شينجياڭ ءبىر ءبولىم قامقورلىق جاسالاتىن وبيەكتىلەر سياقتى ادامداردىڭ قامقورلىق قاراجاتى مەن تۇرمىستىق قوسىمشا قاراجات ولشەمىن تاعى دا جوعارىلاتتى
1 - ايدىڭ 7 – كۇنى ءتىلشىنىڭ شينجياڭ ۇيعۇر اۆتونوميالى رايوندىق قوسىننان شەگىنگەن اسكەريلەر ىستەرى مەڭگەرمەسىنەن ۇعىسۋىنشا، قوسىننان شەگىنگەن اسكەريلەر ىستەرى مينيسترلىگى مەن قازىنا مينيسترلىگىنىڭ ءبىرتۇتاس ورنالاستىرۋىنا ساي، شينجياڭ ۇيعۇر اۆتونوميالى رايوندىق قوسىننان شەگىنگەن اسكەريلەر ىستەرى مەڭگەرمەسى، شينجياڭ ۇيعۇر اۆتونوميالى رايوندىق قازىنا مەڭگەرمەسى بىرلەسىپ حابارلاندىرۋ باسىپ تاراتىپ، 2024 – جىلدان باستاپ قامقورلىق جاسالاتىن ءىشىنارا وبيەكتىلەرگە بەرىلەتىن قامقورلىق قاراجات پەن تۇرمىستىق كومەك قاراجات ولشەمىن تاعى دا جوعارىلاتۋدى ايقىن بەلگىلەدى.
وسى رەت ولشەمدى جوعارىلاتۋ ارقىلى تۇتاس رايونىمىزداعى قامقورلىق جاسالاتىن 20 مىڭنان استام ادامعا تيىمدىلىك جەتكىزىپ، قوسىننان شەگىنگەن اسكەريلەر ىستەرى تاراۋلارىنىڭ قۇرىلعاننان بەرى ءۇرتىس 6 جىل ارتۋىن جۇزەگە اسىردى.
«ۇقتىرۋدا» مىنالار ايقىن بەلگىلەندى: سوعىستا مۇگەدەك بولعان مۇگەدەك اسكەريلەرگە بەرىلەتىن مۇگەدەكتىك قامقورلىق قاراجاتى، قۇربانداردىڭ وتباسىنداعىلارعا بەرىلەتىن مەرزىمدى قامقورلىق قاراجاتى %6 جوعارىلاتىلادى؛ ۇكىمەت قىزمەتى بارىسىندا مۇگەدەك بولعان اسكەريلەرگە بەرىلەتىن مۇگەدەكتىك قامقورلىق قاراجاتى، ۇكىمەت قىزمەتى جولىندا قۇربان بولعان اسكەريلەردىڭ وتباسىنداعىلارعا بەرىلەتىن مەرزىمدى قامقورلىق قاراجاتى %5 جوعارىلاتىلادى؛ سوعىسقا، سىناققا قاتىناسقان قوسىننان شەگىنگەن اسكەريلەردىڭ مەرزىمدى تۇرمىستىق قوسىمشا قاراجاتى اي سايىن 42 يۋان جوعارىلادى، ناۋقاستانىپ اۋىلىنا قايتقان اسكەريلەردىڭ مەرزىمدى تۇرمىستىق قوسىمشا قاراجاتى اي سايىن 31.5 يۋان جوعارىلادى. قىستاقتاردا جانە قالا - قالاشىقتاردا تۇراتىن قىزمەت ورنى بولماعان، 18 جاستان بۇرىن ۋاعىندا قامقورلىق اقشاسى قامدالۋ قامداۋىنان يگىلىكتەنبەگەن جانە دە 60 جاسقا تولعان توڭكەرىستىك قۇربانداردىڭ پەرزەنتتەرىنە ءار ايدا 41 يۋان تۇرمىس كومەك اقشاسى بەرىلەدى؛ 1954 - جىلى 11 - ايدىڭ 1 - كۇنى مىندەت وتەۋ ٴتارتىبى سىناق رەتىندە جولعا قويىلعاننان تارتىپ «قوسىننان شەگىنگەن اسكەرلەردى ورنالاستىرۋ ەرەجەسى» جولعا قويىلۋدان بۇرىن قوسىنعا قاتىناسقان، جاسى 60 تان اسقان (60 جاستى قامتيدى)، مەملەكەتتىڭ مەرزىمدى قامقورلىق قاراجاتىنان يگىلىكتەنبەگەن اۋىل - قىستاق نوپوسىنداعى قوسىننان شەگىنگەن اسكەرلەردىڭ تۇرمىستىق قوسىمشا قاراجات ولشەمى جوعارىلاتىلىپ، ءار جىلدىق مىندەتتى اسكەرلىك مىندەت وتەۋ جىلىنا 32 يۋان ءوسىرىلدى.
«ۇقتىرۋدا» مىنالار تالاپ ەتىلدى: جەر – جەر رەتتەلگەننەن كەيىنگى ولشەم بويىنشا قامقورلىق قاراجاتى مەن تۇرمىستىق كومەك قاراجاتىن قامقورلىق جاسالاتىن وبيەكتىلەر سياقتى ادامداردىڭ قولىنا دەر كەزىندە، ءدال، تولىق تاراتىپ بەرۋى كەرەك.
اۋدارعان: مانەپ ەربول ۇلى
دايىنداعان: مانەپ ەربول ۇلى
كەلۋ قاينارى: حالىق تورابى
