جۋىقتا، ايماقتىق عىلىم-تەحنيكا مەكەمەسىندەگىلەر ماماندارمەن بىرگە كاسىپورىندارعا بارىپ قىزمەت وتەدى. مۇنداعى ماقسات — 2025-جىلعى تۇتاس قوعامنىڭ زەرتتەۋ-اشۋ ۇسىنىلىمى ساناعىن تولتىرۋ، جوعارى، جاڭا تەحنيكالى كاسىپورىنعا ءوتىنىش بەرۋ، تەحنيكالىق توقتامدى ساراپتاۋ قاتارلى شەشۋشى قىزمەتتەردى جوعارى ساپامەن ورىنداۋ.
وسى رەتكى قيمىلدا حيلۇڭجياڭ ولكەسى جانە اۆتونوميالى رايونداعى مول تاجىريبەلى جانە كاسىپتىك ءبىلىمى بار ماماندار ۇيىرمەسىن ەرەكشە ۇسىنىس ەتىپ، ەكى تەكسەرۋ-زەرتتەۋ گرۋپپاسىن قۇرىپ، اۋداندارعا (قالاعا) بارىپ، ناق مايداندا جەتەكشىلىك ەتتى جانە قىزمەت وتەدى.
قيمىلدا، تەكسەرۋ-زەرتتەۋ گرۋپپاسى شينجياڭ جەمەنەي جۇڭگۋاڭحى جەل ەلەكتر شەكتى سەرىكتەستىگى، التاي جىڭيۋان حالىقارالىق كەن كاسىبى شەكتى سەرىكتەستىگى، شينجياڭ قابا اشىلى مىس كاسىبى شەكتى جارنا سەرىكتەستىگى قاتارلى 32 كاسىپورىندى ارالاپ، ناق مايداندا كاسىپورىنداردىڭ زەرتتەۋ-اشۋ قيمىلى مەن ءوندىرىس-تيجارات ورنىن تەكسەرىپ، كاسىپورىنداردىڭ عىلىم-تەحنيكادا جاڭالىق اشۋ جاعدايىن ىشكەرىلەي ۇعىستى. تەكسەرۋ-زەرتتەۋ گرۋپپاسى كاسىپورىن ۋاكىلدەرىمەن زەرتتەۋ-اشۋ بارىسىن باسقارۋ، زەرتتەۋ-اشۋ قاراجاتىن ۇيلەسىمدى جيناقتاۋ جانە بىرلىككە كەلتىرۋ ىستەرىن، سونداي-اق جوعارى، جاڭا تەحنيكالى كاسىپورىنداردى باسقارۋ، تەحنيكالىق توقتامدى تۇراقتاندىرۋ قاتارلى قاتىستى ماسەلەلەرىن ىشكەرىلەي اڭگىمەلەپ، پىكىر اۋىستىردى. سونىمەن بىرگە، كاسىپورىنداردىڭ زەرتتەۋ-اشۋ قاراجاتىن جيناقتاۋ، جوعارى، جاڭا تەحنيكالى كاسىپورىنعا ءوتىنىش بەرۋ، تەحنيكالىق توقتامدى ساراپتاۋ قاتارلى جاقتاردا جولىققان ماسەلەلەرگە ەگجەي-تەگجەيلى تالداۋ جاسادى جانە جاۋاپ بەردى.
حيلۇڭجياڭ ولكەلىك عىلىم-تەحنيكا مەڭگەرمەسىنىڭ زەرتتەۋ-اشۋ قاراجاتىن ساناققا الۋ مامانى فاڭ چۇنيۇي بىلاي دەدى: جاڭالىق اشۋ — كاسىپورىن باسەكەسىنىڭ، دامۋىنىڭ نەگىزى، ومىرشەڭدىك كۇشىنىڭ قاينارى، ال، زەرتتەۋ-اشۋ قاراجاتىنىڭ جيناقتالۋى كاسىپورىننىڭ جاڭالىق اشۋىنىڭ ەڭ تىكە بەينەسى. R&D ساناعى كاسىپورىندى زەرتتەۋ-اشۋدان تۋىلعان قاتىستى قاراجاتتاردى دۇرىس جيناقتاپ، ساناق ساندى مالىمەتتەرىنىڭ ونىمدىلىگىنە كەپىلدىك ەتۋدى تالاپ ەتەدى. بۇل جوعارى، جاڭا تەحنيكالى كاسىپورىندارعا ءوتىنىش بەرۋگە بەرىك نەگىز قالاۋمەن بىرگە، زەرتتەپ-اشقاننان كەيىنگى قوسىمشا قاراجات بەرۋ، قوسىپ ەسەپتەپ تارتىپ قالۋ قاتارلى ءتيىمدى ساياساتتاردان يگىلىكتەنۋدىڭ ماڭىزدى العى شارتى. كاسىپورىندى زەرتتەۋ-اشۋعا ۇسىنىلىم تەبىنىن ارتتىرىپ، ءتۇرلى عىلىم-تەحنيكا جوسپارىنىڭ نىساندارىنا بەلسەنە ءوتىنىش بەرىپ، وزەكتى باسەكەلىك قۋاتىن جوعارىلاتادى. ايماقتىق عىلىم-تەحنيكا مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمەنىڭ ورىنباسار باستىعى لي جيان بىلاي دەدى: ”داياشى“ رۋحىن ۇزدىكسىز ساۋلەلەندىرىپ، ىرىقتىلىقپەن الدىعا شىعىپ قىزمەت وتەپ، كاسىپورىنداردىڭ سۇرانىسىمەن دالمە-ءدال ۇشتاسىپ، بەلگىلەمەدەگى ءتۇيىندى كاسىپورىنداردى، جوعارى، جاڭا تەحنيكالى كاسىپورىنداردى، عىلىم-تەحنيكالى ورتاشا، شاعىن كاسىپورىنداردى ارالاپ جەتەكشىلىك ەتۋدى كۇشەيتۋ ارقىلى كاسىپورىنداردىڭ زەرتتەۋ-اشۋ قاراجاتىن جيناقتاۋ قىزمەتىن اناعۇرلىم ارناعا ءتۇسىرىپ، كاسىپورىنداردىڭ زەرتتەۋ-اشۋ قيمىلىن ورىستەتۋ بەلسەندىلىگىن قوزعايمىز.
来源：雪都嘟/阿勒泰地区融媒体中心
实习记者：王景鸿
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
