قالىڭ ساياحاتشى دوستار:
الدىڭعى مەزگىلدە، ءۇرتىس جاۋعان قالىڭ قاردىڭ ىقپالىنان التاي — قوم تاس جولىن قار باسىپ، جول بەكىتىلدى. قازىر، قاردى تازالاپ جولدى تۇتاستىرۋعا كەپىلدىك ەتۋ مىندەتى جاپپاي ورىندالىپ، قاتىناۋ شارت-جاعدايى ازىرلەنىپ، 2024-جىلى 11-ايدىڭ 29-كۇنىنەن باستاپ قاتىناسى قالپىنا كەلتىرىلدى، قاتىستى ىستەردى تومەندەگىدەي ۇقتىرامىز:
التاي قالاسىنان قوم باعىتىنا قاراي ءبىر باعىتتا قاتىناۋ جانە ۋاقىت كەزەڭىنە، وڭىرگە قاراي قاتىناۋ ۇلگىسى قولدانىلدى. جىڭىشكە قىران تەكسەرۋ پۋنكتىنەن تۇستەن بۇرىن ساعات 11 دەن باستاپ اۆتوكولىك قاتىنايدى، قومعا باراتىن ساياحاتشىلاردىڭ ساعات 13 تەن كەيىن قاتىناۋىنا جول قويىلمايدى، ەكاشا دالالىق قار شاڭعى تەبۋ باقشاسىنا باراتىن ساياحاتشىلاردىڭ ساعات 18 دەن كەيىن قاتىناۋىنا جول قويىلمايدى، ەكاشادان قومعا ساعات 15 تەن كەيىن قاتىناۋعا جول قويىلمايدى.
ەگەر سۇركەيلى اۋا رايى مەن جاراتىلىستىق اپات تۋىلسا، قاتىناس باسقارۋ تاراۋلارى ۋاقىتتىق جولدى تىزگىندەۋ شاراسىن اتقارادى، ناقتى ينفورماتسيا التاي ايماقتىق توعىسپالى مەديا ورتالىعىنا قاراستى شۋەدۋدۋ كليەنتى، التاي ارالىقسىز ءۇنحات الەۋمەتتىك ءنومىرى سياقتى تەكشەلەردە، يۋانشيڭۋاڭ ءۇنحات الەۋمەتتىك ءنومىرى، التاي قاتىناس ساقشىسى ءۇنحات الەۋمەتتىك نومىرىندە جاريالانادى.
حاۋىپسىز قاتىناۋ جاعىندا. ءوز كولىگىمەن ساياحاتتاۋشىلار قىستىق دوڭگەلەك اۋىستىرىلعان ءتورت دوڭگەلەگىنە دە كۇش قوساتىن دالالىق اۆتوكولىكپەن ءجۇرۋى، شوفەردىڭ قار-مۇزدى جولدا كولىك جۇرگىزە الاتىن تاجىريبەسى بولۋى، اۆتوكولىك جاعدايىن دەر كەزىندە تەكسەرۋى، كولىك كىناراتسىز بولۋى كەرەك. التاي — قوم تاس جولىنا كىرۋدەن بۇرىن اۆتوكولىكتى تولىق زاريادتتاپ، ماي تولتىرىپ، ماي (ەلەكتر مولشەرى) جەتىسپەۋدەن ساقتانۋ كەرەك. قاتىناس زاڭ-ەرەجەلەرىنە بويسۇنىپ، حاۋىپسىزدىك بەلبەۋىن تاعىپ، اۆتوكولىكتەردەن حاۋىپسىز ارالىق ساقتاڭىز، اۆتوكولىكتى شۇعىل تورموزداماڭىز، شۇعىل بۇرىلماڭىز، شەكتەۋلى جىلدامدىقتان اسىرماڭىز، ارتىق ادام باسۋعا جانە شارشاپ-شالدىعىپ اۆتوكولىك جۇرگىزۋگە تيىم سالىنادى.
كوڭىل بولەتىن ىستەر: التاي — قوم تاس جولى شەكارا باسقارۋ رايونىندا بولعاندىقتان، قالىڭ شوفەرلەر مەن جۇرگىنشىلەر التاي قالالىق اكىمشىلىك قىزمەت وتەۋ زالىنا، بۋىرشىن اۋداندىق اكىمشىلىك قىزمەت وتەۋ زالىنا الدىن الا بارىپ، شەكارا باسقارۋ رايونىنا كىرۋ جولحاتىن ءبىتىرىپ، التاي — قوم تاس جولىنىڭ شەكارادان كىرىپ-شىعۋدى تەكسەرۋ جانە تىزىمدەۋ قىزمەتىنە ىرىقتىلىقپەن سايكەسۋى كەرەك. التاي — قوم تاس جولىنىڭ تۇتاس لەنياسىنىڭ ۇزىندىعى 209.45 كيلومەتر، جول ۇزاق، كۇن سۋىق، جۇرگىنشىلەر قالىڭ كيىنىڭىزدەر، توڭىپ قالماڭىزدار، جەتەرلىك ازىق-تۇلىك، سۋسىن الىپ جۇرىڭىزدەر.
التاي ايماقتىق قوعام حاۋىپسىزدىگى مەكەمەسى
التاي ايماقتىق قاتىناس-تاسىمال مەكەمەسى
2024-جىلى 11-ايدىڭ 29-كۇنى
来源：阿勒泰地区公安局 阿勒泰地区交通运输局
编辑：米拉木古丽·穆斯那提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
