اقىسىن ازايتىپ، سيلىق ۇسىندى

11-ايدىڭ 11-كۇنى التاي قالاسىنداعى شۋەدۋ بۋيەچىڭ ميتيانحۇي تۇرمىستىق بۇيىمدارى دۇكەنىندە دۇكەن يەسى باعادا جەڭىلدىك جاساۋ، بەلگىلى سوماعا تولسا اقىسىن ازايتۋ، سيلىق ۇسىنۋ قاتارلى تاسىلدەر ارقىلى كوپتەگەن قاريداردى زات ساتىپ الۋعا باۋرادى.

”تالەيىمە جاراي ساۋدا دۇكەنىنىڭ ساتىپ الۋ اقىسى 100 يۋانعا تولسا، 50 يۋاننىڭ ساۋعاسىن ۇسىناتىن قيمىلعا ۇلگىرىپ، وزىمە قىستا كيەتىن باس كيىم جانە مويىنسالى الدىم، ’قوس 11‘ قيمىلى وتە قولايلى بولدى“،-دەدى التاي قالاسىنىڭ تۇرعىنى ۋاڭ حۇڭپيڭ قۋانا.

بيىلعى ”قوس 11“ توراپتا ساتۋدى جەبەۋ قيمىلىنىڭ دابىرالى جۇرگىزىلۋىنە ىلەسە، ءارقايسى اۋداننىڭ (قالانىڭ) جەلىدە، جەلىدەن تىس ساتۋ بازارلارىندا دا ساۋدا كۇسەت بولدى. كۇندەلىكتى تۇرمىستىق بۇيىمداردان جوعارى دەڭگەيلى ءۇي ەلەكتر جابدىقتارىنا دەيىن، ونان جەرگىلىكتى ەرەكشە ونىمدەرگە دەيىن، ءىرى ساۋدا ەرەن بازارلارى، ارناۋلى ساتۋ دۇكەندەرى، سونداي-اق ەرەكشە دۇكەندەر ىركەس-تىركەس ءبىر قىدىرۋ ءتيىمدى ساتۋ قيمىلىن وتكىزىپ، كوپتەگەن تۇتىنۋشىنى زات ساتىپ الۋعا باۋراپ، تۇتىنۋ بازارىنا تىڭ ومىرشەڭدىك كۇش قوستى.

سول كۇنى التاي قالاسى ۋانچى ساۋدا بازارىنداعى جيڭدۇڭ ءۇي ەلەكتر جابدىقتارىن ارناۋلى ساتۋ دۇكەنىندە كوپتەگەن قاريدار ءۇي ەلەكتر جابدىقتارىن تاڭداپ ساتىپ الدى ءارى ءۇي ەلەكتر جابدىقتارىن كونەسىنىڭ ورنىنا جاڭاسىن اۋىستىرۋ ساياساتىنان كەڭەس سۇرادى. دۇكەن قىزمەتكەرلەرى جەلىدە، جەلىدەن تىس ساتۋدى ۇشتاستىرۋ ءتاسىلى ارقىلى قالىڭ قاريدارعا ءتۇرلى ىقىلاستى قىزمەت وتەدى.

”’ءۇي ەلەكتر جابدىقتارىن كونەسىنىڭ ورنىنا جاڭاسىن اۋىستىرۋ قيمىلى‘ جانە دۇكەننىڭ ’قوس 11‘ قيمىلى وتكىزىلگەننەن بەرى، كونەسىنىڭ ورنىنا جاڭاسىن اۋىستىرۋعا زاكاز بەرۋ %50 كوبەيدى، مولشەرمەن %90 تۇتىنۋشى كونەنىڭ ورنىنا جاڭاسىن اۋىستىرۋ ءتاسىلى ارقىلى جاڭا ءۇي ەلەكتر جابدىقتارىن ساتىپ الدى“،-دەدى ۋانچى ساۋدا بازارىنداعى جيڭدۇڭ ءۇي ەلەكتر جابدىقتارىن ارناۋلى ساتۋ دۇكەنىنىڭ جاۋاپتىسى ران شيانگو.

بۋرىلتوعاي اۋدانىنىڭ تۇتىنۋ بازارىندا دا ءارقايسى ءىرى ساۋدا ورىندارى ”قوس 11 دى“ وراي ەتىپ، ەرەكشە تيىمدىلىك جاساۋ قيمىلدارىن ىركەس-تىركەس وتكىزدى. تۇتىنۋشىلار زات ساتىپ الۋدىڭ قىزىعىنان لاززاتتانۋمەن بىرگە، بۋرىلتوعاي اۋدانىنىڭ وزگەشە مادەنيەت ءمانىن دە سەزىندى.

ەرەكشە اۋىل شارۋاشىلىق ونىمدەرىن تاڭداپ ساتىپ الىپ جاتقان ساياحاتشى ۋاڭ مىرزا بىلاي دەدى: بۇگىن ارناۋلى جەرگىلىكتى ەرەكشە ونىمدەردى ساتىپ العالى كەلدىم، ”قوس 11 دە“ باعادا جەڭىلدىك جاساۋ وتە قولايلى ەكەن. باعادا جەڭىلدىك جاساۋ، بەلگىلى سوماعا تولسا اقىسىن ازايتۋ، سيلىق ۇسىنۋ قاتارلى ءتۇرلى ساتۋدى جەبەۋ ءتاسىلى ارقىلى ساتۋ سوماسىن كوبەيتىپ قالماستان، بۋرىلتوعاي اۋدانىنىڭ ەرەكشە ونىمدەرىنىڭ اتاعىن دا ونان ارى ايگىلەدى.

بۋىرشىن اۋدانىنداعى ساياحات ەستەلىك بۇيىمدار دۇكەنى، ەرەكشە اس-سۋ دۇكەندەرى دە ساتۋدى جەبەۋ قاتارىنا قوسىلىپ، قالىڭ ساياحاتشىلار مەن جەرگىلىكتى بۇقارانى الۋان ءتۇرلى تۇتىنۋ تالعامىمەن قامدادى. سول كۇنى بۋىرشىن اۋدانىنداعى ءبىر ساياحات ەستەلىك بۇيىمدارى دۇكەنىندە ساياحاتشىلار جەرگىلىكتى ەرەكشەلىككە يە ەستەلىك بۇيىمدارىن تاڭداپ ساتىپ الدى.

”ءبىز ’قوس 11‘ كەزىندە كوپ ءتۇرلى ءتيىمدى قيمىلدار وتكىزىپ، ساياحاتشىلاردىڭ ساتىپ الۋ ىنتاسىن كۇشەيتتىك“،-دەدى بۋىرشىن اۋدانىنداعى ءمالىم ساياحات ەستەلىك بۇيىمدارى دۇكەنىنىڭ قوجايىنى.