11-ايدىڭ 6-كۇنى، التاي ايماقتىق حالىقتىق ادەبيەت-كوركەمونەرشىلەر قوعامىنىڭ قۇرىلۋ جينالىسى جانە 1-رەتكى ۋاكىلدەر جينالىسى اشىلدى. ايماقتىق ادەبيەت-كوركەمونەرشىلەر بىرلەستىگى، ايماقتىق حالىقتىق ادەبيەت-كوركەمونەرشىلەر قوعامىنىڭ مۇشەلەرى، ۋاكىلدەرى، حالىق ونەرپازدارى ماجىلىسكە قاتىناستى.
ماجىلىستە «التاي ايماقتىق حالىقتىق ادەبيەت-كوركەمونەرشىلەر قوعامىنىڭ ۋستاۆىن»، «التاي ايماقتىق حالىقتىق ادەبيەت-كوركەمونەرشىلەر قوعامى القالار كەڭەسىن سايلاۋ ءادىسىن» داۋىسقا سالىپ ماقۇلداپ، التاي ايماقتىق حالىقتىق كوركەمونەر قوعامىنىڭ 1-كەزەكتى القالار كەڭەسىن جانە ءتوراعالار القاسىن سايلادى.
ماجىلىستە ايماقتىق حالىقتىق ادەبيەت-كوركەمونەرشىلەر قوعامىنىڭ جاڭادان سايلانعان ورىنباسار ءتوراعاسى جاڭ يۇڭ بىلاي دەدى: بۇدان بىلايعى قىزمەت بارىسىندا تاسقىنداعان ىنتامەن جانە وسكەلەڭ كاسىپتىك پوزيتسيامەن مىندەتتى مۇقيات ادا ەتىپ، قوعامنىڭ دامۋىنا ۇلەس قوسامىن.
ۇعىسۋعا قاراعاندا، ايماقتىق حالىقتىق ادەبيەت-كوركەمونەرشىلەر قوعامى ايماقتىق حالىق ىستەرى مەكەمەسىنىڭ بەكىتۋىمەن ايماقتاعى ءار ۇلتتىڭ حالىقتىق ادەبيەت-كوركەمونەرشىلەرى مەن حالىقتىق ادەبيەت-كوركەمونەر قىزمەتكەرلەرىنەن ءوز ەركىمەن ۇيىمداسقان پايدا تابۋدى ماقسات ەتپەيتىن قوعامدىق ۇيىم ەكەن. قوعام الۋان ۇلگىدەگى مادەنيەت قيمىلدارىن وتكىزۋ ارقىلى حالىقتىق ادەبيەت-كوركەمونەرشىلەرگە دارىنىن ايگىلەيتىن كەڭ ساحنا ازىرلەيدى.
— ايماقتىق حالىقتىق ادەبيەت-كوركەمونەرشىلەر قوعامىنىڭ مادەنيەت ىستەرىن گۇلدەندىرۋ، دامىتۋ سىندى وسكەلەڭ بورىشتى شىنايى ارقالاپ، تاسقىنداعان جاڭالىق اشۋ رۋحىمەن جانە جاسامپازدىق ىنتامەن اناعۇرلىم كوپ، اناعۇرلىم جاقسى كوركەمونەر سارا تۋىندىلارىن قۇلشىنا جاراتىپ، ايماقتىق حالىقتىق ادەبيەت-كوركەمونەر ىستەرىنىڭ جاڭا جاعدايىن اشۋىن ءۇمىت ەتەمىز،-دەدى ايماقتىق ادەبيەت-كوركەمونەرشىلەر بىرلەستىگى پارتگرۋپپاسىنىڭ مۇشەسى، ورىنباسار ءتوراعاسى، 2-دارەجەلى زەرتتەرمەن نۇرلان بايتان ۇلى.
来源：雪都嘟/阿勒泰地区融媒体中心
记者：古扎丽·阿布都热西提 阿丽娜·阿依登
编辑：米拉木古丽·穆斯那提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
