التاي ايماعىنا كەلدى

11-ايدىڭ 19-كۇنى حيلۇڭجياڭ ولكەلىك پارتكومنىڭ ورىنباسار شۋجيى، ولكەلىك باعىتتامالى كومەكتەسۋ قىزمەتى باسشىلىق گرۋپپاسىنىڭ باستىعى جاڭ انشۇن حيلۇڭجياڭ ولكەسىنىڭ ۋاكىلدەر ۇيىرمەسىن باستاپ التاي ايماعىنا كەلىپ، باعىتتامالى كومەكتەسۋ قىزمەتىن تەكسەرىپ، ءتۇيىلىستىردى، شينجياڭعا كومەككە كەلگەن 5-توپتاعى كادر-دارىندىلارعا امانداسىپ، ولاردان حال سۇرادى. اۆتونوميالى رايوندىق پارتكومنىڭ تۇراقتى مۇشەسى، حالىق ۇكىمەتىنىڭ ورىنباسار ءتوراعاسى ءيۇسۇپجان مامەت، شينجياڭ ءوندىرىس-قۇرىلىس بيڭتۋانى پارتكومىنىڭ تۇراقتى مۇشەسى، ورىنباسار سىليڭيۋانى لي شۇي تەكسەرۋدە، حال سۇراۋدا بىرگە بولدى.

تەكسەرۋ جۇرگىزگەن كەزدە ۋاكىلدەر ۇيىرمەسىندەگىلەر ءيۇسۇپجان مامەت پەن لي شۇيدىڭ سەرىك بولۋىندا، بۋرىلتوعاي اۋدانى كوكاعاش اۋىلىنىڭ اقوتكەل قىستاعىنا بارىپ، پارتيا قۇرىلىسى ارقىلى اۋىل-قىستاق قۇرىلىسىنا جانە مادەنيەت پەن ساياحاتتىڭ توعىسپالى دامۋىنا جەتەكشىلىك ەتۋ قاتارلى قىزمەتتەردى تەكسەردى؛ بيڭتۋان 10-شىسى 183-تۋانىنىڭ وسىزامانعى اۋىل شارۋاشىلىعى كاسىپ باقشاسىنداعى ءدامدى جۇگەرى مانەرلەۋ سەحىنا كىرىپ، حيلۇڭجياڭ ولكەسىنىڭ جەرگىلىكتى ورىنداعى ەرەكشە اۋىل شارۋاشىلىعى ونىمدەرىن مانەرلەۋ كاسىپ سالاسىنا كومەكتەسۋىنىڭ ىلگەرىلەۋ احۋالىن ۇعىستى؛ التاي ايماعىنىڭ كاسىپتىك وقۋ-اعارتۋ باقشاسى رايونىنا جانە التاي استرونوميا سارايىنا (عىلىم-تەحنيكا سارايىنا) بارىپ، نىساننىڭ اياق الىسىن جانە عىلىم جالپىلاستىرۋ، زەرتتەپ ۇيرەنۋ بازاسىنىڭ رولىن ساۋلەلەندىرۋ احۋالىن تاپتىشتەي ۇعىستى؛ ”مەملەكەتتە ءبىرتۇتاس قولدانىلاتىن ءتىل“ سىناۋ بولمەسىنە جانە قار-مۇز كاسىبى امالياتتىق جاتتىعۋ بولمەسىنە كىرىپ، شينجياڭعا كومەككە كەلگەن وقىتۋشىلارمەن اڭگىمەلەسىپ، پىكىرلەسىپ، ولاردى قار -مۇز جاعىنداعى باۋلۋدى ويداعىداي ىستەپ، اناعۇرلىم كەسەك ناتيجەگە قول جەتكىزۋگە ىنتالاندىردى؛ شينجياڭعا كومەككە كەلگەن كادر-دارىندىلاردىڭ قىزمەت جانە تۇرمىس ورتاسىن ناق مايداندا كورىپ، شينجياڭعا باعىتتامالى كومەكتەسۋ قولباسشىلىق شتابىندا باعىتتامالى كومەكتەسەتىن اۋداندارمەن جانە بەيتۇن بولىمشە قولباسشىلىق شتابىمەن بەينە كەسكىن جالعاپ اڭگىمەلەسىپ، شينجياڭعا كومەككە كەلگەن كادر-دارىندىلارعا حيلۇڭجياڭ ولكەلىك پارتكومنىڭ، ولكەلىك ۇكىمەتتىڭ قامقورلىعى مەن سالەمىن جەتكىزدى.

ءيۇسۇپجان مامەت اۆتونوميالى رايوندىق پارتكوم مەن حالىق ۇكىمەتى جانە تۇتاس رايونداعى ءار ۇلت كادرلارى مەن بۇقاراسى اتىنان ۋاكىلدەر ۇيىرمەسىن ىقىلاسپەن قارسى الدى. ول مىنالاردى اتاپ كورسەتتى: حيلۇڭجياڭ ولكەلىك پارتكوم مەن ولكەلىك ۇكىمەت باس شۋجي شي جينپيڭنىڭ، پارتيا ورتالىق كوميتەتىنىڭ جاڭا داۋىردەگى شينجياڭعا باعىتتامالى كومەكتەسۋ قىزمەتىن تەرەڭدەتۋ جونىندەگى ماڭىزدى ورنالاستىرۋىن ىشكەرىلەي دايەكتىلەندىرىپ، تياناقتاندىرىپ، دارىندى، قارجى، نىسان جاقتارىندا التاي ايماعىن جانە بيڭتۋان 10-شىسىن زور كۇشپەن قولداپ، شينجياڭنىڭ رەفورماسىنا، دامۋىنا، ورنىقتىلىعىنا ماڭىزدى ۇلەس قوستى، شينجياڭداعى ءار ۇلت حالقى بۇعان شىن كوڭىلمەن العىس ايتادى. حيلۇڭجياڭ ولكەسى مەن شينجياڭ ۇيعۇر اۆتونوميالى رايوننىڭ وسى رەتكى تەكسەرۋدى، ءتۇيىلىستىرۋدى وراي رەتىندە قاراپ، شينجياڭعا كومەكتەسۋ تۇعىر دانەكەرىنەن ويداعىداي پايدالانىپ، سەلبەستىكتى تەرەڭدەتۋ، دامۋدى بىرگە جوسپارلاۋ بارىسىندا قول ۇستاسا بىرگە ىلگەرىلەپ، قۇلشىنا العا تارتۋىن، اناعۇرلىم ناقتى شارالار ارقىلى جاڭا داۋىردەگى شينجياڭعا باعىتتامالى كومەكتەسۋ قىزمەتىن ىلگەرىلەتۋدە تىڭ ونىمدىلىككە قول جەتكىزىپ، حيلۇڭجياڭ ولكەسى مەن شينجياڭ ۇيعۇر اۆتونوميالى رايوننىڭ اۋىس-كۇيىسى مەن سەلبەستىگىندە قول ۇستاسا جاڭا جاعداي اشۋىن ءۇمىت ەتەمىن.

جاڭ انشۇن التاي ايماعىنداعى كادرلار مەن بۇقاراعا حيلۇڭجياڭ ولكەلىك پارتكوم مەن ولكەلىك ۇكىمەتتىڭ سالەمىن جەتكىزدى. جاڭ انشۇن بىلاي دەدى: حيلۇڭجياڭ ولكەسى باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە-ءدال، جاپپاي دايەكتىلەندىرىپ، 9-رەتكى مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن جانە ولكەلىك پارتكومنىڭ ورنالاستىرۋلارى مەن تالاپتارىن مۇقيات تياناقتاندىرىپ، شينجياڭعا باعىتتامالى كومەكتەسۋ كەلەلى ساياسي جاۋاپكەرشىلىگىن شىنايى ارقالاپ، دامۋ قاجەتى مەن ەكى جاقتىڭ قابىلەتىن ۇشتاستىرۋعا تاباندى بولادى. كاسىپ سالاسىن دامىتۋ، حالىق تۇرمىسىن جاقسارتۋ، دارىندىلار قۇرىلىسى، مادەنيەتتە ءوزارا ۇلگى الۋ، ۇلتتاردىڭ ارالاسۋى، ىشتەسۋى، توعىسۋى سياقتى جاقتاردا ابزالدىلىقتارى ارقىلى ءوزارا تولىقتاۋدى، ىستەستىكتى كۇشەيتۋدى ىلگەرىلەتەدى. التاي ايماعى مەن بيڭتۋان 10-شىسىنىڭ جوعارى ساپالى دامۋىنا دەم بەرىپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي كوركەيتۋگە حيلۇڭجياڭنىڭ كۇش-قۋاتىن ارنايدى.

التاي ايماقتىق پارتكومنىڭ شۋجيى شيە شاۋدي بىلاي دەدى: كومەك قابىلدايتىن جەرلەر قاتارىنداعى التاي ايماعى سوتسياليستىك ءتۇزىمنىڭ تەڭدەسسىز ابزالدىلىعى مەن وتان ۇلى وتباسىنىڭ شەكسىز مەيىرىن تەرەڭ سەزىندى، حيلۇڭجياڭ ولكەلىك پارتكوم مەن ولكەلىك ۇكىمەتتىڭ جانە اۆتونوميالى رايوندىق پارتكوم مەن حالىق ۇكىمەتىنىڭ كوڭىل ءبولۋى مەن قامقورلىعىن جانە زور كۇشپەن قولداۋىن تەرەڭ سەزىندىك. ءبىز حيلۇڭجياڭ ولكەسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابىمەن بىرگە، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە-ءدال، جاپپاي دايەكتىلەندىرىپ، حيلۇڭجياڭ ولكەسى مەن شينجياڭ ۇيعۇر اۆتونوميالى رايوننىڭ ورنالاستىرۋلارى مەن تالاپتارى بويىنشا تاپسىرمانى ەستە بەرىك ساقتاپ، العىس ايتا وتىرىپ ەكپىندەي ىلگەرىلەيمىز. شينجياڭعا كومەكتەسۋ جەتىستىكتەرىن ۇزدىكسىز بەكەمدەپ، ءار سالاداعى سەلبەستىكتى كەڭەيتىپ، جاڭا داۋىردەگى شينجياڭعا كومەكتەسۋ قىزمەتىندە تىڭ بەلەسكە كوتەرىلۋدى، تىڭ ونىمدىلىككە قول جەتكىزۋدى ىلگەرىلەتەمىز.