ཡར་ཀླུང་བསྡུས་འཕྲིན།
ཉེ་སྔོན། ཆུ་གསུམ་རྫོང་གིས་རྫོང་ཨུད་སྐབས་བཅུ་པའི་རེས་སྐོར་བདུན་པའི་སྐོར་གཟིགས་ལས་དོན་གྱི་སྐུལ་སློང་བཀོད་སྒྲིག་ཚོགས་འདུ་འཚོགས་པ།
ཉེ་སྔོན། སྣ་དཀར་རྩེ་རྫོང་གིས་གསར་དུ་བསྐོ་བཞག་བྱས་པའི་ལས་བྱེད་པ་30ཡི་ཏང་གཤིས་ཞུན་བརྡར་དང་འགན་ནུས་མཐོར་འདེགས་ཀྱི་གསོ་སྦྱོང་དེ་ཀྲེ་ཅང་སློབ་ཆེན་ཧྭ་ཅཱ་ཁྲེ་སློབ་ཁུལ་དུ་གཉེར་བ།
ཉེ་སྔོན། སྣེ་གདོང་ཆུས་དུས་རབས་གསར་པའི་ཤེས་དཔལ་ལག་ལེན་ལྟེ་གནས་ཀྱིས་རྡོ་ཕོ་བྲང་ཤང་དགའ་སྟོང་གྲོང་ཚོར་ཤེས་དཔལ་ལག་ལེན་ཁྱིམ་ཚང་ཀུན་གྱིས་བསྟར་ཞེས་པར་འབོད་པའི་བྱེད་སྒོ་སྤེལ་བ།
ཉིན་ཤས་བསྟུད་མར། རྒྱ་ཚྭ་རྫོང་གིས་རི་ཀླུང་འདབ་ལོས་གཡོགས། རྒྱ་ཚྭར་དུང་སེམས་ཆེ་ཞེས་པར་འབོད་པའི་མཛེས་ལྗོངས་པར་ལེན་བརྙན་ཕབ་བྱེད་སྒོ་སྤེལ་བ།
ཉེ་སྔོན། གྲ་ནང་རྫོང་གིས་བཟའ་བཏུང་ཞབས་ཞུའི་ལས་རིགས་ཀྱི་བཟའ་བཅའི་བདེ་འཇགས་མིག་དཔེའི་ཟ་ཁང་འཛུགས་གཏོད་ཀྱི་གསོ་སྦྱོང་སྤྲས་པ།
ཉེ་ཆར། ལྷུན་རྩེ་རྫོང་གིས་གཉལ་སྨད་ཤང་དུ་མེ་ཟོན་ཀུན་གྱིས་འཛིན། ཚེ་སྲོག་གོང་ན་བཀུར་ཞེས་པར་འབོད་པའི་མེ་ཟོན་དྲིལ་བསྒྲགས་ཟླ་བའི་བྱེད་སྒོ་སྤེལ་བ།
ཉེ་སྔོན། གོང་དཀར་རྫོང་སྨན་བཅོས་འགན་སྲུང་ཅུད་ཀྱི་ལས་དོན་མི་སྣས་མངའ་ཁོངས་ཤང་དང་གྲོང་རྡལ་ཁག་ཏུ་བསྐྱོད་ནས་སྨན་བཅོས་འགན་བཅོལ་སྐོར་གྱི་སྲིད་ཇུས་གསར་ཤོས་དྲིལ་བསྒྲགས་བྱས་པ།
ཉིན་ཤས་བསྟུད་མར། གྲོང་ཁྱེར་དངུལ་རྩ་སྡེ་ཚོགས་ལས་ཨུད་ཀྱིས་ཁོངས་གཏོགས་གཞོན་ནུ་སྡེ་ཚོགས་སྒྲིག་འཛུགས་བྱས་ནས་ཏང་གི་གསར་གཏོད་རིགས་གཞུང་སློབ་སྦྱོང་དང་འབྲེལ། མྱོང་ཚོར་གླེང་རེས་དང་བསམ་ཚུལ་སྤེལ་རེས་བརྒྱུད་བསམ་བློའི་གོ་རྟོགས་དང་འགན་ནུས་ལག་ལེན་བསྟར་ནུས་མཐོར་འདེགས་བྱས་པ།
བསོད་དོན་གྱིས་བསྒྱུར། བསོད་བསྟན་དང་ཡེ་བཟང་གིས་ཞུས།
ཡོང་ཁུངས། ལྷོ་ཁའི་བོད་ཡིག་ཚགས་པར།
འགན་འཁུར་རྩོམ་སྒྲིག་པ། བསོད་ནམས་བསྟན་པ།
ལག་བསྟར་རྩོམ་སྒྲིག་པ། ཡེ་ཤེས་བཟང་མོ།
ཞུ་དག བསོད་ནམས་དོན་གྲུབ།
