”قازىر ساتىپ العان ءۇيدىڭ العاشقى سوماسىن تۇرعىن ءۇي الەۋمەتتىك قورىنان تولەۋگە بولاتىن بولدى، بۇل ايرىقشا قولايلى بولدى“. بىرنەشە كۇننىڭ الدىندا، التاي قالاسىنىڭ تۇرعىنى بەگزات يزاتقان ۇلى ايماقتىق تۇرعىن ءۇي الەۋمەتتىك قورىن باسقارۋ ورتالىعىنا قاتىستى ءوتىنىش ماتەريالىن تاپسىردى. قىزمەتكەرلەردىڭ مۇقيات تەكسەرۋى ارقىلى بەگزاتتىڭ ءوتىنىشى سول كۇنى بەكىتىلدى، ياعني تۇرعىن ءۇي الەۋمەتتىك قورى ساتىپ العان ءۇيدىڭ العاشقى سوماسى رەتىندە بەلگىلەنگەن ەسەپ نومىرىنە جوتكەلدى. ول تەبىرەنە بىلاي دەدى: بۇل ساياسات تۇرعىن ءۇي الەۋمەتتىك قورىن ىستەتۋگە قولايلى بولىپ قالماستان، ءۇي ساتىپ الۋشىلاردىڭ قارجى اۋىرتپالىعىن دا جەڭىلدەتتى.
ۇعىسۋعا قاراعاندا، التاي ايماقتىق تۇرعىن ءۇي الەۋمەتتىك قورىن باسقارۋ ورتالىعى مەملەكەتتىڭ قورا-جاي بازارىنىڭ اقاۋسىز دامۋى جونىندەگى ساياساتتىق تالاپتارىنا بەلسەنە ءۇن قوسىپ، جەرگىلىكتى ورىننىڭ ءىس جۇزىندىك جاعدايىمەن ۇشتاستىرىپ، بۇقارا تۇرعىن ءۇي ساتىپ العاندا، تۇرعىن ءۇي الەۋمەتتىك قورىن شىعارىپ الىپ، ءۇيدىڭ العاشقى سوماسىن تاپسىرۋدى ءارى العاشقى سومانىڭ سالىستىرماسى ەڭ تومەن بولعاندا %20 كە جەتۋ جاڭا ساياساتىن جولعا قويعان.
قالىپتى كاسىپتىك شارتتاردان سىرت، تاۋار ءۇي ساتىپ العاندا، ءسوزسىز، قورا-جاي اشۋ ساۋداگەرلەرىنىڭ الدىن الا ساتۋ قارجىسىن باقىلاۋ-باسقارۋ ەسەپ انىقتاماسى قاجەت(ءۇي ساتىپ الۋ توقتامىندا انىق جازىلعاندارىن بەرۋدىڭ قاجەتى جوق)، وتكەرمەلەنگەن ءۇي ساتىپ العاندا، ءسوزسىز، ءۇي ساتقان ادامنىڭ بانكە كارتوچكاسى بولۋ كەرەك. سونىمەن بىرگە، كەلىسىم باجىسىنىڭ باجى تولەۋ تالونى نەمەسە ءۇي ساتىپ الۋ ارتقان قۇن باجىسىنىڭ تالونى قاجەت. شىعارىپ العان قارجىنى تىكەلەي اشۋ ساۋداگەرلەرىنىڭ الدىن الا ساتۋ قارجىسىن باقىلاۋ-باسقارۋ ەسەپ نومىرىنە نەمەسە ءۇي ساتقان ادامنىڭ ەسەپ نومىرىنە اۋدارۋ قاجەت، ءوزىنىڭ جەكە ەسەبىنە اۋدارۋعا ءوتىنىش بەرۋىنە بولمايدى.
ساناققا قاراعاندا، بيىل 1-ايدان 11-ايعا دەيىن، تۇتاس ايماقتا شىعارىپ الىنعان تۇرعىن ءۇي الەۋمەتتىك قورى 307 مىڭ رەت بولىپ، سوماسى ءبىر ميلليارد 397 ميلليون يۋانعا جەتىپ، تۇتاس جىلدىق جوسپاردىڭ (ءبىر ميلليارد 200 ميلليون يۋان) %116.42 ى ورىندالعان.
”بۇدان بىلاي ءبىز قورا-جاي بازارىنىڭ اۋقىمى مەن بۇقارانىڭ قاجەتىنە جالعاستى نازار اۋدارىپ، اناعۇرلىم كوپ بۇقارانىڭ قورا-جاي مەن تۇرعىن ءۇي الەۋمەتتىك قورى تيىمدىلىك ساياساتىنان يگىلىكتەنۋىنە مۇمكىندىك جاسايمىز“،-دەدى التاي ايماقتىق تۇرعىن ءۇي الەۋمەتتىك قورىن باسقارۋ ورتالىعى التاي قالالىق باسقارۋ ءبولىمىنىڭ ورىنباسار مەڭگەرۋشىسى اسىعات تولەۋقان ۇلى.
来源：雪都嘟/阿勒泰地区融媒体中心
记者：古扎丽·阿布都热西提
通讯员：李梦婷
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
