قار شاڭعى الاڭىنىڭ ءورت ءسوندىرۋ، ورتتەن ساقتانۋ حاۋىپسىزدىگىن قامتاماسىزداندىرۋ قىزمەتىن جاپپاي جاقسى ىستەۋ ءۇشىن، جۋىردا، التاي قالالىق ءورت ءسوندىرۋ، ورتتەن ساقتانۋ، قۇتقارۋ-كومەكتەسۋ ۇلكەن اترەتى گەنەرال تاۋى حالىقارالىق قار شاڭعى دەمالىس رايونىندا ءورت ءسوندىرۋ، ورتتەن ساقتانۋعا قاتىستى وزگەشە كۋرس قيمىلىن وتكىزدى. وسى رەتكى قيمىل قار شاڭعى الاڭىنداعى قىزمەتكەرلەردى، توڭىرەكتەگى قوناق ءۇي قىزمەتكەرلەرىن، حالىقتىق قونالقىداعى قىزمەتكەرلەردى، سونداي-اق ءار سالاداعى قىزمەتكەرلەردى بەلسەنە ات سالىسۋعا باۋراپ، قىسقى ساياحات كەزىندەگى ءورت ءسوندىرۋ، ورتتەن ساقتانۋ حاۋىپسىزدىك قورعانىس شەبىن بەكەمدەدى.
قيمىل الاڭىندا ءورت ءسوندىرۋ، ورتتەن ساقتانۋ قىزمەتكەرلەرى زەيىن سىناۋ، باستان كەشىرۋ، قاتىناسۋ قاتارلى كوپتەگەن ىقپالداستىق نىساندارىن دەن قويا جوبالاپ، ءورت ءسوندىرۋ، ورتتەن ساقتانۋ بىلىمدەرىن اناعۇرلىم جاندى، قىزىقتى تاسىلمەن جۇرت جۇرەگىنە تەرەڭ ۇيالاتتى. ءورت سوندىرۋشىلەردىڭ كيىمىن كيىپ كورۋ بۋىنىندا ءورت سوندىرۋشىلەر بۇل كيىمدى قايتكەندە تەز، دۇرىس كيۋگە بولاتىندىعىن ەگجەي-تەگجەيلى ءتۇسىندىردى جانە كيىپ كورسەتتى. قاتىناسۋشىلار كيىپ كورۋگە اسا قىزعىندىلىق تانىتىپ، قاتارعا تۇردى. ءورت سوندىرۋشىلەردىڭ جەتەكشىلىگىندە ءورت سوندىرۋشىلەردىڭ كيىمىن تەز ارادا كيگەندەردىڭ جۇزىنەن قۋانىش لەبى ەستى، كەيبىرەۋلەر كيە الماي ساسقالاقتادى. كوڭىلدى ورتادا كوپشىلىك ءورت سوندىرۋشىلەردىڭ كۇندەلىكتى قىزمەتىنىڭ ماشاقاتى مەن قيىندىعىن تەرەڭ سەزىندى.
كۇش جالعاپ ءورت ءسوندىرۋ جارىسى بۋىنىندا قيمىل جوعارى ورلەۋگە كوتەرىلدى. جارىسقا قاتىناسۋشىلار بىرنەشە گرۋپپاعا ءبولىندى، ءاربىر گرۋپپاداعى مۇشەلەر قولىنا ءورت ءسوندىرۋ جابدىعىن الىپ، بەلگىلەنگەن ورىنعا قاراي تەز جۇگىرىپ، ءورت ءسوندىرۋ ارەكەتىن ەلىكتەپ كورسەتتى. اق ءتۇستى ءورت سوندىرگىشتى ءورت قاينارىنا بۇركۋ ەلىكتەمەلى جارىسىندا ”قايراتتان“ دەپ ايقايلاعان داۋىستار كوتەرىلدى. وسى جارىس ارقىلى كوپشىلىك ءورت سوندىرگىشتى پايدالانۋ ادىسىنە قانىق بولىپ قالماستان، كوللەكتيۆتىڭ سەلبەسۋى مەن شۇعىل جاعدايعا توتەپ بەرۋ، ءبىر جاقتىلى ەتۋ ورەسىن جوعارىلاتتى.
ءورت ءسوندىرۋ، ورتتەن ساقتانۋ بىلىمدەرىنەن زەيىن سىناۋ بۋىنى باسەكەگە تولى بولدى. ءورت ءسوندىرۋشىلەر ءورت اپاتىنان ساقتانۋ، جان ساۋعالاۋ شەبەرلىگى، ءورت ءسوندىرۋ اسپاپتارىن پايدالانۋ قاتارلى جاقتارداعى سۇراقتاردى ورتاعا قويعاندا، كوپشىلىك تالاسا-تارماسا جاۋاپ قايتارىپ، ناق مايدان دۋمانعا بولەندى.
گەنەرال تاۋى حالىقارالىق قار شاڭعى دەمالىس رايونى حاۋىپسىزدىك، ءورت ءسوندىرۋ ءبولىمىنىڭ قىزمەتكەرى قۇشتار جاناربەك ۇلى بىلاي دەدى: وسى رەتكى ءورت ءسوندىرۋ، ورتتەن ساقتانۋ كۋرسى تارتىمدى ءارى ءونىمدى بولدى. بۇدان كەيىنگى قىزمەت جانە تۇرمىس بارىسىندا ءورت ءسوندىرۋ، ورتتەن ساقتانۋ حاۋىپسىزدىگىنە ءار كەز كوڭىل ءبولىپ، ءورت اپاتىنىڭ تۋىلۋىنان مۇقيات ساقتانامىن.
来源：雪都嘟/阿勒泰地区融媒体中心
记者:董世菊 实习记者:刘欢
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
