ارتۋ قارقىنىن تەزدەتۋىنە دەم بەردى

11-ايدىڭ 21-كۇنى تاڭەرتەڭ كەن ونىمدەرىن تولتىرا تيەگەن تۇڭعىش جۇك اۆتوكولىگىنىڭ باياۋ كىرۋىنە بايلانىستى، تايكەشكەن وتكەلى تاعى ءبىر قاربالاس جۇمىس كۇنى باستالدى.

شينجياڭنىڭ موڭعۇلياعا اشىق ۇستالعان 1-ۇلكەن وتكەلى رەتىندە جىل باسىنان بەرى تايكەشكەن وتكەلىنىڭ جۇك تاسىمال مولشەرى ۇزدىكسىز ارتىپ، يمپورت-ەكسپورت ساۋداسىندا ورنىقتىلىق بارىسىندا ىلگەرىلەۋ سىندى تاماشا جاعداي جارىققا شىعىپ، شارۋاشىلىق-ساۋدا ورتاسى ۇزدىكسىز جاقساردى.

التاي كەدەنىنىڭ ەڭ جاڭا ساندى مالىمەتىندە كورسەتىلۋىنشە، بيىل 1-ايدان 10-ايعا دەيىن تايكەشكەن وتكەلىنەن يمپورت-ەكسپورت ەتىلگەن زاتتاردىڭ جالپى مولشەرى 3 ميلليون 209 مىڭ تونناعا جەتىپ، سايكەس مەزگىلدەگىدەن %40.8 ارتقان. مۇنىڭ ىشىندە يمپورت ەتىلگەن زات 3 ميلليون 121 مىڭ توننا بولىپ، سايكەس مەزگىلدەگىدەن %40.1 ارتقان؛ ەكسپورت ەتىلگەن زات 88 مىڭ توننا بولىپ، سايكەس مەزگىلدەگىدەن %73.8 ارتقان.

ۇزدىكسىز ارتىپ وتىرعان جۇك تاسىمال قاجەتىنە ساي، التاي كەدەنى بەلسەنە ارەكەتتەنىپ، وتكەلدەرگە جانە يمپورت كاسىپورىندارىنا تالاي رەت بارىپ ارناۋلى تاقىرىپتا تەكسەرۋ-زەرتتەۋ جۇرگىزدى. كاسىپورىنداردىڭ كەدەننەن ءوتۋ بارىسىندا جولىققان قيىنشىلىعى مەن ۇسىنىس-پىكىرىن كەڭ كولەمدە جيناۋ ارقىلى التاي كەدەنى كەدەن مەن كاسىپورىنداردىڭ اڭگىمە ءماجىلىسىن، اۋىس-كۇيىس ءماجىلىسىن دەركەزىندە اشىپ، كاسىپورىنداردى ”جەلىدە + جەلىدەن تىس“ دەركەزىندە ءتۇيىلىسۋ، الدىن الا كەلىسۋ قىزمەت وتەۋىمەن قامدادى. سونىمەن بىرگە، باقىلاۋ-باسقارۋ جۇمىسىنىڭ تۇتاس تىزبەگىن ۇزدىكسىز ساپالىلاندىرىپ، كاسىپورىنداردىڭ يمپورت-ەكسپورت جوسپارىن الدىن الا يگەرىپ، كەدەننەن ءوتۋ ۋاقىتىن بارىنشا قىسقارتىپ، كاسىپورىنداردىڭ وزىندىك قۇنىن تومەندەتىپ، ونىمدىلىگىن ارتتىرۋىنا دەم بەردى.

شينجياڭ مڭكى ەنەرگيا عىلىم-تەحنيكا شەكتى سەرىكتەستىگى زات اينالىمى ءبولىمىنىڭ ديرەكتورى بايا بىلاي دەدى: التاي كەدەنىنىڭ زەردەلى باقىلاۋ-باسقارۋ دەڭگەيىنىڭ ۇزدىكسىز جوعارىلاۋىنا ىلەسە وتكەلدىڭ كەدەننەن ءوتۋى اناعۇرلىم قولايلى، جوعارى ءونىمدى بولدى. بۇل كاسىپورىنداردىڭ كولەمىن كەڭەيتىپ، بازاردى يەلەۋىن پارمەندى كەپىلمەن قامدادى، سونداي-اق ءبىزدىڭ بولاشاقتاعى دامۋعا دەگەن سەنىمىمىزدى كۇشەيتتى.

باقىلاۋ-باسقارۋ، قىزمەت وتەۋ دەڭگەيىن جوعارىلاتۋ جاعىندا، التاي كەدەنى وتكەلدىڭ ءىس جۇزىندىگىن تياناق ەتىپ،”8×7 ساعات“ قىزمەت ۇلگىسىن قولدانىپ، ”قوس H986“ اپپاراتىنان وتكىزىپ تەكسەرۋ ۇلگىسىن اكەلىپ، زاتتاردى تەكسەرۋدىڭ ونىمدىلىگىن ارتتىرىپ، دالدىگىن جوعارىلاتتى. مۇنان سىرت، ”تاۋلىك بويى + كەدەننەن وتۋگە الدىن الا كەلىسۋ“، ”جۇك ءتىزىمىن بىرىكتىرۋ“ سياقتى ساياساتتىڭ تيىمدىلىكتەرىن بەلسەنە ىسكە قوسىپ، وتكەل ساۋداسىنىڭ قولايلى بولۋ شارت-جاعدايىن ۇزدىكسىز جاقسارتتى. سونىمەن بىرگە، جاسىل ارنا اشۋ ارقىلى كاسىپورىندارعا ”تۇيىندەر ارا“ كەدەننەن وتۋگە قىزمەت وتەپ، كەدەننەن ءوتۋدىڭ ءارقايسى بۋىندارىن جوعارى ونىمدىلىكپەن ۇشتاستىرىپ، ”تەكسەرۋگە الدىن الا كەلىسۋدى“ جولعا قويىپ، ”كەلە سالىسىمەن تەكسەرۋدى، جوعارى ونىمدىلىكپەن تەكسەرىپ وتكىزۋدى“ شىن مانىندە جۇزەگە اسىردى.

التاي كەدەنىنىڭ تايكەشكەندە تۇراتىن ءىس باسقارماسىنىڭ مەڭگەرۋشىسى جياڭ ۋىنجيە بىلاي دەدى: بۇدان كەيىن ءبىز قولايلى باقىلاۋ-باسقارۋ ساياساتىن زەرتتەۋدى ۇزدىكسىز كۇشەيتىپ، جەرگىلىكتى ۇكىمەتپەن، بىرلەسىپ تەكسەرۋ ورىندارىمەن سەلبەسۋدى، سايكەسۋدى كۇشەيتىپ، شارۋاشىلىق-ساۋدا ورتاسىن ساپالىلاندىرۋ، زەردەلى كەدەن قۇرىلىسىن ىلگەرىلەتۋ، باقىلاۋ-باسقارۋ ۇلگىسىندە جاڭالىق اشۋ سياقتى شارالار ارقىلى ءتۇرلى ساياسات ابزالدىلىعىن ساۋلەلەندىرىپ، وتكەلدىڭ كەدەننەن ءوتۋ ساپاسىنىڭ ۇزدىكسىز جاقسارۋىنا، ارتۋ قارقىنىنىڭ ۇزدىكسىز تەزدەتۋىنە دەم بەرەمىز.