التايدىڭ اۋىل شارۋاشىلىق ونىمدەرى قاي جەردە دە ءوتىمدى

11-ايدىڭ 22-كۇنى ءتىلشىنىڭ التاي كەدەنىنەن ۇعىسۋىنشا، بيىل 1-ايدان 10-ايعا دەيىن التاي كەدەنىنە قاراستى رايونداعى باقىلاۋ-باسقارۋ كاسىپورىندارى اسقاباق ءدانى، شەكىلدەۋىك سياقتى 9 ءتۇرلى اۋىل شارۋاشىلىق ءونىمىن ەكسپورت ەتىپ، جۇك تاسىمال مولشەرى 11 مىڭ تونناعا جەتىپ، سايكەس مەزگىلدەگىدەن %47.1 ارتقان. وسى ساپالى اۋىل شارۋاشىلىق ونىمدەرى دۇنيە جۇزىندەگى 5 قۇرلىقتاعى 40 نەشە مەملەكەت پەن رايونعا ساتىلعان.

سۋرەتتە: التاي كەدەنىنىڭ قىزمەتكەرلەرى ەكسپورت ەتىلەتىن زاتتى تەكسەرۋدە

اۋىل شارۋاشىلىق ونىمدەرىن ەكسپورت ەتۋدى ىلگەرىلەتۋ جاعىندا، التاي كەدەنى ”كەدەن باستىعى ساياساتتى كاسىپورىنعا جەتكىزۋ“ جانە ”ماسەلەنى اداقتاۋ“ مەحانيزمىنەن تولىق پايدالانىپ، ءتۇيىندى اۋىل شارۋاشىلىق ازىق-تۇلىك ونىمدەرىن ەكسپورت ەتەتىن كاسىپورىندارعا ”ءبىر كاسىپورىنعا ءبىر شارا قولدانۋ، شارانى كاسىپورىنعا جەتكىزۋ“ قىزمەت وتەۋىن جولعا قويىپ، كاسىپورىنداردىڭ قاتىستى ساياساتتىڭ پايداسىن دەركەزىندە تۇسىنۋىنە جانە ودان يگىلىكتەنۋىنە شىنايى كەپىلدىك ەتتى. سونىمەن بىرگە، ەكسپورت ونىمدەرى جونىندە ارناۋلى لەكسيا ۇيىمداستىرىپ، كاسىپورىنداردىڭ ءونىم ساپاسىن جاقسارتىپ، بازارداعى باسەكەلىك قۋاتىن كۇشەيتۋىنە كومەكتەستى.

ەكسپورت ەتىلەتىن اۋىل شارۋاشىلىق ونىمدەرىنىڭ ساپاسىن قامتاماسىزداندىرۋ جاعىندا، التاي كەدەنى اۋىل شارۋاشىلىق ونىمدەرىن ەكسپورت ەتۋدى تۋ باستان باسقارۋدى كۇشەيتىپ، كاسىپورىنداردىڭ ءوندىرىس باسقارۋ ءتارتىبىن ارناعا تۇسىرۋىنە جەتەكشىلىك ەتىپ، ەكسپورت ەتىلەتىن ءاربىر اۋىل شارۋاشىلىق ونىمدەرىنىڭ حالىقارالىق ولشەم مەن قاريدارلاردىڭ تالابىنا ۇيلەسۋىنە كەپىلدىك ەتتى. بۇدان سىرت، ەكسپورت ەتىلەتىن اۋىل شارۋاشىلىق ازىق-تۇلىك ونىمدەرىن تەكسەرۋدىڭ ”جاسىل ارناسىن“ اشىپ، ”بۇلتتا قول قويىپ تاراتۋ“ سياقتى قولايلى شارالارعا سۇيەنىپ، قول قويىپ كۋالىك تاراتۋدى دەر كەزىندە ءبىتىرىپ، كاسىپورىنداردىڭ ەكسپورت كاسىبىندەگى قيىن ماسەلەلەردى شەشۋىنە كومەكتەسىپ، ەكسپورت ەتىلەتىن اۋىل شارۋاشىلىق ازىق-تۇلىك ونىمدەرىنىڭ كەدەننەن جوعارى ونىمدىلىكپەن وتۋىنە دەم بەردى.

ءبىر توپ زاتتىڭ ءساتتى جونەلتىلگەندىگىن كورگەن شينجياڭ شاڭليحۇڭرۇن اۋىل شارۋاشىلىق عىلىم-تەحنيكا شەكتى سەرىكتەستىگىنىڭ باس ديرەكتورى جاۋ يۋان قۋانىشتى بەينەدە بىلاي دەدى: التاي كەدەنى بىزگە كوپتەگەن قولايلى شارالار ازىرلەپ، ۋاقىتتىڭ وزىندىك قۇنىن ۇنەمدەپ، ەكسپورت ونىمدىلىگىن ارتتىرۋىمىزعا مۇمكىندىكتىڭ بارىنشا كومەكتەستى. ونىمدەرىمىزدىڭ ساپاسى جاقسى، كوپشىلىكتىڭ بەرگەن باعاسى دا ايتارلىقتاي بولدى، تاپسىرىس مولشەرى ۇزدىكسىز كوبەيدى. بۇل التاي كەدەنىنىڭ قولداۋى مەن كومەگىنىڭ ارقاسى، ونىمدەرىمىزدىڭ قايدا ەكسپورت ەتىلسە دە ءوتىمدى بولۋىنا مۇمكىندىك جاسادى.

التاي كەدەنىنىڭ ورىنباسار باستىعى گوۋ باۋحۋا بىلاي دەدى: ىشكى قوزعاۋشى كۇش پەن جاڭالىق اشۋ ومىرشەڭدىگىن ۇزدىكسىز قاۋلاتىپ، اۋىل شارۋاشىلىق ونىمدەرىنىڭ الەمگە بەت الۋىنا قۇلشىنىس جاسايمىز. مەملەكەت قاقپاسىن كۇزەتۋ، دامۋدى جەبەۋ مىندەتى مەن بورىشىن باتىلدىقپەن ارقالاپ، زەردەلى كەدەن قۇرىلىسى مەن ”زەردەلى كەدەندە قۋاتتى ەل“ ارەكەتىن ىشكەرىلەي ىلگەرىلەتىپ، سىرتقى ساۋدانىڭ جوعارى ساپالى دامۋىن، جوعارى دەڭگەيدە ەسىك اشۋىن جەبەۋگە نەگىزگى ساتى كەدەنىنىڭ اقىل-پاراساتى مەن كۇش-قۋاتىن ارناپ، اناعۇرلىم كوپ اۋىل شارۋاشىلىق ونىمدەرىنىڭ دۇنيە ءجۇزى ساحناسىنا شىعۋىنا دەم بەرەمىز.