الاۋ ىنتىماقتىڭ كۇشىن جالعادى

گۇلميرا جەمەنەي اۋدانى جەمەنەي قالاشىعى شارىقتى قىستاعى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى. بيىل 39 جاستاعى ول قىزمەتتى شوگەلدىلىكپەن ىستەپ، قىستاق تۇرعىندارىن اۋقاتتانۋعا باستادى ءارى بيىل ”مەملەكەتتىك ۇلتتار ىنتىماعى العاباسارلىعىنداعى ۇلگىلى جەكە“ اتاعىن الدى. بۇل داڭق ونىڭ قىزمەتىنە عانا بەرىلگەن باعا ەمەس، ونىڭ ۇلتتار ىنتىماعى ىستەرى ءۇشىن ۇزاق ۋاقىت توككەن تەرىنىڭ جەمىسى. بيىل 11-ايدا ول از ۇلتتاردىڭ مەملەكەتتىك 12-كەزەكتى ءداستۇرلى سپورت جارىسىنىڭ اتقارۋشى قىزمەت كوميتەتى جاعىنان باستالۋ سالتىنداعى الاۋ تۇتاندىرۋ بۋىنىندا الاۋ جالعاۋشى بولۋعا تاڭدالدى.

باستالۋ سالتىندا الاۋ جالعاۋ جالپى باستالۋ مۇراسىمىندەگى ماڭىزدى بۋىنداردىڭ ءبىرى بولعاندىقتان، بارلىق ادامنىڭ نازارىن اۋداردى. گۇلميرا 3-گرۋپپاداعى الاۋشى بولعاندىقتان، الاۋ جەتكىزۋ ۋاقىتى ءبىرقانشا مينۋت بولسا دا، وزىنە جۇكتەلگەن مىندەتتىڭ ماڭىزدىلىعىن جەتە تانىدى. گۇلميرا بىلاي دەدى: مەنىڭ جەتكىزگەنىم وت ۇشقىنى عانا ەمەس، ۇلتتار ىنتىماعىنىڭ ۇشقىنى، وسى ىنتىماق ۇشقىنىنىڭ جارىسقا قاتىناسۋشىلارعا تابىس سيلاۋىن، ولاردىڭ جارىستا ونەرلەرىن كورسەتىپ، جاقسى ناتيجە جاراتۋىن ءۇمىت ەتەمىن.

گۇلميرا شارىقتى قىستاعىندا تۋىپ-ءوستى، اكەسى سىرتتا ساۋدا ىستەپ ءجۇرىپ ءار ۇلتتان دوس تاپتى. سوندىقتان، گۇلميرا قارشادايىنان ۇلتتار ىنتىماعى جونىندە تەرەڭ تۇسىنىككە يە بولدى. مەكتەپتە وقىپ جۇرگەن كەزىندە ونىڭ يدەياسى العا باسار، مىنەزى اشىق-جارقىن بولىپ، ءار ۇلت بالالارىمەن دوستاسىپ، ءتۇرلى قيمىلدارعا بىرگە قاتىناستى. قىزمەتكە قاتىناسقاننان كەيىن ول ۇلتتار ىنتىماعى ۇستانىمىن كۇندەلىكتى تۇرمىسپەن توعىستىرىپ، قىستاق تۇرعىندارىن ەرەكشە كاسىپتەردى دامىتۋعا بەلسەنە جەتەلەپ، قىستاق كوللەكتيۆى مەن بۇقارانىڭ ەكونوميكالىق كىرىسىن ارتتىرىپ، بۇقارانىڭ سەنىمىنە يە بولدى.

وسى رەتكى حاينانداعى ساپارىندا گۇلميرا قويۋ دەنەتاربيە رايىن سەزىنۋمەن بىرگە، اۋىلداستارىن دا ەسىنەن شىعارمادى. ول بىلاي دەدى: بىرنەشە كۇننەن بەرى، قىستاق تۇرعىندارىنىڭ قۇتتى بولسىن ايتقان تەلەفونىن الىپ، ايرىقشا تەبىرەندىم. اۋىلىمنان كەلگەن وسى قولداۋ مەن قامقورلىقتى قوزعاۋشى كۇشكە اينالدىرىپ، سپورتتىڭ ۇشقىنىن، ىنتىماقتىڭ ۇشقىنىن اۋىلىمداعى ءتىپتى دە كوپ ادامعا جەتكىزەمىن.

سول كۇنى گۇلميرانىڭ تۋىس-تۋعان، دوس-جاراندارى جانە شارىقتى قىستاعىنىڭ تۇرعىندارى ونى تەلەۆيزوردان كورىپ، وعان جىگەر بەردى. جەمەنەي اۋداندىق بازاردى باقىلاۋ-باسقارۋ مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى يۇي جياۋجياۋ بىلاي دەدى: گۇلميرا ءۇشىن قۋانامىن ءارى ونى ماقتانىش سانايمىن، سونداي-اق شينجياڭ ۋاكىلدەر ۇيىرمەسىندەگى دەنەتاربيە ساڭلاقتارىنا دەم بەرەمىن، ولاردىڭ جارىس الاڭىندا شينجياڭ پەرزەنتتەرىنىڭ ەرلىكپەن العا ۇمتىلعان اسقاق بەينەسىن تولىق ايگىلەۋىن ءۇمىت ەتەمىن.

ۇعىسۋعا قاراعاندا، از ۇلتتاردىڭ مەملەكەتتىك 12-كەزەكتى ءداستۇرلى سپورت جارىسىنىڭ نەگىزگى تاقىرىبى: ىنتىماقتاسا كۇرەس جاساپ، جەلكەن جايىپ ساپارعا اتتانۋ ەكەن. بۇل رەتكى جارىستا جيىنى 131 الاۋشى ورنالاستىرىلعان (الاۋ تۇتاندىرۋ سالتىندا 12، ناق مايداندا الاۋ جەتكىزۋگە 107، اشىلۋ سالتىندا 12 ادام ورنالاستىرىلعان). بۇل ”56 ۇلتتىڭ ۇيىسۋى جۇڭحۋا ۇلتىنىڭ ورتاق تۇلعاسى، جۇڭحۋا ۇلاندارى جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعىن بىرگە قۇتتىقتايدى“ دەگەن ماعىنانى بىلدىرەدى ەكەن. شينجياڭنان 3 ادام الاۋ جالعاۋعا ۇسىنىس ەتىلىپ، مۇنىڭ ىشىندە التاي ايماعىنان ءبىر ادام قاتىناسقان.