حالىقارالىق شاڭعى ساباعى مەن جاتتىقتىرۋشىلار قوسىنى ەنگىزىلدى

كوكتوعاي حالىقارالىق قار شاڭعى دەمالىس رايونىنىڭ اشىلۋىنا بايلانىستى، التايدىڭ قار شاڭعى ماۋسىمى قار-مۇز سالتاناتى شىمىلدىعىن اشىپ، توڭىرەكتىڭ ءتورت بۇرىشىنان كەلگەن قار شاڭعى اۋەسكەرلەرىن باۋرادى. ولار قار شاڭعى سپورتىنا دەگەن شەكسىز سۇيىسپەنشىلىگى مەن تالپىنىسىن ارقالاپ، اق كورپە قىمتانعان وسى الەمگە ىركەس-تىركەس قادام تاستادى. اسەرلى سەزىمگە تولى وسى قار ماۋسىمىندا التايداعى 3 ۇلكەن قار شاڭعى دەمالىس رايونى ءبىر قىدىرۋ حالىقارالىق قار شاڭعىعا تاربيەلەۋ ساباعى مەن جاتتىقتىرۋشىلار قوسىنىن ەنگىزۋ ارقىلى قار-مۇز ساياحاتىنىڭ حالىقارالىق ىقپالىن بار كۇشپەن كەڭەيتىپ، التايدىڭ قار-مۇز ماركاسىن دۇنيە ساحناسىنا شىعارۋعا كۇش سالدى.

بيىل گەنەرال تاۋى حالىقارالىق قار شاڭعى دەمالىس رايونى فرانسيانىڭ Med Club توبىمەن بىرلەسىپ، ”گەنەرال تاۋى Med Club — قار شاڭعى شۋەيۋانىن“ بىرگە قۇردى. بۇل سەلبەستىك جەرگىلىكتى ورىنداعى قار شاڭعى جاتتىقتىرۋشى ءۇشىن جۇيەلى كاسىپتىك تاربيەلەۋ تەكشەسىن قۇرىپ، شەتەلدىڭ وزىق قار شاڭعىعا تاربيەلەۋ تانىمى مەن ءادىسىن قابىلداۋمەن بىرگە، تۇتاس قار شاڭعى الاڭىنىڭ حالىقارالانۋ دەڭگەيىن دە جوعارىلاتتى.

ءتۇرلى تەحنيكا ۇيرەنۋ، ەرەجە بەلگىلەۋ جانە اتقارۋ، بالالاردىڭ جاڭا تەحنيكانى ۇيرەنۋىنە مۇمكىندىك جاساۋ... 10-ايدىڭ 27-كۇنى فرانسيا Med Club توبىنىڭ شەتەلدىك جاتتىقتىرۋشىسى وسى دەمالىس رايونىنىڭ قار شاڭعىعا جاتتىقتىرۋشىلارىن جۇيەلى تاربيەلەدى.

قار شاڭعى جاتتىقتىرۋشىسى ورال قايرات ۇلى قۋانا تىلشىگە: قازىر جەرگىلىكتى ورىنداعى جاتتىقتىرۋشىلار شەتەلدىڭ وزىق  قار شاڭعىعا تاربيەلەۋ ساباعىن جاقىن جەردەن ۇيرەنۋ ورايىنا يە بولدى، بۇل باقىت سەزىمى، تابىس سەزىمى. مەن بۇدان كەيىن بالالارعا قار شاڭعى تەبۋدى ۇيرەتۋ بارىسىندا قىزىقتىرۋ ارقىلى تاربيەلەۋگە اناعۇرلىم ءمان بەرىپ، بالالاردىڭ ويىن بارىسىندا قار شاڭعى تەبۋ ونەرىن ۇيرەنۋىنە، قار شاڭعى تەبۋدىڭ قىزىعىن شىنايى سەزىنۋىنە مۇمكىندىك جاسايمىن، ـ دەدى.

وسى قار ماۋسىمىندا كوكتوعاي حالىقارالىق قار شاڭعى دەمالىس رايونى كانادانىڭ قار شاڭعىعا تاربيەلەۋ جۇيەسىمەن سەلبەستىك جاساپ، ونىڭ پىسىپ-جەتىلگەن تاربيەلەۋ جۇيەسى مەن حالىقارالىق ماڭداي الدى تاربيەلەۋشىلەر كۇشىن ەنگىزدى. بۇل شارا قار شاڭعى قاريدارىن اناعۇرلىم جوعارى ساپالى قار شاڭعى كاسىبى قىزمەت وتەۋىمەن قامداپ قانا قويماي، جەرگىلىكتى ورىننىڭ حالىقارالىق قار شاڭعى دارەجەسىن كۋالاندىرۋ، تاربيەلەۋ كاسىبىنىڭ حالىقارالىق ولشەممەن ۇشتاسۋىن دا ىلگەرىلەتەدى.

كوكتوعاي حالىقارالىق قار شاڭعى دەمالىس رايونىنىڭ ۇنەمىلىك ىستەرگە جاۋاپتى ورىنباسار باس ديرەكتورى فىڭ كاي تىلشىگە: وسى ورايدا ءبىز قار شاڭعى جەتەكشىلەرىن تاربيەلەۋدىڭ كەمەلدى جۇيەسىن ورناتىپ، تەحنيكاسى جان-جاقتى، ساپاسى ۇزدىك، ورەسى ەرەكشە جوعارى ءبىر توپ قار شاڭعى كاسىبىمەن شۇعىلدانۋشىلاردى تاربيەلەيمىز. سونىمەن بىرگە، بۇكىل ەلدەگى قار شاڭعى كاسىبىمەن شۇعىلدانۋشىلاردى حالىقارالىق قار شاڭعى دارەجەسىن كۋالاندىرۋ، تاربيەلەۋ قىزمەت وتەۋىمەن جانە تەحنيكالىق قولداۋمەن قامدايمىز، ـ دەدى.

”جۇڭگو ۇلپا قار مەكەنى“، ”كوڭىلدەگىدەي قار شاڭعى الاڭى“ دەپ اتالعان جىكبەلەڭ حالىقارالىق قار شاڭعى دەمالىس رايونى بۋىرشىن اۋدانى قوم — قاناس موڭعۇل ۇلتتىق اۋىلىندا. بۇل دەمالىس رايونى اۆستريانىڭ قار شاڭعى جۇيەسىمەن ستراتەگيالىق سەلبەستىك جاساسىپ، سىرعاناۋ تەحنيكالىق جۇيەسىن، قار شاڭعىعا تاربيەلەۋ جۇيەسىن، قار شاڭعىعا تاربيەلەۋ نازاريالىق جۇيەسىن قامتىعان كاسىپتىك قار شاڭعى جۇيەسىن ەنگىزەدى. بۇل سەلبەستىك سىڭار تاقتالى، قوس تاقتالى حالىقارالىق قار شاڭعى ولشەمى مەن حالىقارالىق وزىق تەحنيكانى جىكبەلەڭ حالىقارالىق قار شاڭعى دەمالىس رايونىنا اكەلۋمەن بىرگە، قار شاڭعى كاسىبى دارىندىلارىن تاربيەلەۋ، اۆستريانىڭ قار شاڭعى جەتەكشىلەرىنىڭ تولىمدىلىقتى كۋالاندىرۋى، قار شاڭعى الاڭىن جوبالاۋ سياقتى جاقتاردا ىشكەرىلەي اۋىس ـ كۇيىس جاساپ، سەلبەسەدى.

جىكبەلەڭ حالىقارالىق قار شاڭعى دەمالىس رايونىنىڭ ورىنباسار باس ديرەكتورى جاڭ جيارۇي تىلشىگە: شەتەلدىڭ كەمەلدى قار شاڭعىعا تاربيەلەۋ ساباعى مەن تاربيەلەۋ جۇيەسىن ەنگىزۋدەگى ماقسات قار شاڭعى تەبۋگە تاربيەلەۋدىڭ ساباعىنىڭ كاسىپتەندىرۋ اياق الىسىن ىلگەرىلەتىپ، ءاربىر ساياحاتشىنى اناعۇرلىم كەمەلدى، كاسىپتىك قار شاڭعى تەبۋ تاجىريبەسىنەن يگىلىكتەندىرۋ،-دەدى.

ايماقتاعى 3 ۇلكەن قار شاڭعى دەمالىس رايونى حالىقارالانعان قار شاڭعىعا تاربيەلەۋ ساباعى مەن جاتتىقتىرۋشىلار قوسىنىن ەنگىزۋ ارقىلى جەرگىلىكتى قار شاڭعى جاتتىقتىرۋشىلارىنىڭ كاسىپتىك ساپاسىن جاقسارتىپ، تاربيەلەۋ دەڭگەيىن بارىنشا جوعارىلاتۋمەن بىرگە، ساياحاتشىلارعا ءتىپتى دە ساپالى كاسىپتىك قار شاڭعى قىزمەتىن وتەيدى. مۇنداي حالىقارالىق سەلبەستىك ۇلگىسى ايماقتىڭ قار-مۇز ساياحاتىنىڭ دامۋىنا تىڭ ومىرشەڭدىك كۇش جانە قوزعاۋشى كۇش قوسىپ، ەل ءىشى ـ سىرتىنداعى ءتىپتى دە كوپ ساياحاتشىنى قار شاڭعى تەبۋدىڭ كەرەمەتى مەن قىزىعىن سەزىنۋگە باۋرايدى..