ءتۇرلى تولىقتاما قاراجاتىنان يگىلىكتەنىڭىز

10-ايدىڭ 25-كۇنى ءتىلشىنىڭ ايماقتىق ساۋدا ىستەرى مەكەمەسىنەن ۇعىسۋىنشا، جىل باسىنان بەرى، ايماعىمىز مەملەكەتتىڭ، اۆتونوميالى رايوننىڭ جابدىقتاردى كەڭ كولەمدى جاڭالاۋ جانە تۇتىنۋ بۇيىمدارىنىڭ كونەسىن جاڭاسىنا اۋىستىرۋ ساياساتىن ىلگەرىلەتۋ جونىندەگى ”كونەسىن جاڭاسىنا اۋىستىرۋ“ تولىقتاما قاراجات ساياساتىنىڭ تەبىنىن ۇزدىكسىز ارتتىرىپ، ۇكىمەتتىڭ تولىقتاما قاراجاتى مەن ساۋداگەرلەردىڭ ساتۋدى جەبەۋ قيمىلىن ءوزارا ۇشتاستىرۋىنا بەلسەنە ءۇن قوسىپ، تۇرعىندارعا ناقتى تيىمدىلىك جاراتىپ، بازارعا تىڭ ومىرشەڭدىك كۇش قوستى.

اۆتوكولىكتىڭ ”كونەسىن جاڭاسىنا اۋىستىرۋ“ ساياساتىنا نەگىزدەلگەندە 2024-جىلى 4-ايدىڭ 24-كۇنىنەن 12-ايدىڭ 31-كۇنىنە دەيىن جەكە تۇتىنۋشىلار مەملەكەتتىڭ 3-ساتىداعى ىعىستىرۋ ولشەمىنە ۇيلەسەتىن جانە ودان تومەن ىعىستىرۋ ولشەمىندەگى جانار ماي اۆتوكولىگىن كۇشىنەن قالدىرسا (2011-جىلى 6-ايدىڭ 30- كۇنىنەن [سول كۇندى قامتيدى، تومەندە ۇقساس] بۇرىن تىزىمگە الدىرعان بەنزين موتورلى اۆتوكولىك، 2013-جىلى 6-ايدىڭ 30-كۇنىنەن بۇرىن تىزىمگە الدىرعان ديزەل موتورلى اۆتوكولىك جانە باسقا جانار ماي تۇرىندەگى اۆتوكولىكتەر) نەمەسە 2018-جىلى 4-ايدىڭ 30-كۇنىنەن بۇرىن تىزىمگە الدىرعان جاڭا ەنەرگيالى اۆتوكولىككە ءارى جەرگىلىكتى ورىندارعا قاراستى رايوندارداعى اۆتوكولىك ساتۋ كاسىپورىندارىنان ونەركاسىپ جانە ينفورماتسيالاندىرۋ مينيسترلىگىنىڭ «اۆتوكولىك ساتىپ الۋ باجىسىن كەمەيتۋ، كەشىرىم ەتۋ جاڭا ەنەرگيالى اۆتوكولىك تۇرلەرى تىزىمدىگىنە ەنگىزىلگەن» جاڭا ەنەرگيالى اۆتوكولىك نەمەسە 2.0 ليتر جانە ودان تومەن ىعىستىرۋ مولشەرىندەگى جانار مايلى جاڭا اۆتوكولىك ساتىپ العاندا ءبىر جولدا نورما بويىنشا تولىقتاما قاراجات بەرىلەدى.

تولىقتاما قاراجات ولشەمى: 1) جوعارىدا ايتىلعان ەكى ءتۇرلى كونە اۆتوكولىكتى كەرەكتەن شىعارعان ءارى جاڭا ەنەرگيالى اۆتوكولىك ساتىپ العاندارعا 20 مىڭ يۋان تولىقتاما قاراجات بەرىلەدى؛ 2) مەملەكەتتىڭ 3-ساتىداعى ىعىستىرۋ ولشەمىنە ۇيلەسەتىن جانە ودان تومەن ىعىستىرۋ ولشەمىندەگى جانار مايلى اۆتوكولىكتى كۇشىنەن قالدىرسا ءارى 2.0 ليتر جانە ودان تومەن ىعىستىرۋ مولشەرىندەگى جانار مايلى اۆتوكولىكتى ساتىپ السا، 15 مىڭ يۋان تولىقتاما قاراجات بەرىلەدى. 3) 2024-جىلى 4-ايدىڭ 24-كۇنىنەن 2025-جىلى 1-ايدىڭ 10-كۇنىنەن بۇرىن تاپسىرىلعان ءارى شارتقا ۇيلەسەتىن تولىقتاما قاراجاتقا ءوتىنىش بەرۋ (تولىقتاما قاراجات تاراتۋ ءوتىنىشىن قامتيدى) وسى ۇقتىرۋدا ايقىن بەلگىلەنگەن ولشەم بويىنشا تولىقتاما قاراجات بەرىلەدى. مۇندا، وسىدان بۇرىنعى ولشەم بويىنشا تاراتىلعان تولىقتاما قاراجات ءوتىنىشى جونىندە جەر-جەر وسى ۇقتىرۋدا ايقىن بەلگىلەنگەن ولشەم بويىنشا پارىقتى تولىقتايدى.

اۆتوكولىك اۋىستىرۋدا دا قوسىمشا قاراجات بەرۋ تەبىنى ارتتىرىلدى. ءتىلشىنىڭ ايماقتىق ساۋدا ىستەرى مەكەمەسىنەن ۇعىسۋىنشا، جاڭادان ساتىپ الىنعان اۆتوكولىك جاڭا ەنەرگيالى اۆتوكولىك بولسا، اۆتوكولىك ساتىپ الۋ تالونىنداعى سوما (باعاسى مەن باجىسىنىڭ جيىنتىعى، تومەندە ۇقساس) 50 مىڭ يۋان جانە ودان جوعارى بولسا، 18 مىڭ يۋان قوسىمشا قاراجات بەرىلەدى. جاڭادان ساتىپ الىنعان اۆتوكولىك جانار مايلى اۆتوكولىك بولىپ، اۆتوكولىك ساتىپ الۋ تالونىنداعى سوما 50 مىڭ يۋان جانە ودان جوعارى بولسا، 13 مىڭ يۋان تولىقتاما قاراجات بەرىلەدى ەكەن. تولىقتاما قاراجات بەرۋ شارتىنا ۇيلەسەتىن جەكە تۇتىنۋشىلار ”شينجياڭ اۆتوكولىك اۋىستىرۋ، جاڭالاۋ قىزمەت وتەۋ تەكشەسىنىڭ“ تۇعىر APP ىنا كىرىپ، جۇيە ەسكەرتۋى بويىنشا تولىق، دۇرىس، انىق تولتىرۋىنا جانە تولىقتاما قاراجاتتى الۋعا ءوتىنىش بەرۋ ينفورماتسياسىن تاپسىرۋىنا بولادى ەكەن.

ءۇي ەلەكتر جابدىقتارىنا قوسىمشا قاراجات بەرۋ ساياساتى دا تەبىندى بولدى. سول كۇنى ءتىلشى التاي قالاسىنداعى ءمالىم ءۇي ەلەكتر جابدىقتارىن ارناۋلى ساتۋ دۇكەنىنىڭ الدىنان ”ءۇي ەلەكتر جابدىقتارىنىڭ كونەسىن جاڭاسىنا اۋىستىرۋ“ ۇگىتىنىڭ جۇرت نازارىن ەرەكشە اۋدارعانىن كوردى. قالا تۇرعىنى لي مىرزا وسى تولىقتاما قاراجات ساياساتىنان پايدالانىپ، ۇيىندەگى كونە توڭازىتقىشتى اۋىستىردى.

— بۇگىن 13 مىڭ يۋاندىق توڭازىتقىشتى تاڭدادىم، دۇكەندەگى تيىمدىلىك پەن تولىقتاما قاراجات ساياساتىن قوسقاندا نە ءبارى 7000 قانشا يۋان تولەدىم، وتە ءتيىمدى ەكەن،-دەدى لي مىرزا.

ۇعىسۋعا قاراعاندا، ءۇي ەلەكتر جابدىقتارىنىڭ كونەسىن جاڭاسىنا اۋىستىرۋ (رايون تولىقتاما قاراجاتى) اتقارۋ كولەمى ىدىس جۋۋ ماشيناسى، جەر سىپىراتىن قۇلتەمىر، زەردەلى دارەت شەلەگىنىڭ قاقپاعى، تەگىس بەتتى كومپيۋتەر ەلەكتروندىق ونىمدەرى، زەردەلى قول تەلەفون قاتارلىلار ەكەن. ”كونەسىن جاڭاسىنا اۋىستىرۋعا“ قاتىناسىپ، ءۇي ەلەكتر جابدىقتارىن ساتىپ العان جەكە تۇتىنۋشىلارعا قاراتا ءۇي ەلەكتر جابدىقتارىنىڭ تالون باعاسىنا نەگىزدەلىپ ، ءاربىر ءۇي ەلەكتر جابدىقتارى 300 يۋاننان 1000 يۋانعا دەيىن ساتىعا ءبولىپ تولىقتاما قاراجات تۇتىنۋ بەلەتى بويىنشا بەرىلەدى، ءاربىر تۇتىنۋ بەلەتىنىڭ قۇنى 100 يۋان بولادى ەكەن. جاڭا ءۇي ەلەكتر جابدىقتارىن ساتىپ الۋعا قاتىناسقان جەكە تۇتىنۋشىلارعا ءۇي ەلەكتر جابدىقتارى ونىمدەرىنىڭ تالون باعاسىنا نەگىزدەلىپ، ءاربىر ءۇي ەلەكتر جابدىقتارىنا 200 دە 500 يۋان تولىقتاما قاراجات تۇتىنۋ بەلەتى بويىنشا بەرىلەدى، ءاربىر تۇتىنۋ بەلەتىنىڭ قۇنى 100 يۋان بولادى ەكەن. سونىمەن بىرگە، ”كونەسىن جاڭاسىنا اۋىستىرۋعا“ قاتىناسىپ، ەلەكتروندىق ونىمدەردى ساتىپ العان تۇتىنۋشىلارعا ەلەكتروندىق ونىمدەردىڭ تالون باعاسىنا نەگىزدەلىپ، ءاربىر ەلەكتروندىق ونىمدەرگە 400 دە 1000 يۋانعا دەيىن ساتى بويىنشا تولىقتاما قاراجات تۇتىنۋ بەلەتى بويىنشا بەرىلەدى، ءاربىر تۇتىنۋ بەلەتىنىڭ قۇنى 100 يۋان بولادى. بۇدان سىرت، جاڭا ەلەكتروندىق ونىمدەردى ساتىپ العان تۇتىنۋشىلارعا ەلەكتروندىق ونىمدەردىڭ تالون باعاسىنا نەگىزدەلىپ، ءاربىر ەلەكتروندىق ونىمدەرگە 200 دە 800 يۋان تولىقتاما قاراجات تۇتىنۋ بەلەتى بويىنشا بەرىلەدى، ءاربىر تۇتىنۋ بەلەتىنىڭ قۇنى 100 يۋان بولادى ەكەن.

ءۇي ەلەكتر جابدىقتارىنىڭ كونەسىن جاڭاسىنا اۋىستىرۋدىڭ (مەملەكەت تولىقتاما قاراجاتى) اتقارۋ كولەمى توڭازىتقىش، كىرجۋعىش، تەلەۆيزور، اۋا تەڭشەگىش، كومپيۋتەر، سۋ ىسىتقىش، ۇيدە ىستەتىلەتىن وشاق قاتارلىلار بولىپ، تولىقتاما قاراجات بەرۋ ولشەمى ءونىمنىڭ ساتىلۋ باعاسىنىڭ %15 ى بولادى. 1-دارەجەلى جانە ودان جوعارى ەنەرگيادان پايدالانۋ ونىمدىلىگى نەمەسە سۋ ىستەتۋ ونىمدىلىگى ولشەمىندەگى ونىمدەردى ساتىپ العاندا نورمادان سىرت ءونىمنىڭ ساتىلۋ باعاسىنىڭ %5 ى بويىنشا تولىقتاما قاراجات بەرىلەدى. ءاربىر تۇتىنۋشى ءاربىر ءونىمدى ساتىپ العاندا ءبىر تولىقتاما قاراجات بەرىلەدى، ءاربىر تولىقتاما قاراجات 2000 يۋاننان اسپاۋى كەرەك.

سونىمەن بىرگە، ءۇي اشەكەيلەۋ ماتەريالدارىندا دا كونەنى جاڭاسىنا اۋىستىرۋ جاڭا ساياساتى قولدانىلىپ، ءۇي اشەكەيلەۋ ماتەريالدارى، قۇرىلىس ماتەريالدارى، ءۇي جيھازدارى جانە ەسكىرگەن تاۋارلار الدىمەن تەكسەرىلىپ، ونان سوڭ تولىقتاما قاراجات بەرىلەدى. ءۇي اشەكەيلەۋ ماتەريالدارىنىڭ كونەسىن جاڭاسىنا اۋىستىرۋ تولىقتاما قاراجاتىنا ءوتىنىش بەرگەن ءارى شارتقا ۇيلەسەتىن جەكە تۇتىنۋشىلار 2025-جىلى 1-ايدىڭ 10-كۇنىنەن بۇرىن ”قۇرىلىس بانكەسىنىڭ تۇرمىس“ APP ارقىلى تىركەلىپ بىتىرۋىنە بولادى.

10-ايدىڭ 25-كۇنىنە دەيىن، التاي ايماعى اۆتوكولىك اۋىستىرۋ تولىقتاما قاراجاتىن الۋعا 35 رەت ءوتىنىش بەرىپ، 3 ميلليون 200 مىڭ يۋان تۇتىنۋدى جەبەپ، 430 مىڭ يۋان تولىقتاما قاراجات بەرۋگە ءوتىنىش بەردى؛ ءۇي ەلەكتر جابدىقتارىنىڭ كونەسىن جاڭاسىنا اۋىستىرۋعا تولىقتاما قاراجات بەرۋ قيمىلىنان (رايون تولىقتاما قاراجاتى) 666 رەت ءوتىنىش بەرىپ، 2 ميلليون 450 مىڭ يۋاندىق تۇتىنۋ قۇنىن جەبەپ، 320 مىڭ يۋان تولىقتاما قاراجاتقا ءوتىنىش بەردى؛ ءۇي ەلەكتر جابدىقتارىنىڭ كونەسىن جاڭاسىنا اۋىستىرۋعا تولىقتاما قاراجات بەرۋ قيمىلىنا (مەملەكەت تولىقتاما قاراجاتى) 1234 رەت ءوتىنىش بەرىپ، 4 ميلليون 755 مىڭ 500 يۋاندىق تۇتىنۋ قۇنىن جەبەپ، 896 مىڭ 500 يۋان تولىقتاما قاراجاتتى الۋعا ءوتىنىش بەردى. ساياساتتىڭ ىشكەرىلەي اتقارىلۋىنا بايلانىستى، وسى تۇتىنۋ ورلەۋى ۇزدىكسىز ارتىپ، ايماق ەكونوميكاسىنىڭ، قوعامىنىڭ جوعارى ساپالى دامۋىنا زور ۇلەس قوسادى.

记者：古扎丽·阿布都热西提