كۆپ قىسىملىق يېڭى ئەسەر
ئەسەر ھەققىدە
ھوزۇرىڭىزدا بولۇۋاتقىنى ئارافات ئۆزلەشتۈرۈپ تەييارلىغان، گۈزەلىم سالونىمىزدا ھەر كۈنى بىر قىسىمدىن تارقىتىلىدىغان «يولدىن چىققان ئايال» ناملىق روماننىڭ يازما ۋە ئاۋازلىق نۇسخىسى. بىزنى قوللاپ دوستلىرىڭىز ۋە چەمبىرەكلەرگە تەۋسىيە قىلىۋېتىپ ئاندىن ئەسەر ئوقۇشنى باشلاپ كېتىڭ!
باشقا قىسىملىرى
بۈگۈنكى قىسىمى
ئۇ كالپۇكىنى چىشلەپ، سۈكۈت قىلىپ گەپ قىلمىدى.
-گۈلزىرە، مەن ئەزەلدىن باشقىلارغا چېقىلىپ باقمىغان، پەقەت سىزلا بار.. مەن ئۈجمە كۆڭۈل ئەمەس، پەقەت سىزنىڭ قوش سالاھىيىتىڭىزنى بىلگەندىن كېيىن قېچىپ كېتىشىڭىزدىن ئەنسىرەپ، ئىزچىل بىلمىگەن قىياپەتكە كىرىۋالدىم.
-شۇڭا، سىز شۇنچە ئۇزۇندىن بېرى مېنىڭ ئويۇن قويۇشۇمغا قاراپ كېلىۋاتىسىز، سىز چوقۇم ئارقامدىن ئوغرىلىقچە كۈلدىڭىز!
گۈلزىرە ئۇۋالچىلىق ھېس قىلدى، ئويلاپ مۇشۇ يەرگە كەلگەندە، ئۇ قەيسەرنىڭ دىققەت قىلمىغانلىقىدىن پايدىلىنىپ، ئۇنى ئىتتىرىپلا قېچىپ كەتتى.
قەيسەر دەرھال قوغلاپ بېرىپ:
-گۈلزىرە چىراغ نۇرى ياخشى ئەمەس، يىقىلىپ چۈشمەڭ!-دېدى.
ئۇنىڭ قەدىمى قەيسەرنىڭدەك چوڭ بولمىغاچقا، پەلەمپەي ئېغىزىغا يۈگۈرۈپ كەلگەندە، قەيسەر ئۇنى كەينىدىن قۇچاقلىۋالدى.
قەيسەر ئۇنى چىڭ قۇچاقلاپ:
-گۈلزىرە، ھەممىسى مېنىڭ كاساپىتىم، بىراق مەن ئەزەلدىن سىزنى زاڭلىق قىلىپ باقمىدىم، پەقەت سىزگە ئىچ ئاغرىتتىم!-دېدى.
ئۇ قەيسەرنىڭ ھازىر بۇنداق شېرىن - شېكەر گەپلەرنى قىلىۋاتقانلىقىنى ئاڭلاپ، كۆڭلىدە نېمە بولغانلىقىنى بىلەلمەي، پەقەت قاچماقچى بولدى.
قەيسەر ئۇنىڭ مۇشت-پەشۋالىرى بىلەن كارى بولماي، ئۇنى ئۆزىگە قارىتىپ:
-گۈلزىرە، يەتتە يىل ئىلگىرى ئىش ھەقىقەتەن بىر تاساددىبىيلىق، كۆڭلۈڭىزدە داغ بولۇپ يۈرىۋەرمىسۇن، ئەينى ۋاقىتتا مەن خاتا قىلغان، لېكىن مەن سىزگە زىيانكەشلىك قىلىشنى ئەزەلدىن ئويلاپ باقمىغان، كەلگۈسىدىمۇ سىزگە زىيانكەشلىك قىلمايمەن!
قەيسەر سۆزلەۋېتىپ بېشىنى تۆۋەن سېلىپ، گۈلزىرەنى يېنىك سۆيۈپ:
-گۈلزىرە، قورقماڭ، ئۇ چاغدا ماڭا بىرە دورا سېلىۋەتكەن، يەنە يارلانغاچقا، ئىرادەم بىر قەدەر ئاجىز ئىدى. بۇنىڭدىن كېيىن، مەن سىزنى مەجبۇرلىمايمەن!
قەيسەر سۆزلەۋېتىپ، گۈلزىرەنىڭ مەڭزىگە يېنىك سۆيۈپ قويدى.
ئۇ يۈزىنى بىر تەرەپكە قىيسايتتى، ئۇ ئۇنىڭ يان يۈزىگە سۆيدى.
ئۇ ئۇنىڭ بەدىنىنىڭ تىترىمىگەنلىكىنى ھېس قىلغاندىن كېيىن، ئاندىن بىر ئاز ئارىلىق پەيدا بولدى.
ئۇ ئىلگىرى ھەر قېتىم ئۇنىڭ بىلەن يېقىنلىشىشنى ئويلىغاندا، ئۇ بەك قورقۇپ كېتەتتى، بۇ چوقۇم يەتتە يىل ئىلگىرى ئۇنىڭ ئۇنىڭغا قالدۇرغان روھىي كۆلەڭگىسى.
بۈگۈنكى كۈندە، ئوخشاش جايغا كېلىش، بىرىنچىدىن، ھەقىقەتەن ئىقرار قىلىش ئۈچۈن.
بۇ ئۇنىڭ ئەينى چاغدىكى كۆلەڭگىسىنى يېڭىشى ئۈچۈن ئىدى.
قەيسەر گۈلزىرەنىڭ يۈزىنى تۇتقىنىچە:
-ئەينى چاغدىكى ئىشلارنى ئەسلىگە كەلتۈرگىلى بولمىسىمۇ، لېكىن بىزنىڭ ئەقىللىق، ئوماق ئوغلىمىز بار. ئەلۋەتتە، مەن كۆپ خاتالىق ئۆتكۈزگەنلىكىمنى بىلىمەن، بىر نەچچە ئېغىز كەچۈرۈم سورايدىغان گەپنىڭ سەمىمىيىتى يوق. بولمىسا، سىز ئۇرۇۋالامسىز؟
قەيسەر شۇنداق دېگەچ گۈلزىرەنى قويۇۋېتىپ:
-ئاچچىقىڭىزنى چىقىرىۋېرىڭ، مەن قول ياندۇرمايمەن، -دېدى.
گۈلزىرە ئۇنىڭغا بىر نەچچە سېكۇنت قارىدى ، ئۇنىڭ بويى ئېگىز بولغاچقا، ئۇنىڭ ئۈستىگە چۈشكەن قارا كۆلەڭگىنى كۆردى، خۇددى ئەينى چاغدا ئۇنىڭغا قورقۇنچ ئېلىپ كەلگەن قىياپەتكە ئوخشايتتى.
گۈلزىرەمۇ ئەينى چاغدىكى ئىشنىڭ ئۇنىڭغا ناھايىتى چوڭ تەسىر قالدۇرغانلىقىنى بىلىدۇ، ئەگەر ئۇ يېڭەلمىسە، كېيىن مەڭگۈ قەلبىنىڭ چوڭقۇر قاتلىمىدىكى بىر جاراھەت بولۇپ قالىدۇ.
شۇڭا، ئۇ ئاشۇ كۆلەڭگىگە قاراپ، بۇ بىر نەچچە يىلدا باشتىن كەچۈرگەن بارلىق ئىشلارنى ئويلاپ، مۇشتۇمىنى پۇلاڭلىتىپ قەيسەرنى ئۇرۇشقا باشلىدى!
ئۇ دەرۋەقە ئۇ دېگەندەك، مىدىر - سىدىر قىلماي، ئۇنىڭ ئاچچىقىنى چىقىرىشىغا يول قويدى.
بىر ھازادىن كېيىن، ئۇنىڭ ماغدۇرى قالمىدى، قوللىرىمۇ ئۇيۇشۇپ قالدى، لېكىن، كۆڭلىدىكى تۈگۈنلەر ئاستا - ئاستا يوقىلىشقا باشلىدى.
قەيسەر ئۇنىڭ مىدىرلىمىغانلىقىنى كۆرۈپ، بېلىنى ئېگىپ ئۇنى قۇچاقلىدى، ئاندىن سالماق ھالدا پەسكە قاراپ ماڭدى:
-بولدى، كەچ بولۇپ كەتتى، بىز ئۆيگە قايتايلى.
گۈلزىرەنىڭ كەيپىياتى ناھايىتى تۇراقسىز بولسىمۇ، لېكىن ئۇنى ئۇردى، يىغلىدى، ئاچچىقىنى چىقاردى، شۇ تاپتا قەيسەر ئۇنى باغرىغا چىڭ باستى، ماغدۇرى قالمىغاچقا، قايتا تىركەشمىدى.
بىنانىڭ ئاستىغا كەلگەندە، قەيسەر ياردەمچىسىگە تېلېفون قىلىپ ماشىنا ھەيدەپ كېلىشنى ئېيتتى، ئۇ گۈلزىرەنى قۇچاقلاپ، ھويلىسىدا ئولتۇردى.
ئۇ غۇۋا يول چىرىغىدىن پايدىلىنىپ، ئەتراپتىكى غۇۋا مەنزىرىنى كۆرۈپ، ئىختىيارسىز ئۇنىڭ كىچىك ۋاقتىدىكى ھالىتىنى ئويلاشقا باشلىدى.
-ئۇ بۇرۇنمۇ مۇشۇنداق جاھىل بولغىيمىتى؟
كېچىدە، قەيسەرنى گۈلزىرەنىڭ ئىسسىقى ئويغاتتى.
ھېرىپ چارچاپ ئۇخلاپ قالغان گۈلزىرەنىڭ يېنىغا قەيسەر يۈزى قېلىنلىق بىلەن كىرۋالغان ئىدى.
ئۇ كۆزىنى ئېچىپ، قۇچىقىدىكى كىچىك ئايالنىڭ سەل قىزىپ قالغانلىقىنى ھېس قىلىپ، دەرھال قولىنى سوزۇپ ئۇنىڭ پېشانىسىنى سىلىدى.
ئۇ يەنە قىزىپ قالدى.
ئۇنىڭ تۇيۇقسىز ئىچى ئاغرىپ كەتتى، ئۇنىڭ تېنى شۇنچە ئاجىز تۇرسا، بۇ بىر نەچچە يىلدىن بۇيان ئاغرىپ قالغاندا، ھالىدىن خەۋەر ئالىدىغان ئادەم بارمىدى؟
ئۇ دەرھال ئورنىدىن تۇرۇپ، يوتقاننى گۈلزىرەگە يېپىپ قويدى، ئاندىن دوختۇرغا يەنە تېلېفون قىلدى.
بۇ ئىككىنچى قېتىم ئاغرىپ قالغان ئادەمنىڭ ھالىدىن خەۋەر ئېلىش بولغاچقا، قەيسەرمۇ ئازراق تەجرىبىگە ئىگە بولدى.
ئۇ تازىلىق ئۆيىگە بېرىپ بىر داس ئىلمان سۇ ئەكىلىپ، گۈلزىرەنىڭ بەدىنىنى سۈرتۈپ تېمپېراتۇرىسىنى تۆۋەنلەتتى.
ئاندىن يەنە ھۆل لۆڭگىنى ئېلىپ ئۇنىڭ پېشانىسىگە قويدى.
ئۇ ھوشىغا كەلگەندىن كېيىن، ئۇ ئالدىراپ:
-گۈلزىرە يەنە قەيىرىڭىز ئاغرىۋاتىدۇ؟
-پۈتۈن بەدىنىم تېلىپ ئاغرىۋاتىدۇ.
گۈلزىرە ئۆزىنىڭ كىيىمىنىڭ يېشىۋېتىلگەنلىكىنى ھېس قىلدى، قەيسەر يەنە لۆڭگىنى ئېلىپ ئۇنىڭ بەدىنىنى سۈرتتى، ئۇ خىجىل بولدى ھەم ماغدۇرسىزلاندى.
گەرچە، ئۇ يەتتە يىل بۇرۇنقى ھېلىقى ئادەم بولسىمۇ، لېكىن ...
ئۇ ئۇنى توسىماقچى بولغاندا، ئۇ ئۇنىڭ قولىنى تارتىپ:
-گەپ ئاڭلاڭ، بەدىنىڭىز بەك قىزىق، چوقۇم قىزىتما چۈشۈرۈش كېرەك!- دېدى.
ئۇ يېنىك ھىم قىلىپ قويدى، لېكىن ھەقىقەتەن ماغدۇرى يوق ئىدى، شۇڭا، پەقەت كۆزىنى يۇمدى.
ئۇزۇن ئۆتمەي، دوختۇر كېلىپ، گۈلزىرەنى تەكشۈرگەندىن كېيىن:
-ئادەتتىكى زۇكام ئىكەن، ئازراق دورا يېسۇن، ئەگەر ياخشى بولمىسا يەنە ئوكۇل سالدۇرۇڭ، - دېدى.
قەيسەر بېشىنى لىڭشىتىپ:
- دوختۇر، ئۇ نېمىشقا دائىم ئاغرىپ قالىدۇ؟- دەپ سورىدى.
ئۇ ئۆزىنى ئويلىدى، خۇددى ئېسىنى بىلگەندىن بۇيان ناھايىتى ئاز ئاغرىپ قالغاندەك، قىزىپ قالغان قېتىم سانى ساناقلىقلا ئىدى.
بىراق، ئۇ ئۇنىڭ بىلەن تونۇشقىلى ئۇزۇن بولمايلا، ئۇنىڭ ئىككى قېتىم قىزىتمىسى ئۆرلەپ كەتتى، ئۇ ئۇنىڭ بىئارام بولۇۋاتقانلىقىنى كۆرۈپ، ئازراقمۇ ئامال قىلالمىدى.
-بۇ قېتىم قىزىتما ياخشىلانغاندىن كېيىن، ئۇنى دوختۇرخانىغا ئاپىرىپ تەكشۈرتۈپ بېقىڭ، ئىممۇنىتېت كۈچى سەل تۆۋەن بولۇشى مۇمكىن، -دېدى دوختۇر.
گۈلزىرە ئىككىيلەننىڭ پاراڭلاشقان ئاۋازىنى گەرچە كۆزىنى يۇمغان بولسىمۇ، لېكىن بىر ئېغىزمۇ قالدۇرماي ئاڭلىدى.
ئۇ قەيسەرنىڭ راستىنلا ئۇنىڭغا كۆڭۈل بۆلىدىغانلىقىنى بىلىدۇ.
ئەمما، ئۇنىڭ بۇنداق بولۇشىغا قەيسەر سەۋەبچى.
دوختۇر دورا يېزىپ بېرىپ، قەيسەرگە ھەر بىر دورىنى قانداق يېيىشنى تەپسىلىي تاپىلىدى، ئەسلىدە ئۇ كەتمەكچى بولغان ئىدى، لېكىن قەيسەر گۈلزىرەنىڭ يەنە ياخشى بولماسلىقىدىن ئەنسىرەپ، دوختۇرنى داچىدىكى مېھمانخانىدا تۇرغۇزدى.
خىزمەتكار ئىلمان سۇ ئەكەلدى، قەيسەر گۈلزىرەنى يۆلەپ قۇچىقىغا ئېلىپ: -گۈلزىرە، دورا ئىچۋېلىڭ، ئىچۋالسىڭىزلا قىزىممايسىز ، - دېدى.
ئۇ ئۇنىڭغا ئاچچىقلىنىۋاتامدۇ ياكى ئۆزىنىڭ يارىماسلىقىدىن نەپرەتلىنىۋاتامدۇ، ئىشقىلىپ، گۈلزىرە كۆزىنى ئاچماي، ئاغزىنى چىڭ يۇمۇپ، مىدىرلىمىدى.
قەيسەر ئۇنىڭ ئىسمىنى يەنە چاقىردى، ئۇنىڭ ئىنكاس قايتۇرمىغانلىقىنى كۆرۈپ، ئۇنى ھوشىدىن كەتتى دەپ ئويلاپ قالدى.
بىراق، دورىنى چوقۇم يېيىش كېرەكتە!
ئۇ تۇيۇقسىز ئەقلىنى ئىشلىتىپ، دورىنى ئېلىپ ئاغزىغا سالدى، ئاندىن يۈزىنى يانتۇ قىلىپ، بېشىنى تۆۋەن قىلىپ گۈلزىرەنىڭ لېۋىگە سۆيدى.
ئاتالمىش ھوشىدىن كەتكەن گۈلزىرە چۆچۈپ كەتتى، بىراق قەيسەر ئۇنىڭ چىشىنى زورلاپ ئاچتى، ئارقىدىنلا ئۇنىڭ ئاغزىدىكى دورىنى ئۇنىڭغا ئىچكۈزدى.
گۈلزىرە نارازى بولۇپ، ئۆزىنىڭ ئويغانغان ھالىتىنى ئىپادىلىيەلمەي، يالغاندىن ھوشىدىن كەتكەن بولۇۋېلىپ ھىم قىلىپ قويدى.
خۇددى ئويغانماقچى بولغاندەك قىلاتتى، ئۇ ئۆزىنى تۇتۇۋالالماي بېشىنى تۆۋەن سېلىپ ئۇنى يەنە بىرنى سۆيۈپ قويدى، شۇندىلا كۆڭلى قىيمىغان ھالدا ئۇنى قايتىدىن كارىۋاتقا قويۇپ قويدى.
ئۇ ئايىغىنى سېلىپ ئاستا ياتتى، ئاندىن گۈلزىرەنى باغرىغا باستى.
گۈلزىرە دەسلەپتە ئازراق قارشىلىق كۆرسەتكەن بولسىمۇ، لېكىن كېيىن دورىنىڭ تەسىرىدە ناھايىتى تېزلا قاتتىق ئۇخلاپ كەتتى.
ئىككىنچى كۈنى ئەتىگەندە، غەيرەت دەل ۋاقتىدا قەيسەرنىڭ مېھمانخانىسىدا پەيدا بولدى.
قەيسەر يىغىشتۇرۇپ، ئۈستۈنكى قەۋەتتىن چۈشتى.
ئەتىگەندە، ئۇ گۈلزىرەنىڭ بەدەن تېمپېراتۇرىسىنى ئۆلچىدى، ئاساسىي جەھەتتىن ئەسلىگە كەلدى، بىراق، ئۇ تېخى ئويغانمىدى، ئۇمۇ ئۇنى چاقىرمىدى.
غەيرەت ئاياغ تىۋىشىنى ئاڭلاپ، دەرھال نەزىرىنى قەيسەرنىڭ مەڭزىگە قاراتتى.
تۈنۈگۈنكى ئىسسىق ئۆتكۈزۈش ئارقىلىق قەيسەرنىڭ كاچتىدىكى ئىزلار يوقاپ قالغاندەك قىلاتتى، بىردەمدىن كېيىن ئازراق گىرىم قىلىپ، نۇقسانلارنى ياپسا، پۈتۈنلەي بىلگىلى بولمايتتى.
چۈنكى غەيرەت قەيسەر بىلەن گۈلزىرەنى ئالغىلى بارىغاندا، ئۇنىڭغا ئىككىچى كۈنى كېلىپ گرىم قىلىپ قويۇشنى ئېيتقان ئىدى.
بىراق، غەيرەت تەستە ئۇچرايدىغان بۇنداق ياخشى پۇرسەتنى قانداقمۇ قولدىن بېرىپ قويسۇن؟
ئۇنىڭ چىرايىدىن كۈلكە يېغىپ تۇراتتى، تۈنۈگۈن كەچ، ئۇ گەرچە بەك كەچ ئۇخلىغان بولسىمۇ، لېكىن، ئىختىيارسىز ھالدا بۈگۈن تاياق يېگەن قەيسەرنى كۆرۈشنى ئويلاپ، روھى ئۇرغۇپ كەتكەندەك ھېس قىلدى.
شۇڭا، تۇنجى قېتىم قوڭغۇراقلىق سائەتنى ئىشلەتمەيلا ئويغىنىپ كەتتى.
-مەن بىلەن ئۈستۈنكى قەۋەتكە چىق!
قەيسەر ياردەمچىسى غەيرەتنىڭ ئالدىغا كېلىپ:
-ناشتا قىلدىڭمۇ؟- دېدى.
-يېمىدىم، سەن يېدىڭىمۇ؟
-مەنمۇ يېمىدىم، -قەيسەر، -ئاۋۋال يەمدۇق ياكى گىرىم قىلىمىزمۇ؟
-گىرىم قىلىمىز، بەرىبىر لەۋلىرىڭگە قىزىل سۈركىمىسەڭمۇ بولىدۇ!-دېدى غەيرەت.
ئادەم يوق چاغلاردا غەيرەت قەيسەرنى سەنلەيتتى.
قەيسەر بۇنى ئاڭلاپ، غەيرەتكە قاراپ سەت بىرنى ئالىيۋەتتى.
ئىككىيلەن بىللە 2 - قەۋەتكە چىققاندىن كېيىن، غەيرەت قورال - جابدۇقلارنى ئېلىپ، خورسىنغان ھالدا:
-ئويلىماپتىمەن، تۇنجى قېتىم ساڭا گىرىم قىلىشىم، توي مۇراسىمىڭىدا ئەمەس، بەلكى ...
-غەيرەت، قۇرۇق گېپىڭ بەك جىقمۇ؟
-ماقۇل، ماقۇل، مەن تەسلىم بولدۇم!
غەيرەت ئىش باشلىدى.
ئۇنىڭ ھەرىكىتى ناھايىتى پىششىق ئىدى، ئۇ ناھايىتى تېزلا ئەينەكنى قەيسەرگە سۇنغاندا، ھەممە ئىش پۈتتى.
-ئاكا، قاراپ باقە، تاياق يېيىشتىن بۇرۇنقى بىلەن ئوخشاشمىكەن؟
گۈلزىرە ئويغانغاندا پۈتۈن بەدىنى خېلى يېنىكلەپ قالغاندەك ھېس قىلدى، قىزىپ قالمىغاندەك قىلاتتى.
ئۇ ئورنىدىن تۇرۇپ، كارىۋات يېنىدا بىر پارچە خەت بارلىقىنى بايقىدى.
بۇ يىللاردا خەت قالدۇرىدىغانلار بارغانسېرى ئازلاپ كەتتى، ئۇ قولىغا ئېلىپ، كۈچلۈك يېزىلغان خەتلەرگە قاراپ، قەيسەرنىڭ يازغانلىقىنى بىلدى.
-گۈلزىرە، بۈگۈن دۇكانغا بارمىسىڭىزمۇ بولىدۇ، مەن ھۆرگۈلگە خەۋەر قىلىپ قويدۇم، ئۇ دۇكانغا قاراپ تۇرىدىغان بولدى. مەن يىغىنغا كەتتىم، ئىشتىن چۈشۈپلا ئۆيگە قايتىمەن. سەل تۇرۇپ چىمەنگۈل كېلىدۇ، ئەگەر زېرىكسىڭىز، ئۇنىڭ بىلەن بىللە ئويناڭ، لېكىن سىرتقا چىقىپ يۈرمەڭ، بالىدىن ئەنسىرمەڭ، مەن ئالغىلى بارىمەن.
گۈلزىرە كۆرۈپ بولغاندىن كېيىن، تۇيۇقسىز قەيسەر بىلەن ئائىلە قۇرغاندەك ھېسياتتا بولدى
بۇ ئۇنىڭغا سەل غەلىتە تۇيۇلدى، ئۇنىڭدەك يالغۇز كۆنۈپ قالغان ئادىمگە نىسبەتەن ئېيتقاندا، ھەقىقەتەن ماس كەلمەيدىكەن.
ئۇ كارىۋاتتىن تۇرۇپ، تازىلىق ئۆيىگە بېرىپ بولغاندىن كېيىن، قەيسەر ئۈستەلگە قويۇپ قويغان دورىنى كۆردى.
ھەر بىر خىل دورىنىڭ ئاستىغا ئىشلىتىش ئۇسۇلى ۋە مىقدارى، يەنە تاماقتىن كېيىن ياكى تاماقتىن بۇرۇن يەيسىز دەپ يېزىلغان ئىدى.
ئۇ سەل تەسىرلەندى، ئۇنىڭ ھازىر ئۇنىڭغا ناھايىتى ياخشى مۇئامىلە قىلىۋاتقانلىقىنى بىلىدۇ، خۇددى ئۇنىڭ بىلەن راستىنلا بىللە بولغۇسى باردەك.
بىراق، ئۇ گۈلزىرەنى بۇنداق ئاسانلىقچە ئىشەندۈرەلمىدى.
ئۆز ئاتا - ئانىسىمۇ، كېتىدىغان چاغدا بىر ئېغىزمۇ گەپ قىلمىدى، شۇنچە يىلدىن بېرى كۆرۈنمىدى، پەقەت ئۈستەلگە بىر پارچە باغاقچە قالدۇرۇپ، ئۆزىنىڭىزنىڭ ھالىدىن ياخشى خەۋەر ئېلىڭ دېدى.
ئۇنداقتا، ئۇ يەنە كىمگە ئىشىنىدۇ؟
دۇنيادا نۇرغۇن تاسادىپىيلىق بار، خۇددى ئەينى چاغدا ئۇ جالال بىلەن ياخشى ئۆتكەن، لېكىن ئۇ ئۇنى ئۇنتۇپ كېتىمەن دەپلا ئۇنتۇپ قالدى، يەنە ئۇنىڭ دۈشمىنى بىلەن بىللە بولدى.
ئەسەرنىڭ تېخىمۇ كۆپ قىسىملىرىنى ئوقۇماقچى بولسىڭىز ئاستىدىكى ئەسەر مۇقاۋا رەسىمىنى چېكىپ ئەپچىدىن ئوقۇسىڭىز بولىدۇ. مۇشۇ رەسىمنى چەكسىڭىز تېخىمۇ كۆپ قىسىملىرى چىقىدۇ👇
