10-ايدىڭ 28-كۇنى التاي قالاسى شىرىكشي اۋىلىنىڭ 640-تەكشە اۋماعىنداعى جۇگەرى اتىزىندا كومباين ارلى-بەرلى ايقاسىپ، جۇگەرى ورىپ، ءدانىن ايىرىپ، اۆتوكولىككە تيەلۋدە. ديقان چىن شيياڭ بىلاي دەدى: بيىل 10 مىڭ مۋدان استام جەرگە جۇگەرى ەكتىم، 10-ايدىڭ باسىنان باستاپ ورعاننان بەرى، جيىنى 2 كومباين جانە 10 جۇك اۆتوكولىگى ىسكە قوسىلدى، مەجەمەن، جۇگەرىنىڭ جالپى ءونىم مولشەرى 14 مىڭ توننا بولادى.
بيىل چىن شيياڭ جارعاقسىز جۇگەرىنى سىناق رەتىندە ەگىپ، مۋ باسىندىق ءونىمى 1.4 توننا اينالاسىندا بولدى. بيىلعى تابىستى تاجىريبەسىنە سۇيەنىپ، چىن شيياڭ كەلەر جىلى جارعاقسىز جۇگەرى ەگۋ كولەمىن اناعۇرلىم كەڭەيتۋدى جوسپارلاپ وتىر.
بۋرىلتوعاي اۋدانى جەتارال قالاشىعى جالپاق قىستاعىنىڭ ديقانى گاۋ تۇڭ-يدىڭ قانت قىزىلشاسى اتىزىندا جينالعان قانت قىزىلشاسى توپ توبىمەن ۇيىلگەن. ول بيىل 120 مۋ جەرگە قانت قىزىلشاسىن ەگىپ، 480 توننادان استام ءونىم الدى. قۋانارلىعى، شينجياڭ فۋتاڭ قانت كاسىبى شەكتى جاۋاپكەرشىلىك سەرىكتەستىگى قانت قىزىلشاسىن وزدەرى كەلىپ ساتىپ الىپ، ونى الاڭداۋدان ارىلتتى. گاۋ تۇڭ-ي بىلاي دەدى: كەلەر جىلى قانت قىزىلشاسىن ەگۋ كولەمىن كەڭەيتەمىن ءارى ماشينالاسقان ەگىنشىلىككە سايكەستىرىپ، ءتىپتى دە مول ءونىم الۋعا قۇلشىنامىن.
شينجياڭ فۋتاڭ قانت كاسىبى شەكتى جاۋاپكەرشىلىك سەرىكتەستىگى باس ديرەكتورىنىڭ كومەكشىسى ليۋ ۋىن بىلاي دەدى: بيىل التاي ايماعىنىڭ ەگىنشىلىك اۋماعىنداعى قانت قىزىلشاسىنىڭ ءونىم مولشەرىن مەجەمەن 120 مىڭ تونناعا، قانت ءوندىرۋ مولشەرىن شامامەن 17 مىڭ تونناعا جەتكىزبەكشىمىز.
التاي ايماقتىق اۋىل شارۋاشىلىعى، اۋىل-قىستاق مەكەمەسى اۋىل شارۋاشىلىعى ءوندىرىس ءبولىمىنىڭ باستىعى يۋان يوۋچۋان بىلاي دەدى: 10-ايدىڭ 28-كۇنىنە دەيىن، بۇكىل ايماقتا جيىپ الىنعان ەگىس داقىلدارىنىڭ جالپى جەر اۋماعى جيىپ الۋعا ءتيىستى ەگىس كولەمىنىڭ %99.04ىن ۇستاپ، بىلتىرعىدان زور مولشەردە ارتتى. ءار دارەجەلى اۋىل شارۋاشىلىق ماشينالارى تاراۋلارى بەلسەنە ءىس تىندىرىپ، تۇرلىشە داقىلدارعا ىستەتەتىن اۋىل شارۋاشىلىق ماشينالارىنىڭ دايىندىق جوباسىن جاسادى ءارى كۇزگى جيىن-تەرىن ماشينالارىن زور كۇشپەن ەنگىزىپ، اۋىل شارۋاشىلىق ماشينا جابدىقتارىن دەر كەزىندە ۇيلەسىمدى ورنالاستىردى. سونىمەن بىرگە، اۋىل شارۋاشىلىق ماشينالارىن تەكسەرىپ جوندەۋ جانە قىزمەتكەرلەردى تاربيەلەۋ قىزمەتىن بار كۇشپەن ويداعىداي ىستەپ، اۋىل شارۋاشىلىق ماشينالارىنىڭ جۇمىس ساپاسى مەن ونىمدىلىگىن ءونىمدى قامتاماسىزداندىردى. كەلەسى قادامدا، كۇزگى جيىن-تەرىنگە قاتىستى قىزمەتتەردى ويداعىداي ىستەپ، 11-ايدىڭ باس شەنىندە ەگىس داقىلدارىن جيناۋدى اياقتاتۋعا شىنايى كەپىلدىك ەتەمىز.
来源：雪都嘟/阿勒泰地区融媒体中心
实习记者：刘欢
通讯员：付浩东 宋书旗 刘维芳 夏旗梅
编辑：米拉木古丽·穆斯那提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
