11-ايدىڭ 2-كۇنى 2023 — 2024-جىلعى ”ۇلى قورعان سيلىعى — مادەنيەت-ساياحات جاقسى ماركاسى“ مىسالىن جيناۋ جارىسىندا سيلىققا يە بولعاندار تىزىمدىگى جاريالاندى. مۇندا، ”مەنىڭ التايىمدى“ ۇگىتتەۋ، جالپىلاستىرۋ جانە تاراتۋ مىسالى وزگەشە بەينەسىمەن قولا دارەجەلى مىسال سيلىعىنا يە بولدى. بۇل داڭق وسى تەلەفيلمدى ۇگىتتەۋ، جالپىلاستىرۋ قىزمەتىن تۇراقتاندىرۋ، ونان دا ماڭىزدىسى، التاي ايماعىنىڭ مادەنيەت ـ ساياحاتتى توعىستىرا دامىتۋىنا بەرىلگەن ەڭ جوعارى باعا.
ۇعىسۋعا قاراعاندا، ”ۇلى قورعان سيلىعى“ جۇڭگو قۇلاقتاندىرۋ سالاسىندا تاريحى ۇزاق، كاسىپتىك قۋاتى كۇشتى، ىقپالى كۇشتى جارىس قيمىلى، ەل ىشىندەگى وزىق مادەنيەت-ساياحات، مەديا، عىلىم سىندى 4 جاقتى بىرىكتىرىپ سالا اتتاپ توعىسقان باسەكە ەكەن. جارىس ماركانى وزەك ەتىپ، قالا جانە مادەنيەت-ساياحات سالاسىنداعى جىلدىق مىسال ناتيجەسىن بىرىكتىرۋ ارقىلى ايگىلى ماركانىڭ جاسامپازدىق دارەجەسى، كوپ ءتۇرلى مەديانىڭ قولدانىلۋ دارەجەسى جانە تاماشا تاراتۋ ونىمدىلىگى قاتارلىلاردى ولشەم ەتىپ، ساپالى مىسالدى باعالادى. حيلۇڭجياڭ حاربين، گۇيجوۋ رۇڭجياڭ، گانسۋ تيانشۇي، شينجياڭ التاي، شانشي بايىرعى قۇرىلىستارى، شىجياجۋاڭ روك قالاسى... 2024-جىلى مادەنيەت-ساياحات ايگىلى ماركاسى مەن تاراتۋدىڭ جاسامپازدىعىن امالياتتا ايگىلەۋ بارلىق جەردە قىزعىن ءجۇرىلدى.
كينو-تەلەۆيزيادا مادەنيەت-ساياحاتتى توعىستىرۋدىڭ تابىستى مىسالى بولعان ”مەنىڭ التايىم“ كورەرمەننىڭ التايعا دەگەن قىزعىندىلىعىن قوزعادى. بۇل تەلەفيلم تاراتىلعاننان بەرى التاي ايماعىنىڭ ساياحاتشى قابىلداۋ مولشەرى كورنەكتى ارتىپ، ساياحات كىرىسى زور مولشەردە جوعارىلاتىپ، ”كينو تەلەۆيزيا + مادەنيەت-ساياحاتتىڭ“ قۇدىرەتتى كۇشىن تولىق ايگىلەدى.
ۇگىتتەۋ، جالپىلاستىرۋ بارىسىندا التاي ايماعىنىڭ مادەنيەت-دەنەتاربيە، راديو- تەلەۆيزيا جانە ساياحات تاراۋى ءبىرسىپىرا مادەنيەت-ساياحات قيمىلىن جوسپارلادى. تەلەفيلمدەگى تيپتىك ورىنداردا ساياحات جەلىسىن جوبالاپ، ۇقساس ۇلگىدەگى جول جەلىسى ساياحات ونىمدەرىن شىعارىپ، اۆياتسيا سەرىكتەستىگىمەن بىرلەسىپ كەزەكشى ۇشاقتا تەلە فيلمدەگى قاتىستى تاقىرىپتىق فاكتوردى ورنالاستىرىپ، تەلەفيلمدى تانىستىرۋدى ۋاقىت پەن كەڭىستىككە دەيىن جالعاستىردى. بۇدان سىرت، جەلىدەن تىس مادەنيەت قيمىلى، مادەنيەت جاسامپازدىعى ونىمدەرىن اشۋ قاتارلى ءتاسىل ارقىلى ”التاي“ اسەرىن ۇزاققا جالعاستىرىپ، ءتىپتى دە كوپ ادامنىڭ وسى كوركەم جەردى تۇسىنۋىنە، ۇناتۋىنا مۇمكىندىك جاسادى.
وسى رەتكى ”ۇلى قورعان سيلىعى — مادەنيەت-ساياحات جاقسى ماركاسى“ 2023 — 2024-جىلعى قولا دارەجەلى مىسال سيلىعىنا يە بولۋ التاي ايماعىنىڭ تانىمالدىعى مەن داڭقىن ايگىلەدى، ونان دا ماڭىزدىسى، مادەنيەت-ساياحاتتى توعىستىرا دامىتۋدى قىمباتتى تاجىريبە جانە ۇلگىلىك اسەرمەن قامدادى. الداعى جەردە التاي ايماعى مادەنيەت-ساياحات بايلىعىن ىشكەرىلەي اشىپ، مادەنيەت-ساياحات كاسىبىنىڭ جوعارى ساپالى دامۋىن ىلگەرىلەتىپ، اناعۇرلىم كوپ ادامنىڭ التايدىڭ وزگەشە تارتىمدىلىعىن سەزىنۋىنە مۇمكىندىك جاراتادى.
来源：雪都嘟/阿勒泰地区融媒体中心
记者:古丽娜
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
