11-ايدىڭ 9-كۇنى جيلين ولكەلىك ورتا دارەجەلى كاسىپتىك مەكتەپتەردەن شينجياڭعا كومەككە كەلگەن وقىتۋشىلار ۇيىرمەسى التاي مال شارۋاشىلىق-مال دارىگەرلىك كاسىپتىك مەكتەبىندەگى (بۋرىلتوعاي اۋداندىق تەحنيك جۇمىسشىلار مەكتەبى) وقۋشىلاردىڭ ۇيىنە بارىپ، ”قىزىل تۇيمە“ اتىنداعى وتباسىلارىن ارالاۋ قيمىلىن وتكىزدى.
بۇل رەتكى قيمىلدىڭ ماقساتى وقۋشىلاردىڭ وتباسى جاعدايىن ىشكەرىلەي ۇعىسىپ، دالمە-ءدال كومەكتەسىپ سۇيەمەلدەپ، ولاردىڭ مەكتەپ تۇرمىسىنا اناعۇرلىم ويداعىداي ۇيلەسۋىنە دەم بەرىپ، جان-جاقتى دامۋىن جۇزەگە اسىرۋ.
سول كۇنى جيلين ولكەسىنەن شينجياڭعا كومەككە كەلگەن 12 وقىتۋشى 3 گرۋپپاعا ءبولىنىپ جەكە-جەكە 3 وقۋشىنىڭ ۇيىنە بارىپ، ولاردىڭ اتا-اناسىمەن ىشكەرىلەي اۋىس-كۇيىس جاساپ، وقۋشىلاردىڭ ۇيرەنۋ احۋالىن، تۇرمىس ادەتىن جانە اۋەسىن ەگجەي-تەگجەيلى ۇعىستى ءارى اتا-انالارعا مەكتەپتىڭ وقىتۋ ەرەكشەلىگىن، وقۋ-اعارتۋ ۇستانىمىن جانە بولاشاق دامۋ بەتالىسىن تانىستىردى.
كوكاعاش اۋىلى اقوتكەل قىستاعىندا وقىتۋشىلار 2024-جىلدىق 10-كلاس ورمان بايلىعىن باسقارۋ جانە قورعاۋ كاسىبىنىڭ وقۋشىسى شياۋ حۋدىڭ (بالاما اتى) ۇيىنە باردى. وقىتۋشىلار شياۋ حۋدىڭ وتباسى اۋقاتتى بولماسا دا، اتا-اناسى وقۋ-اعارتۋدى تاعدىردى وزگەرتۋدىڭ ماڭىزدى جولى دەپ قارايتىندىعىن، بالاسىنىڭ وقۋدى بىتىرۋىنە بار كۇشپەن قولداۋ كورسەتەتىندىگىن ۇعىستى.
جيليننان شينجياڭعا كومەككە كەلگەن وقىتۋشىلاردىڭ جەتەكشىسى، التاي مال شارۋاشىلىق-مال دارىگەرلىك كاسىپتىك مەكتەبىنىڭ (بۋرىلتوعاي اۋداندىق تەحنيك جۇمىسشىلار مەكتەبى) ورىنباسار باستىعى جۇڭ حۇيليڭ بىلاي دەدى: بۇدان كەيىن بالالار مەكتەپتە ۇيرەنۋ جانە تۇرمىس جاعىندا قيىنشىلىققا جولىقسا، مۇعالىمدەرمەن اڭگىمەلەسسە بولعانى شامامىزدىڭ كەلىسىنشە كومەكتەسەمىز .
”قىزىل تۇيمە“ اتىنداعى وتباسىلارىن ارالاۋ قيمىلى باستالعاننان بەرى، جيىنى 461 وقۋشىنىڭ وتباسىن ارالادى. قيمىل مەكتەپ، وقىتۋشى مەن اتا-انا، وقۋشى اراسىن جاقىنداتىپ عانا قويماي، وقۋشىلارعا مەكتەپ پەن وقىتۋشىلاردىڭ مەيىرى مەن قامقورلىعىن تەرەڭ سەزىندىردى. وتباسىلارىن ارالاۋ بارىسىندا وقىتۋشىلار ءاربىر وقۋشىنىڭ وتباسى جاعدايىن، ءوسىپ-جەتىلۋ ورتاسىن، سونداي-اق دارالىق ەرەكشەلىگىن ەگجەي-تەگجەيلى ەستەلىككە الىپ، كەيىنگى اناعۇرلىم باعىتتامالى وقۋ-اعارتۋدى قولداۋعا بەرىك نەگىز قالادى.
جۇڭ حۇيليڭ بىلاي دەدى: وتباسىلارىن ارالاۋ قيمىلى وقۋشىلاردىڭ وتباسى جاعدايىن تۇسىنۋىمىزدەگى ماڭىزدى جول. وسى قيمىل ارقىلى وقۋشىلاردىڭ ەسەيىپ-ەرجەتۋ ورتاسى مەن قاجەتىن اناعۇرلىم ىشكەرىلەي ءتۇسىنىپ، ولارعا وقۋ-اعارتۋ جاعىنان دالمە-ءدال، ءونىمدى كومەكتەسە الامىز. بۇدان بىلاي وتباسىلارىن ارالاۋ قيمىلىن ۇزدىكسىز ىشكەرىلەي ورىستەتىپ، ءتىپتى دە كوپ وقۋشىنىڭ وسى قيمىلدان يگىلىكتەنۋىنە مۇمكىندىك جاراتامىز.
来源：雪都嘟/阿勒泰地区融媒体中心
实习记者：包洪宇
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
