تاياۋدا، تۇڭعىش كەزەكتى تيانشان ادەبيەت-كوركەمونەر سيلىعىن باعالاۋعا قاتىناسقان تۋىندىلار جاريالاندى، ايماعىمىزدان 3 تۋىندى وسى رەتكى باعالاۋعا قاتىناستى.
وسى رەتكى باعالاۋ قيمىلىنا ايماقتاعى ادەبيەت-كوركەمونەر اۋەسكەرلەرى مەن تانىمالى جازۋشىلار بەلسەنە قاتىناستى. ايماقتىق ادەبيەت-كوركەمونەرشىلەر بىرلەستىگى مەن جازۋشىلار قوعامىنىڭ دەن قويا سارالاۋى ارقىلى وسى تۋىندىلاردىڭ تاڭداۋلىلارىن تاڭداپ، ەڭ سوڭىندا، التاي ايماعىندا، ءتىپتى، تۇتاس شينجياڭدا كەڭ كولەمدى ىقپالعا يە 3 ادەبي تۋىندىنى تۇراقتاندىردى. بۇل تۋىندىلار: شياۋچيدىڭ «جيەيۋ مۋچاڭى»، بۇل تۋىندى لۋشۇن ادەبيەت سيلىعىنا كورسەتىلسە؛ ياڭ مەييىڭنىڭ «اسپانعا كوز جىبەرگەندە»، بۇل تۋىندى تۇڭعىش كەزەكتى جۇڭگو ەلەكتر كۇشى ادەبيەتى رومان سيلىعى مەن 2-كەزەكتى جۇڭگو ونەركاسىپ ادەبيەتى رومان سيلىعىن العان ءارى 10-كەزەكتى ماۋ دۇن ادەبيەت سيلىعىن العان، ەندى بىرەۋى قۇماربەك جۋانقان ۇلىنىڭ «زىمىراعان كۇمىس اي» اتتى تۋىندىسى.
”تيانشان ادەبيەت-كوركەمونەر سيلىعى“ شينجياڭنىڭ ادەبيەت سالاسىنداعى ەڭ جوعارى سيلىق بولىپ، ول ءار 2 جىلدا ءبىر رەت باعالانادى. تۇڭعىش كەزەكتى باعالاۋ قيمىلىنا قاتىناسقان تۋىندىلاردى جيناۋ قىزمەتى 2024-جىلى 10-ايدىڭ 8-كۇنى باستالىپ، 2024-جىلى 10-ايدىڭ 31-كۇنى اياقتادى. العاشقى سارالاۋ ارقىلى 185 تۋىندى «تۇڭعىش كەزەكتى تيانشان ادەبيەت- كوركەمونەر سيلىعىن باعالاۋعا قاتىناساتىن تۋىندىلاردى جيناۋ جونىندەگى حابارلاندىرۋدا» بەلگىلەنگەن باعالاۋعا قاتىناسۋ شارتىنا ۇيلەستى.
وسى رەت ايماق كورسەتكەن 3 ۇزدىك ادەبي تۋىندى جەرگىلىكتى ورىننىڭ جۋىقتاعى 10 جىلدان بەرگى ادەبيەت-كوركەمونەر جاسامپازدىعىنىڭ ەڭ جوعارى ورەسىنە ۋاكىلدىك ەتەدى. ”وسى رەتكى باعالاۋ قيمىلى ەل ءىشى-سىرتىنداعى جازۋشىلاردى شينجياڭعا نازار اۋدارىپ، شينجياڭ حيكاياسىن جازۋعا شابىتتاندىرىپ، شينجياڭنىڭ ۇلان-بايتاق دالاسىندا ۇزاق ۋاقىت ەڭبەكتەنىپ كەلە جاتقان جازۋشىلار مەن ادەبيەت-كوركەمونەر اۋەسكەرلەرىنە زور شابىت بەردى ءارى شينجياڭ ادەبيەت-كوركەمونەرىنىڭ گۇلدەنىپ-كوركەيۋىن، دامۋىن ىلگەرىلەتۋگە تەرەڭ ىقپال جاسادى“،-دەدى التاي ايماعىنىڭ جەرگىلىكتى جازۋشىسى شياۋچي.
ۇعىسۋعا قاراعاندا، وسى رەتكى جيناۋ قيمىلىندا باعالاۋعا قاتىناسقان تۋىندىلار جانرمەن شەكتەلمەگەن. رومان، پوۆەست (جيناق)، شالقىما (جيناق)، دەرەكتى ادەبيەت (جيناق)، ولەڭ (جيناق)، سەنەريا، بالالار ادەبيەتى (جيناق)، ادەبيەت نازاريا شولۋى (جيناق) قاتارلىلاردىڭ بارلىعى باعالاۋعا قاتىناسادى ەكەن. ەڭ سوڭىندا، 5 تۋىندى سيلىققا باعالانسا، 5 تۋىندى كورسەتىلۋ سيلىعىنا باعالانادى ءارى جاعدايعا قاراي شينجياڭنىڭ ادەبيەت-كوركەمونەر ىستەرىنە ەلەۋلى ۇلەس قوسقان جازۋشىلارعا ”كورنەكتى ۇلەس قوسۋ سيلىعى“ بەرىلەدى ەكەن.
来源：雪都嘟/阿勒泰地区融媒体中心
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
