گاۋ جىدان التايدا تەكسەرۋ-زەرتتەۋ جۇرگىزدى

11-يدىڭ 24-، 25-كۇندەرى مەملەكەتتىك دەنە تاربيە باس مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى گاۋ جىدان قاتارلىلار التاي ايماعىنا كەلىپ تەكسەرۋ-زەرتتەۋ جۇرگىزدى. ول مىنانى باسا دارىپتەدى: باس شۋجي شي جينپيڭنىڭ ”قارلى دالا، مۇزدى القاپ تا باعالى بايلىق“ سىندى دامۋ ۇستانىمىن ىشكەرىلەي دايەكتىلەندىرىپ، «مەملەكەتتىك كەڭەس كەڭسەسىنىڭ قار-مۇز سپورتىنىڭ جوعارى ساپالى دامۋى ارقىلى قار-مۇز ەكونوميكاسىنىڭ ومىرشەڭدىگىن قاۋلاتۋ جونىندەگى ءبىرقانشا پىكىرىنىڭ» رۋحى بويىنشا قار-مۇز سپورتى ارقىلى قار-مۇز ەكونوميكاسىنىڭ دامۋىنا تۇرتكى بولۋدىڭ كەلەلى ءمانىن تەرەڭ ءتۇسىنىپ، ورايدى مىقتى يگەرىپ، قولايلى ساتتەن پايدالانىپ العا ىلگەرىلەپ، قار-مۇز سپورتى، قار-مۇز جابدىقتارى، قار-مۇز مادەنيەتى، قار-مۇز ساياحاتى تۇتاس كاسىپ تىزبەگىنىڭ دامۋىن ىلگەرىلەتىپ، قار-مۇز ەكونوميكاسىنىڭ جاڭا ارتۋ تۇيىنىنە اينالۋىن جەبەۋ كەرەك.

مەملەكەتتىك دەنەتاربيە باس مەكەمەسى كەڭسەسىنىڭ مەڭگەرۋشىسى شۇي شياڭحۇڭ، دەنەتاربيە ەكونوميكا مەكەمەسىنىڭ باستىعى ياڭ شۋەدۇڭ، قىسقى سپورت ورتالىعىنىڭ ورىنباسار مەڭگەرۋشىسى ۋاڭ چۇنلۋ تەكسەرۋ-زەرتتەۋگە قاتىناستى. اۆتونوميالى رايوندىق حالىق ۇكىمەتىنىڭ ورىنباسار ءتوراعاسى مۇقيات جارمۇقامەت ۇلى، اۆتونوميالى رايوندىق دەنەتاربيە مەكەمەسى پارتيا باسشىلىق گرۋپپاسىنىڭ شۋجيى شاڭ حۇڭبو، التاي ايماقتىق پارتكومنىڭ شۋجيى شيە شاۋدي، ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى جەڭىس قادىس ۇلى ايىرىم-ايىرىم تەكسەرۋ-زەرتتەۋدە بىرگە بولدى.

11-ايدىڭ 24-كۇنى گاۋ جىدان قاتارلىلار قومداعى جىكبەلەڭ حالىقارالىق قار شاڭعى دەمالىس رايونىندا جانە قوم بايىرعى قىستاعىندا تەكسەرۋ-زەرتتەۋ جۇرگىزدى. ول مىنالاردى اتاپ كورسەتتى: التاي ايماعىنىڭ قار-مۇز بايلىعى ايرىقشا مول بولىپ، قار-مۇز ساياحاتىنىڭ سالتاناتىن ۇزدىكسىز اسىرۋعا، قار-مۇز سپورتىن ورىستەتۋگە، قار-مۇز مادەنيەتىن اسقاقتاتۋعا تاماشا نەگىزدىك شارت-جاعداي ازىرلەنگەن، قار-مۇز ەكونوميكاسى كاسىپ تىزبەگى ۇزىن بولۋ، جەتەلەۋ اسەرى كۇشتى بولۋ، قوعامدىق ونىمدىلىگى جوعارى بولۋ سىندى ەرەكشەلىككە يە. سوندىقتان، التاي جەرگىلىكتى جاعدايعا قاراي ”قار-مۇز بايلىعىنان“ پايدالانىپ، ”ەكونوميكالىق ونىمدىلىكتى“ قاۋلاتۋ كەرەك.

جاس وسپىرىمدەر قار-مۇز سپورتىن دامىتۋداعى نەگىز جانە ونى جالعاستىرۋشىلار سانالادى. التاي كاسىپتىك تەحنيكا شۋەيۋانى ”قار-مۇز“، ”ساياحات“ كاسىبى وقىتۋىن ەرەكشەلىك ەتكەن ادەتتەگى جوعارى دارەجەلى كاسىپتىك مەكتەپ. 11-ايدىڭ 25-كۇنى گاۋ جىدان قاتارلىلار التاي كاسىپتىك تەحنيكا شۋەيۋانىنىڭ قار-مۇز سپورتىنىڭ جاتتىعۋ بازاسىنا بارىپ، قار-مۇز سپورتى جابدىقتارىنىڭ كۇتىمدەلۋى مەن قورعالۋى، ۇقساتپالى مۇز الاڭى، مۇز شاۋگىم سىرعاناتۋ قاتارلى 7 ءتۇرلى قار- مۇز سپورتى جاتتىعۋ بولمەسىن ءبىر-بىرلەپ كوزدەن كەشىرىپ، وقىتۋشىلارمەن، جۇمىسشى-قىزمەتكەرلەرمەن، وقۋشىلارمەن ىشكەرىلەي پىكىرلەسىپ، شۋەيۋاننىڭ قار-مۇز ەرەكشەلىگىندەگى ساباقتارىنىڭ جوبالانۋى، الاڭ قۇرىلعىلارى قۇرىلىسى، كاسىپتىك وقىتۋشىلاردى جەتىلدىرۋ جاقتارىنداعى امالياتى مەن ىزدەنىسىن ەگجەي-تەگجەيلى ۇعىسىپ، التاي ايماعىنىڭ دەنە تاربيە داشۋەسىن قۇرۋ قىزمەتىنىڭ ورىستەتىلۋ جاعدايىن تىڭداپ، التاي ايماعىنىڭ مادەنيەت-دەنە تاربيە سپورتى جاقتارىنداعى نەگىزىن تولىق تۇراقتاندىردى. ول مىنالاردى باسا دارىپتەدى: التايدىڭ ابزال قار-مۇز كليماتىنان جانە الاڭدارىنان ويداعىداي پايدالانىپ، وقىتۋ جوسپارىن عىلمي جاساپ، جاتتىقتىرۋدى عىلمي جۇرگىزىپ، دارىندىلاردى باۋلۋ ۇلگىسىن تەرەڭدەتىپ، ءتىپتى دە كوپ قار-مۇز سپورتى دارىندىلارىن قۇلشىنا جەتىلدىرۋ قاجەت.

”التاي ادامزاتتىڭ قار شاڭعى مەكەنى“، ”جۇڭگوداعى قارلى مەكەن“ بولىپ، قار-مۇز بايلىعى مول، ابزالدىلىعى ايرىقشا كورنەكتى. 11-ايدىڭ 25-كۇنى التاي قالا رايونىنداعى گەنەرال تاۋى حالىقارالىق قار شاڭعى دەمالىس رايونىندا ادامدار قايشالىسىپ، ەلىمىزدىڭ جەر-جەرىنەن كەلگەن قار شاڭعى اۋەسكەرلەرى قار شاڭعىمەن ەمىن-ەركىن قۇيعىتىپ جۇرگەنىن كورگەن گاۋ جىدان قار شاڭعى جولىنا بارىپ، قار-مۇز كاسىبىن دامىتۋ جوباسى، قار شاڭعى الاڭىنىڭ اينالىمعا سالۋ، دەمالىس رايونىن قۇرۋ، قار-مۇز ەكونوميكاسىنىڭ دامۋى قاتارلى جاعدايلاردى ۇعىستى. ول مىنالاردى باسا دارىپتەدى: قار-مۇز — التايدىڭ باعالى جاراتىلىستىق بايلىعى ءارى كومەسكى كۇشكە يە ەكونوميكالىق بايلىعى سانالادى. ”قارلى دالا، مۇزدى القاپ تا باعالى بايلىق“ ۇستانىمىن بەرىك ورناتىپ، قار-مۇز ساياحاتىن قارىشتاپ دامىتۋ نىساناسىنان كوز جازباي، جاڭا قار ماۋسىمىنداعى ساياحات ونىمدەرى كاسىپ كۇيىمەن قامداۋدى ءۇرتىس مولايتىپ، قاتىناس قاتارلى نەگىزدىك قۇرىلعىلاردى كەمەلدەندىرىپ، قار شاڭعى الاڭىنىڭ تۇلعالىق ساپاسىن ءتىپتى دە جاقسارتىپ، ساياحاتتاۋ، كوڭىل اشۋ ورتاسىن ۇزدىكسىز كەمەلدەندىرىپ، جۇڭگوداعى ساياحاتتىڭ ەڭ تاماشا كوزەۋلى جەرىن، دۇنيە ءجۇزى قار-مۇز سپورتىنىڭ كوزەۋلى جەرىن كۇش سالا قالىپتاستىرۋ كەرەك.