10-ايدىڭ 22-كۇنى قابا اۋدانى ساربۇلاق قالاشىعى جالاڭاش شەكارا ساقشى پۋنكتىنىڭ شەكارا قورعاۋشىسى تالاپقان بايقوزى ۇلى ءبىر كۇندىك قىزمەتىن اياقتاتقاننان كەيىن ”نەمەرە قىزى“ شياۋ-ي مەن شياۋيۇيدىڭ قىستاقتىڭ جول اۋزىندا تۇرعاندىعىن كورىپ، ولاردى ۇيىنە الىپ قايتتى. ”اتاسىنىڭ“ جۇمىستان تۇسكەنىن كورگەن اپەكەلى-ءسىڭلىلى ەكەۋىنىڭ بىرەۋى سومكەسىن كوتەرىپ، بىرەۋى ”اتاسىن“ قولتىقتاپ شاتتانا كۇلدى.
بيىل تالاپقاننىڭ 2 كىشكەنتاي ”نەمەرە قىزى“ كەلگەنىنە 8 جىل بولدى. 8 جىل جاپالى ءارى كوڭىلدى ءوتتى، جاپا-ماشاقاتتى دا، باقىتتى دا كەزدەر بولدى. ءبىراق، اتا مەن نەمەرە سۇيىسپەنشىلىگى بارعان سايىن تەرەڭدەي ءتۇستى.
2016-جىلى تالاپقان ءبىر دوسىنىڭ ءبىر جاعىنان جۇمىس ىستەپ، ەندى ءبىر جاعىنان 2 ءسابي قىزىن باعىپ-قاعىپ، تۇرمىستا قينالىپ جۇرگەندىگىن ءبىلىپ، اپەكەلى-ءسىڭلىلى ەكەۋىن ۇيىنە اكەلىپ قارايلاسۋدى ىرىقتىلىقپەن تالاپ ەتتى. تالاپقان وتباسىنداعىلار سۇيكىمدى اپەكەلى-ءسىڭلىلى ەكەۋىن الاقانىنا سالىپ الپەشتەدى، 5 جان سانى بار وتباسى 2 ءسابيدىڭ قوسىلۋىمەن شات كۇلكىگە شومدى.
تالاپقاننىڭ ايەلى ميحۋا 3 جارىم جاستاعى شياۋ-يعا قاليما، ءبىر جارىم جاستاعى شياۋيۇيگە راقيمان دەپ ات قويدى. كۇندىز اپەكەلى-ءسىڭلىلى ەكەۋى اتاسىنىڭ قولى بوساسا شەكاراداعى اڭگىمەلەردى ايتقىزادى؛ كەشتە اپەكەلى-ءسىڭلىلى ەكەۋى اجەسىنىڭ جىلى قۇشاعىندا ۇيىقتايدى. ولاردىڭ اكەسى دە ۇنەمى وسى وتباسىنا كەلىپ بالالارىمەن بىرگە بولادى، ۇلتى ۇقساماعانىمەن 2 وتباسى تاتۋ-ءتاتتى ءوتىپ كەلەدى. تالاپقان مەن ايەلىنىڭ قالتقىسىز قامقورلىعىندا 2 كىشكەنتاي قىز كوڭىلدى ەسەيىپ-ەرجەتتى.
تالاپقان ءار ايدا 20 كۇن شەكارادا مىندەت وتەيدى، وسى مەزگىلدە بالاعا قارايلاسۋ جاۋاپكەرشىلىگى ميحۋاعا جۇكتەلەدى. سول كەزدە تالاپقاننىڭ 2 ۇلى ءالى مەكتەپتە وقىپ جاتقان ەدى. وتباسىنداعىلار تەك ءبىر ادامنىڭ ەڭبەكاقىسىنا عانا سۇيەنىپ تۇرمىس كەشىرگەنىمەن، ەرلى-زايىپتىلار باستان-اياق اپەكەلى-ءسىڭلىلى ەكەۋىن ءوز بالاسىنداي كورىپ، ولارعا تاماشا تۇرمىس ورتاسىن جاراتۋعا بار كۇشىن سالدى. سونىمەن بىرگە، ميحۋا قىستاق باستاۋىش مەكتەبىنىڭ قاقپاسىنان ءبىر دۇكەن اشىپ، ءبىر جاعىنان وتباسىنىڭ قاجەتىن تولىقتادى، ەندى ءبىر جاعىنان اپەكەلى-ءسىڭلىلى ەكەۋىنىڭ وقۋعا تۇسۋىنە قولايلىلىق جاراتتى.
2019-جىلى قىستىڭ ءبىر كەشىندە كۇن ەرەكشە سۋىق ەدى. شياۋيۇيدىڭ كەنەتتەن قىزۋى ورلەدى، بالانىڭ قىپ-قىزىل بولعان بەتىنە قاراعان ميحۋا كوز جاسىن كولدەتتى. ول جىلى سۋمەن بالانىڭ دەنەسىن توقتاۋسىز ءسۇرتتى ءارى وعان قىزۋدى قايتاراتىن ءدارى ىشكىزدى. ءبىراق، دەنە تەمپەراتۋراسى تومەندەمەدى. سول كەزدە تالاپقان شەكارا لەنياسىندا مىندەت وتەپ جاتقان ەدى. ميحۋا قارلى بورانعا قاراماي شياۋيۇيدى ارقالاپ قىستاقتىڭ ەمدەۋ ورنىنا اپاردى... سودان بەرى ميحۋا باس اۋرۋىنا شالدىقتى.
جالاڭاش قىستاعى شەكاراداعى قىستاق. تالاپقان قارشادايىنان وسى ارادا تۇرمىس كەشىرگەن، شەكارا جاعدايىنا وتە قانىق. ول شەكارا قورعاۋشىلار قوسىنىنا كىرگەننەن كەيىن شارلاۋ جۇرگىزىپ، شەكارا زاڭ-ەرەجەلەرىن ۇگىتتەدى... ول شەكارا قورعاۋشىسى مىندەتىن مۇقيات اتقارىپ، تالاي رەت اۆتونوميالى رايون دارەجەلى، ايماق دارەجەلى، اۋدان دارەجەلى ”تاڭداۋلى شەكارا قورعاۋشى“ اتاعىن الدى.
شياۋيۇيدىڭ بولمەسىنە كىرسەڭىز، التىنداي جارقىراعان ”سيلىق قاعازى قابىرعاسى“ ەرەكشە كوزگە تۇسەدى، ”ۇشتە جاقسى وقۋشى“، ”ۇزدىك پيونەر“ سياقتى سيلىق قاعازى قابىرعاعا ىلىنگەن. ”اتامنىڭ داڭق كۋالىگىمەن سالىستىرعاندا مەن ءالى دە الشاق جاتىرمىن! مەنىڭ اتام كەرەمەت ادام. مەن اتامنان ۇيرەنىپ، وتانعا ۇلەس قوساتىن جارامدى ادام بولامىن“. شياۋيۇيدىڭ ەمەۋرىنىنەن ماقتانىش لەبى ەستى.
”جاقسى ۇيرەنىپ، ەرجەتكەندە شيپاگەر بولىپ، اجەمنىڭ باس اۋرۋىن ەمدەيمىن“. بۇل شياۋيۇيدىڭ ارمانى.
”ەسەيگەننەن كەيىن اۋدان قالاشىعىنان ءبىر ۇلكەن ءۇي ساتىپ الىپ، وتباسىمىزداعىلار بىرگە تۇرامىز“. بۇل شياۋ ـ يدىڭ ارمانى.
”2 نەمەرە قىزىمنىڭ امان-ەسەن بولىپ، كوڭىلدى ەسەيىپ-ەرجەتۋىنە مۇمكىندىك جاسايمىن“. بۇل تالاپقان مەن ايەلىنىڭ ارمانى.
来源：雪都嘟/阿勒泰地区融媒体中心
特约记者：李慧玲
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
