جۋىردا ءتىلشىنىڭ اۆتونوميالى رايوندىق حالىق ىستەرى مەڭگەرمەسىنەن ۇعىسۋىنشا، اۆتونوميالى رايوندىق حالىق ۇكىمەتىنىڭ ۇنەمىلىك ىستەر ءماجىلىسىنىڭ اقىلداسىپ ماقۇلداۋى بويىنشا، 2024-جىلى 7-ايدىڭ 1-كۇنىنەن باستاپ، بۇكىل رايونىمىزدىڭ قالا-اۋىلدارىنداعى ەڭ تومەنگى تۇرمىس دەڭگەيىن قامتاماسىزداندىرۋ جانە اۋىل-قىستاقتارداعى بىتىراندى كۇتىمدەلەتىن ەرەكشە قيىنشىلىعى بارلاردىڭ نەگىزگى تۇرمىسىن قامتاماسىزداندىرۋ ولشەمىن جوعارىلاتۋدى ۇيعارعان.
اۆتونوميالى رايوندىق حالىق ىستەرى مەڭگەرمەسى قوعامدىق قۇتقارۋ-كومەكتەسۋ مەكەمەسىنىڭ قاتىستى جاۋاپتىسى بىلاي دەپ تانىستىردى: وسى رەتكى ولشەمدى جوعارىلاتۋدا، قالاداعى ەڭ تومەنگى تۇرمىس دەڭگەيىن قامتاماسىزداندىرۋ ولشەمى ايىنا 678 يۋاننان 712 يۋانعا، اۋىل-قىستاقتاعى ەڭ تومەنگى تۇرمىس دەڭگەيىن قامتاماسىزداندىرۋ ولشەمى ايىنا 507 يۋاننان ايىنا 568 يۋانعا وسىرىلگەن، اۋىل-قىستاقتارداعى بىتىراندى كۇتىمدەلەتىن ەرەكشە قيىنشىلىعى بارلاردىڭ نەگىزگى تۇرمىسىن قامتاماسىزداندىرۋ ولشەمى ايىنا 690 يۋاننان 820 يۋانعا وسىرىلگەن. وسى رەتكى ەڭ تومەنگى تۇرمىس دەڭگەيىن قامتاماسىزداندىرۋ ولشەمىن جوعارىلاتۋ — پارتيا 18-قۇرىلتايىنان بەرى اۆتونوميالى رايوننىڭ قوعامدىق قۇتقارۋ-كومەكتەسۋدى قامتاماسىز ەتۋ ولشەمىن ءۇرتىس 14-رەت جوعارىلاتۋى ەكەن.
اۆتونوميالى رايوننىڭ قالا، اۋىلدارداعى ەڭ تومەنگى تۇرمىس دەڭگەيىن قامتاماسىزداندىرۋ سياقتى قۇتقارۋ-كومەكتەسۋ، قامتاماسىزداندىرۋ ولشەمىن جوعارىلاتۋ — اۆتونوميالى رايوندىق پارتكوم مەن ۇكىمەتتىڭ باس شۋجي شي جينپيڭنىڭ حالىق ىستەرى قىزمەتى جونىندەگى ماڭىزدى بايىمداۋلارىنىڭ جانە ماڭىزدى نۇسقاۋلارىنىڭ، بەكىتۋلەرىنىڭ رۋحىن دايەكتىلەندىرۋدەگى، تياناقتاندىرۋداعى ماڭىزدى شاراسى، قيىنشىلىعى بار بۇقاراعا كوڭىل ءبولۋدىڭ، قامقورلىق جاساۋدىڭ ءىس جۇزىندىك شاراسى. كوپ جىلدان بەرگى ەڭ تومەنگى تۇرمىس دەڭگەيىن قامتاماسىزداندىرۋ ولشەمىنىڭ جوعارىلاۋى بۇكىل رايونىمىزداعى قيىنشىلىعى بار بۇقاراعا ناقتى تابىس سەزىمىن سيلادى. تاياۋدا، اۆتونوميالى رايوندىق حالىق ىستەرى مەڭگەرمەسى، اۆتونوميالى رايوندىق قازىنا مەڭگەرمەسى حابارلاندىرۋ شىعارىپ، جەر-جەردەن يدەيالىق تانىمدى شىنايى جوعارىلاتىپ، قىزمەتتى تياناقتاندىرۋدى كۇشەيتىپ، قيىنشىلىعى بار قاۋىمدى جاڭا ولشەم بويىنشا دالمە-ءدال تۇراقتاندىرۋ قىزمەتىن ويداعىداي ىستەپ، وسى حالىققا تيىمدىلىك جاساۋ ساياساتىنىڭ قيىنشىلىعى بار بۇقاراعا شىنايى تياناقتانۋىنا كەپىلدىك ەتۋدى تالاپ ەتتى. تولىقتاپ تاراتۋ قىزمەتى 11-ايدىڭ سوڭىنان بۇرىن اقىرلاسادى.
来源：石榴云/新疆日报
编辑：米拉木古丽·穆斯那提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
