ونەركاسىپ، ينفورماتسيالاندىرۋ مەكەمەسى ورتا، شاعىن كاسىپورىندارعا قىزمەت وتەۋ ورتالىعىنىڭ مەڭگەرۋشىسى ۋاڭ زىچىڭ بىلاي دەدى: ۇكىمەتتىڭ قوسىمشا قاراجاتى، ساۋداگەرلەردىڭ ارزانداتىپ بەرۋى سەكىلدى كوپتەگەن تيىمدىلىكتى ۇستەمەلەۋ ءتاسىلى ارقىلى ءار جاقتاعى ابزال بايلىقتاردى تولىق ساۋلەلەندىرىپ، تۇتىنۋشىلاردى ورتاعا زالالسىز، ەنەرگيا ۇنەمدەيتىن، زەردەلى ءۇي ەلەكتر جابدىقتارىن ساتىپ الۋعا جەتەلەپ، التاي قالاسىنىڭ تۇتىنۋ بازارىنا جاڭا جالىندى كۇش قوستىق.

بۋرىلتوعاي اۋدانىنىڭ تۇرعىنى ليۋ يىنكۋ بىلاي دەدى: تاياۋدا ءبىر قول تەلەفون ساتىپ الدىم، بۇرىنعى باعاسى 6000 يۋاننان استام ەكەن، 800 يۋاننان ارتىق قوسىمشا قاراجاتتان يگىلىكتەنىپ، 5300 يۋانعا ساتىپ الدىم، شىنىندا ءتيىمدى بولدى.

قازىرگە دەيىن بۋرىلتوعاي اۋدانىندا ءۇي ەلەكتر جابدىقتارىن، ەلەكتروندى ونىمدەردى ساتاتىن 18 دۇكەن وسى قيمىلعا ات سالىسىپ، حالىققا تيىمدىلىك جەتكىزىپ ارزانداتىپ بەرىپ تۇتىنۋدى جەبەيتىن ءبىرقىدىرۋ قيمىل ورىستەتتى. وسىلايشا تۇتىنۋدى جەبەۋ مەن حالىق تۇرمىسىنا تيىمدىلىك جەتكىزۋدى ءوزارا ۇشتاستىرۋ شىنايى جۇزەگە اسىپ، كاسىپورىنداردىڭ تۇتىنۋعا قوزعاۋشىلىق ەتۋىنە، بۇقارانىڭ ناقتى تيىمدىلىككە كەنەلۋىنە تۇرتكى بولدى.

اۆتوكولىكتىڭ كونەسىن جاڭاسىنا اۋىستىرۋ ساياساتىنىڭ يگىلىگىن اناعۇرلىم ويداعىداي ايگىلەۋ ءۇشىن، كوپتەگەن اۆتوكولىك كاسىپورىنى كونەسىن جاڭاسىنا اۋىستىرۋ بويىنشا بەرىلەتىن تيىمدىلىكتى كوبەيتىپ، بازاردا تۇتىنۋ ورلەۋىن كوتەرۋگە دەم بەردى. شىڭگىل اۋدانىنداعى ءمالىم اۆتوكولىك ساتۋ شەكتى سەرىكتەستىگىنىڭ ساتۋ زالىنداعى كونەسىن جاڭاسىنا اۋىستىرۋداعى تيىمدىلىك جاساۋ ينفورماتسيالارى كەڭەس سۇراۋعا، اۆتوكولىك ساتىپ الۋعا كەلگەن الارمانداردى باۋرادى.

شىڭگىل اۋدانى شاعانعول اۋىلى قىزىلساي قىستاعىنىڭ تۇرعىنى مۇسابەك ايىپ ۇلى بىلاي دەدى: اۆتوكولىك ساتىپ الۋعا كەلدىم، بۇل ساياسات ءبىز سياقتى بۇقاراعا وتە ءتيىمدى بولدى.

شىڭگىل اۋدانىنداعى ءمالىم اۆتوكولىك ساتۋ شەكتى سەرىكتەستىگىنىڭ جاۋاپتىسى ما جى-يۇڭ بىلاي دەدى: بۇرىن ايىنا بىرنەشە اۆتوكولىك قانا ساتىلاتىن، ايلىق ساناققا قاراعاندا، قازىرگە دەيىن ءبىر ايدا 20 نەشە اۆتوكولىك ساتىلىپتى، ءتيىمدى ساياساتتىڭ بازارعا دەم بەرۋ ونىمدىلىگى نەداۋىر كورنەكتى، ءبىزدىڭ كاسىپورىنىمىز سياقتى اۆتوكولىك كاسىپورىندارىنا دا وراسان زور سەپتىگىن تيگىزدى.