11-ايدىڭ 1-كۇنىنەن 10-كۇنىنە دەيىن ايماعىمىزدا شىقشىت بەزى قابىنۋ ۆاكسيناسىن ەگۋ قىزمەتى جاپپاي باستالدى، ۆاكسينا ەگەتىن 42 ورىن دايارلانىپ، 31 مىڭ 61 وقۋ جاسىنداعى جاس وسىپىرىمگە ۆاكسينا ەگىلەدى.
التاي قالالىق 3-ورتا مەكتەپكە بارعاندا، ءتىلشى مەكتەپ اۋلاسىندا شىقشىت بەزى قابىنۋ ۆاكسيناسىن ەگۋگە قاجەتتى قۇرىلعىلاردىڭ ورناتىلىپ بولعاندىعىن، وقۋشىلاردىڭ ۆاكسينا ەكتىرەتىن كىنەشكانى قولىنا الىپ، رەتىمەن قاتارعا تۇرعاندىعىن كوردى.
ۆاكسينا ەگەتىن مايداندا ەمدەۋ قىزمەتكەرلەرى اسىقپاي، ءاربىر وقۋشىنىڭ ينفورماتسياسىن مۇقيات سالىستىرىپ، دەنساۋلىق جاعدايىن ۇعىستى. سونىمەن بىرگە، وقۋشىلارعا ۆاكسينا ەكتىرۋدە كوڭىل بولەتىن ىستەر مەن ەگىلگەننەن كەيىنگى كۇتىمدەلۋ جايلى تۇسىنىك جاسادى. ”ۆاكسينانىڭ مەكتەپ اۋلاسىنا جەتكىزىلۋى بالالارىمىزدىڭ ساۋ دەنەلى بولۋى ءۇشىن پايدالى“،-دەدى وقۋشىنىڭ اتا-اناسى لۇي چۇنلان.
ۆاكسينا ەگۋ كەزىندە ءار قايسى اۋدان (قالا) ءۇنحات الەۋمەتتىك تۇعىرىنان تولىق پايدالانىپ، ۆاكسينا ەگۋدىڭ ماڭىزدىلىعى مەن قاجەتتىلىگىن جالپى بەتتىك ۇگىتتەپ، ساياساتتى ءتۇسىندىرۋ، ۆاكسينا ەكتىرۋ قولدانباسى جانە ۇنەمى كەزىگەتىن ماسەلەلەرگە جاۋاپ بەرۋ ارقىلى تۇرعىندار مەن جاس وسپىرىمدەردىڭ ۆاكسينا ەكتىرۋگە قاراتقان تانىمىن تەرەڭدەتىپ، ”ەگۋگە تيىستىلەرىن ەرتە ەگۋدى“ ورىندادى. بۇدان تىس، ايماقتىق دەنساۋلىق ساقتاۋ-سالاماتتىق كوميتەتى ءار قايسى اۋدان (قالا)، اۋىل (قالاشىق، كوشە ءىس باسقارماسى)، قىستاق (الەۋمەتتىك اۋماق)جانە قوعام حاۋىپسىزدىگى، وقۋ-اعارتۋ قاتارلى تاراۋلارمەن كوپ جاقتىلى ساندى مالىمەتتى تەڭەستىرىپ، ارناۋلى ادام ورنالاستىرىپ، ۆاكسينا ەگۋ شارتىنا تولاتىن ادامداردىڭ سانىن انىقتاپ، اتا-انالارعا جاعدايدان حاباردار بولۋ، ماقۇلداۋ حاتىن تاراتىپ، ەگىلەتىن ۆاكسينانىڭ سانىن تۇراقتاندىردى.
”دەنساۋلىق ساقتاۋ-سالاماتتىق، وقۋ-اعارتۋ قاتارلى كوپتەگەن تاراۋدىڭ قۇلشىنۋىندا، ۆاكسينا ەگۋ قىزمەتى ءتارتىپتى جۇرگىزىلۋدە. ءبىز بەلگىلەنگەن ۋاقىت ىشىندە شىقشىت بەزى قابىنۋ ۆاكسيناسىن ەگۋ مىندەتىن ورىندايمىز“،-دەدى ايماقتىق دەنساۋلىق ساقتاۋ-سالاماتتىق كوميتەتىنىڭ ورىنباسار مەڭگەرۋشىسى جۋ شياۋپيڭ.
来源：雪都嘟/阿勒泰地区融媒体中心
记者：古扎丽·阿布都热西提
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
