11-ايدىڭ 7-كۇنى، جۇڭگو حالىق بانكەسى التاي ايماقتىق بولىمشە بانكەسىنىڭ ۇگىت لەكسيا ۇيىرمەسىنىڭ قىزمەتكەرلەرى التاي قالالىق تاجىريبە باستاۋىش مەكتەبىنە بارىپ، ”ەلەكتروندى ينفورماتسيا الدامشىلىعىنان ساقتانىپ، مال-مۇلىك حاۋىپسىزدىگىن قورعايىق“ تاقىرىبىنداعى ۇگىت قيمىلىن ورىستەتتى.
عىلىم-تەحنيكا كۇن سايىن جاڭالانىپ وتىرعان بۇگىنگى كۇنى، ەلەكتروندى ونىمدەر كەڭ كولەمدە جالپىلاستى، باستاۋىش مەكتەپ وقۋشىلارىنىڭ بارلىعىندا نەگىزىنەن ءوز قول تەلەفوندارى بار دەۋگە بولادى. ولار بالىق اۋلاۋ تورى، Ai بەت الپەتىن الماستىرىپ الدامشىلىق ىستەۋ، ەكىلىكتى جايمالاپ سيلىق الۋ قاتارلى ەلەكتروندى ينفورماتسيا الدامشىلىق تاسىلدەرىن ەستىپ جۇرگەن بولسادا، قالاي ءونىمدى ساقتانۋ جونىندەگى ناقتى تۇسىنىكتەرى ءالى دە جەتەرسىز.
قيمىلدا، قىزمەتكەرلەر ەلەكتروندى ينفورماتسيا الدامشىلىعىنىڭ نەگىزگى ۇعىمىنان تارتىپ، ەلەكتروندى ينفورماتسيا الدامشىلىعىندا ۇنەمى كەزدەسەتىن قوعام حاۋىپسىزدىگى، پروكۋراتۋرا، سوت مەكەمەسىنىڭ قىزمەتكەرلەرى بولىپ الدامشىلىق ىستەۋ، سيلىق شىقتى دەگەن جالعان ينفورماتسيامەن الدامشىلىق ىستەۋ، توراپتان ساتىپ العان زاتىڭ بار دەپ الدامشىلىق ىستەۋ قاتارلى الدامشىلىق فورمالارىن ەگجەي-تەگجەيلى بايانداپ، جەكەلىك ينفورماتسيانى قالاي قورعاۋ، بەيتانىس جالعانىمداردى بەتالدى اشپاۋ، قارسى جاقتىڭ سالاۋاتىن انىقتاۋ قاتارلى ناقتى قولدانىلمالى ادىستەردى ءتۇيىندى ءتۇسىندىردى.
قيمىلدىڭ قىزعىندىلىعى مەن ىقپالداستىعىن ارتتىرۋ ءۇشىن ”باسەكەلەسىپ جاۋاپ قايتارۋ“ باسقىشىن ورنالاستىرىپ، كوڭىلدى تاربيە ءتاسىلى ارقىلى وقۋشىلاردىڭ توراپ ويىنىن ويناپ الدانۋدان ساقتانۋ بىلىمدەرىن يگەرۋىنە مۇمكىندىك جاسادى.
وقۋشىلار ءبىر اۋىزدان: وسى رەتكى قيمىل ارقىلى ەلەكتروندى ينفورماتسيا الدامشىلىعىنىڭ فورماسى مەن ءتاسىلىن اناعۇرلىم ىشكەرىلەي ءتۇسىنىپ، ەلەكتروندى ينفورماتسيا الدامشىلىعىنان ساقتانۋ ءادىسى مەن ءتاسىلىن العاشقى قادامدا يگەرىپ، ءوزىمىزدى قورعاۋ قابىلەتىمىزدى كۇشەيتەمىز،-دەدى.
来源：雪都嘟/阿勒泰地区融媒体中心
记者：王景鸿
通讯员：彭光宁
编辑：米拉木古丽·穆斯那提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
