11-ايدىڭ 23-كۇنىنەن 24-كۇنىنە دەيىن شينجياڭ ۇيعۇر اۆتونوميالى رايوندىق دەنە تاربيە مەكەمەسى باس بولىپ ۇيىمداستىرعان، حوتان ايماقتىق مادەنيەت-دەنە تاربيە، راديو-تەلەۆيزيا جانە ساياحات مەكەمەسى ۇستىنە الىپ وتكىزگەن، اۆتونوميالى رايوندىق قوعامدىق دەنە تاربيە جەتەكشىلەرى قوعامى سەلبەسىپ وتكىزگەن 2024-جىلعى قوعامدىق دەنە تاربيە ايەل جەتەكشىلەرىنىڭ تەحنيكالىق اۋىس-كۇيىس جاساۋ، ونەر كورسەتۋ جينالىسى حوتان قالاسىندا وتكىزىلدى. وسى رەتكى قيمىلعا شينجياڭنىڭ ايماق، وبلىس، قالالارىنداعى قوعامدىق دەنە تاربيە ايەل جەتەكشىلەرىنەن 200 دەن استام ادام قاتىناسىپ، قوعامدىق دەنە تاربيە جەتەكشىلەرى ءتۇزىمى جولعا قويىلعاندىعىنىڭ 30 جىلدىعىن بىرگە قۇتتىقتادى.
وسى رەتكى ونەر كورسەتۋ جينالىسىنىڭ مازمۇنى باي، الۋان ءتۇرلى بولىپ، ول دەنە شىنىقتىرۋ ونەرىن كورسەتۋ، عىلمي دەنە شىنىقتىرۋ، جاڭالىق اشۋ تۇرلەرىن كورسەتۋ، تاڭداۋلى قوعامدىق دەنە تاربيە جەتەكشىلەرىنىڭ حيكاياسى جونىندە ۇگىت-لەكسيا جاساۋ، عىلمي دەنە شىنىقتىرۋعا جەتەكشىلىك ەتىپ تاربيەلەۋ، سونداي-اق جەرگىلىكتى قيمىلدارعا قاتىناسىپ، نەگىزگى ساتى قوسىندارىمەن ىقپالداستىق، اۋىس-كۇيىس جاساۋ قاتارلى بۋىنداردى قامتىدى، كوپ بۋىندى سالىستىرۋ ارقىلى بۇكىل شينجياڭداعى ايماق، وبلىس، قالالاردىڭ قوعامدىق دەنە تاربيە جەتەكشىلەرىنىڭ سەلبەسىپ، ىنتىماقتاسۋ قابىلەتىن سىنادى.
دەنە شىنىقتىرۋ ونەرىن كورسەتۋ بارىسىندا التاي ايماعىنىڭ ۋاكىلدەر ۇيىرمەسىنىڭ بەينەسى كورنەكتى بولىپ، 18 مۇشەدەن قۇرالعان دەنە شىنىقتىرۋ گيمناستيكا، دەنە شىنىقتىرۋ تىنىستىق جاتتىعۋ قوسىنى تارتىمدى ونەر كورسەتۋ جانە ايقىن ەرەكشەلىك ارقىلى باعالاۋ گرۋپپاسىنداعىلاردىڭ القاۋىنا يە بولىپ، عىلمي دەنە شىنىقتىرۋ، جاڭالىق اشۋ، دەنە تاربيە گيمناستيكاسى تۇرىنەن 1-دارەجەلى سيلىققا، ەڭ جاقسى باعدارلاما دايىنداۋ سيلىعىنا، عىلمي دەنە شىنىقتىرۋعا جەتەكشىلىك ەتىپ تاربيەلەۋدە 3-دارەجەلى سيلىققا، عىلمي دەنە شىنىقتىرۋعا جەتەكشىلىك ەتۋ سيلىعىنا يە بولدى، بۇل التاي ايماعىنداعى قوعامدىق دەنە تاربيە جەتەكشى ايەلدەرىنىڭ كاسىپتىك ساپاسى مەن كوللەكتيۆ سەلبەستىك قابىلەتىن تولىق ايگىلەدى.
التاي ايماعىنىڭ ۋاكىلدەر ۇيىرمەسىنىڭ قوعامدىق دەنە تاربيە جەتەكشىسى حان چيڭ بىلاي دەدى: وسى رەتكى قوعامدىق دەنە تاربيە ايەل جەتەكشىلەرىنىڭ تەحنيكالىق اۋىس-كۇيىس، ونەر كورسەتۋ جينالىسى بىزگە باعالى اۋىس-كۇيىس جانە جەتىلۋ تەكشەسىن ازىرلەدى. ءبىز ۇزدىكسىز قۇلشىنىپ، قوعامدىق دەنە تاربيە جەتەكشىلەرىنىڭ رولىن شىنايى ويداعىداي ساۋلەلەندىرىپ، اسقاق رۋحاني بەينەمەن بۇقارانى دەنە شىنىقتىرۋ قيمىلىن وتكىزۋگە بەلسەنە جەتەلەيمىز.
جاقىنعى جىلداردان بەرى، التاي ايماعى جالپى حالىقتىق دەنە شىنىقتىرۋعا قاتىناسۋ مولشەرى مەن قامتۋ كولەمىن ارتتىرۋعا كۇش سالىپ، جالپى حالىقتى دەنە شىنىقتىرۋ قيمىلىنا كەڭ كولەمدە ات سالىسۋعا شابىتتاندىرىپ، بۇقارانىڭ دەنە تاربيەمەن شۇعىلدانىپ، دەنە شىنىقتىرۋ تانىمىن ءونىمدى تەرەڭدەتىپ، جالپى حالىقتىق دەنە شىنىقتىرۋ ىستەرىنىڭ قارىشتاپ دامۋىن اناعۇرلىم ىلگەرىلەتتى.
来源：雪都嘟/阿勒泰地区融媒体中心
记者：董世菊
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
