10-ايدىڭ 29-كۇنى شينجياڭ قارلى مەكەن اراق كاسىبى شەكتى سەرىكتەستىگى دەن قويا اشىتقان قارلى مەكەن ساپالى سىراسىنىڭ قۇتىعا قۇيىلىپ، بازارعا سالىناتىندىعىن جاريالادى. بۇل حابار التايدىڭ جەرگىلىكتى سىرا كاسىبىنىڭ جاڭا دامۋ كەزەڭىنە وتكەندىگىن ءارى جەرگىلىكتى تۇتىنۋشىلارعا وزگەشە سىرانىڭ ءدامىن سەزىندىرگەنىن ايگىلەدى.
ۇعىسۋعا قاراعاندا، قارلى مەكەن ساپالى سىراسىن ءوندىرۋ بارىسىندا ورتانى قورعاۋ جانە جوعارى ساپالى ولشەمگە قاتاڭ بويسۇنادى ەكەن. ارپا وركەنى شيكىزاتىن ءبىر جاقتى ەتۋ جاعىندا، سەرىكتەستىك وزىق تەربەلمەلى ەلەك جانە تاس الۋ ماشيناسىن قولدانىپ، شيكىزاتتىڭ تازالىعىنا جانە جوعارى ءونىمدى پايدالانىلۋىنا كەپىلدىك ەتكەن. ۇنتاقتاۋ، قانتتاندىرۋ، ءسۇزۋ، قايناتۋ، تۇندىرۋ، سۋىتۋ، اشىتقى قوسىپ اشىتۋ سياقتى ءبىر قىدىرۋ نازىك جۇمىس تارتىپتەرى ارقىلى ونان سوڭ، 20 كۇن اينالاسىندا اشىتۋ ارقىلى سىرانىڭ ەڭ جاقسى دامىنە جەتكىزۋمەن بىرگە ساپاسىنا كەپىلدىك ەتۋگە بولادى ەكەن.
شينجياڭ قارلى مەكەن اراق كاسىبى شەكتى سەرىكتەستىگىنىڭ اراق اشىتۋشىسى گاۋ شياۋليننىڭ تانىستىرۋىنا قاراعاندا، وسى رەت سىناق رەتىندە سارى سىرا، ءبيدايدان اشىتىلعان اق سىرا، قارا سىرا سياقتى تۇرلىشە ساپالى سىرا وندىرىلگەن. مۇنداعى ماقسات تۇرلىشە تۇتىنۋشىلاردىڭ الۋان ءتۇرلى قاجەتىن قاناعاتتاندىرۋ. گاۋ شياۋلين تىلشىگە: جۋىق مەزگىلدەگى ءوندىرىس بارىسىندا تاعى وزىندىك ەرەكشەلىككە يە جەرگىلىكتى سۇرىپتاپ اشىتاتىن كاۆاس شىعارامىز، ونىڭ ەرەكشە ءبيداي شىرىنى مەن قۇلماق قوسىپ اشىتىلعان حوش ءيىسى تۇتىنۋشىلارعا، وسىزامانعى ادامداردىڭ قاجەتىنە اناعۇرلىم ۇيلەسەدى،-دەدى.
وسى رەتكى قارلى مەكەن ساپالى سىرانىڭ بازارعا شىعارىلۋى التايدىڭ جەرگىلىكتى بازارىنداعى سىرا تۇرلەرىن ونان ارى بايىتتى. سەرىكتەستىكتىڭ ورىنباسار باس ديرەكتورى ۋ جيفىڭ تىلشىگە: بىرەگەي سىرا اشىتۋ جابدىعىن جانە جاڭا تەحنيكانى، جاڭا تەحنولوگيانى قولداندىق، قازىر كۇنىنە 2 توننا ءونىم مولشەرى بويىنشا وندىرەمىز، جۋىق مەزگىلدە بازارعا قاراي ءوندىرىس قۋاتىن رەتتەيمىز، ـ دەدى.
بازارعا جالپىلاستىرۋ جاعىندا، شينجياڭ قارلى مەكەن اراق شارۋاشىلىعى شەكتى سەرىكتەستىگى جەرگىلىكتى باجى تاراۋلارىنىڭ قولداۋى مەن كومەگىنە يە بولدى. مەملەكەتتىك باجى باس مەكەمەسى بۋرىلتوعاي اۋداندىق باجى مەكەمەسى قاراستى رايونداعى كاسىپورىنداردىڭ دامۋىنا ۇزدىكسىز نازار اۋدارىپ، كاسىپورىنداردىڭ ءتۇرى مەن كاسىبىنە نەگىزدەلىپ، باجىدان تيىمدىلىك جاساۋ ساياساتىن جەتكىزۋ وبيەكتىسىن ەگجەي-تەگجەيلى ايىرىپ، كاسىپورىنداردىڭ ءوندىرىس، اشىتۋ، ساتۋ سياقتى بۋىنداردا قاتىستى ءتيىمدى ساياساتىن دالمە ـ ءدال يگىلىكتەنۋىن پارمەندى كەپىلمەن قامدادى.
وسى رەتكى قارلى مەكەن ساپالى سىراسىنىڭ قۇتىعا قۇيىلىپ بازارعا سالىنۋى ايماعىمىزدىڭ سىرا كاسىبىنىڭ دامۋ بارىسىنداعى ماڭىزدى بەلەس. ول جەرگىلىكتى تۇتىنۋشىلارعا وزگەشە سىرانىڭ ءدامىن سەزىندىرۋمەن بىرگە، ايماق ەكونوميكاسىنىڭ دامۋىنا تىڭ ومىرشەڭدىك كۇش قوسادى.
来源：雪都嘟/阿勒泰地区融媒体中心
记者：古丽娜
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
