ايماعىمىزداعى تۇڭعىش ”تۇتاس بارىستى ماشينالاندىرۋ جانە جالپىلىق اۋىل شارۋاشىلىعى ىستەرىنە“ قىزمەت وتەۋ ورتالىعى جۋىردا ايماقتىق اۋىل شارۋاشىلىعى قوسىمشا ونىمدەرى جالپىلىق ساۋدا بازارى شەكتى جاۋاپكەرشىلىك سەرىكتەستىگىندە ماڭدايشالىق اشىپ قۇرىلدى. وسى ورتالىق تۇتاس بارىستى ماشينالاندىرۋ جۇمىسى، اۋىل شارۋاشىلىعى ءوندىرىس قۇرال-جابدىقتارىن ءبىرتۇتاس ساتۋ، تەحنيكالىق باۋلۋ، ينفورماتسيالىق كەڭەس بەرۋ، اۋىل شارۋاشىلىعى ونىمدەرىنىڭ ساتىلۋىنا كومەكتەسۋ سياقتى جاقتاردان ديحاندارعا جالپىلىق اۋىل شارۋاشىلىعى ىستەرى بويىنشا ءبىر ورىندا قىزمەت وتەيدى.
قىزمەت وتەۋ ورتالىعىنىڭ ماڭدايشالىعى اشىلعان كۇنى اۋىل شارۋاشىلىعى ماشينالارىن ءوندىرۋ زاۆودتارىنىڭ تەحنيكتەرى جاڭا تۇرپاتتى جاساندى سەرىك جول نۇسقاۋ جۇيەسىنىڭ قولدانىلۋى، كومباين سياقتى اۋىل شارۋاشىلىعى ماشينا-جابدىقتارىمەن جۇمىس جۇرگىزۋدەگى ماڭىزدى تۇيىندەر، ءجيى تۋىلاتىن كىناراتتاردى جويۋ، ماشينا-جابدىقتاردى كۇتىمدەپ جوندەۋ سياقتى مازمۇنداردى ءتۇسىندىردى ءارى جۇمىس جۇرگىزۋ بارىسىن سول جەردىڭ وزىندە كورسەتىپ، كوپشىلىكتىڭ اۋىل شارۋاشىلىعىندا قولدانىلاتىن ماشينا-جابدىقتاردىڭ قولدانىلۋىن، ساپاسىن تىكەلەي كورىپ، بىلۋىنە مۇمكىندىك جاسادى.
قابا اۋدانى حۇيشاڭ بىرلەسكەن سەلبەستىك كووپەراتيۆىنىڭ مۇشەسى ۋاڭ چۋانجوۋ بىلاي دەدى: وسى اراداعى ءتۇرلى ءىرى تۇرپاتتى اۋىل شارۋاشىلىعى ماشينا-جابدىقتارى نەداۋىر وزىق ەكەن، ءبىز سياقتى بۇقارانىڭ ساتىپ الۋىنا قولايلى بولدى، مۇنداعى ماشينا-جابدىقتار بازارداعىدان الدەقايدا ارزان ەكەن.
قازىرگە دەيىن تاينۇڭ قىزمەت وتەۋ ورتالىعى جەر جىرتۋ، تۇقىم ءسىڭىرۋ، باپتاۋ، جيناپ الۋ، قامبالاۋ سياقتى جاقتاردان جالپى بارىستىق قىزمەت وتەپ، تراكتور، كومباين، ۇشقىش اپپارات، تۇقىم سىڭىرگىش سياقتى ءتۇرلى اۋىل شارۋاشىلىعى ماشينا-جابدىقتارىنان 526 سىن رەتتەپ بىرىكتىرىپ ەنگىزدى.
ايماقتىق تاينۇڭ ”تۇتاس بارىستى ماشينالاندىرۋ + جالپىلىق اۋىل شارۋاشىلىعى ىستەرىنە“ قىزمەت وتەۋ ورتالىعىنىڭ مەڭگەرۋشىسى شى گۋاڭلياڭ بىلاي دەدى: ورتالىقتىڭ قۇرىلۋى — ايماعىمىزداعى اۋىل شارۋاشىلىعى ماشينا-جابدىقتارى كاسىپ سالاسىنىڭ جوعارى ساپالى دامۋعا قاراي تيپ جاڭالاۋىن ىلگەرىلەتۋدە، اۋىل شارۋاشىلىعىن ماشينالاندىرۋدىڭ دەڭگەيىن جوعارىلاتۋدا ماڭىزدى مانگە يە. ءبىز وسى ورايدا ايماقتىڭ ەرەكشەلىگىنە ۇيلەسەتىن اۋىل شارۋاشىلىعىن ماشينالاندىرۋدى دامىتۋ جولىن اشىپ، اۋىل شارۋاشىلىعىنىڭ جانە اۋىل-قىستاقتىڭ وسىزاماندانۋىن جۇزەگە اسىرۋعا پارمەندى تىرەك ازىرلەيمىز.
来源：雪都嘟/阿勒泰地区融媒体中心
记者：董世菊
实习记者：刘欢
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
