ايماقتىق اكىمشىلىك مەكەمەسى ۇنەمىلىك ىستەر ءماجىلىسىن اشتى

11-ايدىڭ 25-كۇنى ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى جەڭىس قادىس ۇلى ايماقتىق اكىمشىلىك مەكەمەسىنىڭ 2024-جىلعى 24-رەتكى ۇنەمىلىك ىستەر ءماجىلىسىن باسقارىپ اشىپ، باس شۋجي شي جينپيڭنىڭ جۋىقتان بەرگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن جەتكىزدى، ۇيرەندى، كەن ونىمدەرى بايلىعىن بارلاۋ، اشۋ جانە ايماقتىق مادەنيەت سارايى، كىتاپحانا قۇرىلىسى قاتارلى قىزمەتتەردى اقىلداستى.

ماجىلىستە مىنالار اتاپ كورسەتىلدى: باس شۋجي شي جينپيڭنىڭ 2024-جىلعى دۇنيە جۇزىلىك ينتەرنەت جينالىسى ۋجىن باسشىلار ءماجىلىسىنىڭ اشىلعاندىعىن بەينە ەكراندا قۇتتىقتاعان كەزدەگى ماڭىزدى نۇسقاۋىنىڭ رۋحى سيفرلى توڭكەرىستىڭ دامۋ بەتالىسىنا قاراتقان دالمە-ءدال كورەگەندىگىن ەگجەي-تەگجەيلى ايگىلەدى. سيفرلانۋ، توراپتانۋ، زەردەلىلەنۋ سىندى دامۋ جولىن مىقتى يگەرىپ، سيفرلى ەكونوميكانى جەدەل دامىتىپ، ”شينفۋبان“، ”باڭدايبان“، ”+12345“، ”ارىز-ارماندى قابىلداي سالىسىمەن ءبىتىرۋ“ دانەكەرلەرىنەن، تۇعىرلارىنان ويداعىداي پايدالانىپ، سيفرلى باسقارۋدىڭ قاتتى بولشەكتىك نەگىزىن بەكەمدەۋ كەرەك. سيفرلى جاعداي قۇرىلىسىن كۇشەيتىپ، سيفرلى ساياحات، سيفرلى قاتىناس، سيفرلى ەمدەۋ قاتارلى الۋان ءتۇرلى تۇرمىس جاعدايى جونىندە بەلسەنە ىزدەنىس جاساپ، سيفرلى تۇعىرلاردىڭ جوعارى ساتىعا، دارەجەگە كوتەرىلۋىن قولداپ، جەلىدەگى تۇعىرلاردىڭ جەلىدەن تىسقارى تۇرمىسقا قىزمەت وتەۋگە قاراي كەڭەيۋىن ىلگەرىلەتىپ، سيفرلى ەكونوميكانىڭ اقاۋسىز دامۋىن كۇش سالا ىلگەرىلەتۋ قاجەت.

ماجىلىستە مىنالار باسا دارىپتەلدى: جاڭا كەزەكتى كەن ىزدەۋدە تىڭ تابىسقا جەتۋ ستراتەگيالىق ارەكەتى — باس شۋجي شي جينپيڭنىڭ مەملەكەتتىڭ ەنەرگيا بايلىعى حاۋىپسىزدىگىن قامتاماسىز ەتۋ جونىندەگى ماڭىزدى نۇسقاۋلارىن، بەكىتۋلەرىن ىشكەرىلەي دايەكتىلەندىرۋ، تياناقتاندىرۋداعى ناقتى ارەكەت. نازاردى ءتۇيىندى كەن ونىمدەرى بايلىعىنا شوعىرلاندىرىپ، ”بايلىق بارلاۋدان بايلىق اشۋعا بۇرىلىس جاساۋدى“ جەدەل ىلگەرىلەتىپ، بايلىقتى كاسىپ سالاسىنا قۇلشىنا اينالدىرۋ ارقىلى كەن ونىمدەر بايلىعىنان تىرشىلىك تىنىسى مەن ومىرشەڭ كۇش قاۋلاتۋ قاجەت. ”قورشاپ العانىمەن بارلاماۋدى“ ارناۋلى رەتتەۋ-جونگە سالۋ جەتىستىگىن بەكەمدەپ، كەن ۇقىعىن تىڭنان ورناتۋ، وزگەرتۋ، جالعاستىرۋ، وتكەرمەلەۋ قىزمەتىن زاڭ-ەرەجە بويىنشا ويداعىداي ىستەپ، كەن ونىمدەرى بايلىعىن باسقارۋ دەڭگەيىن جوعارىلاتۋ كەرەك.

ماجىلىستە مىنالار باسا دارىپتەلدى: ايماقتىق مادەنيەت سارايى، كىتاپحانا قۇرىلىسىن ىلگەرىلەتۋ — شي جينپيڭنىڭ مادەنيەت يدەياسىن، سونداي-اق باس شۋجي شي جينپيڭنىڭ دەنە تاربيە قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن ىشكەرىلەي دايەكتىلەندىرىپ، تياناقتاندىرۋداعى ناقتى اماليات، شينجياڭدى مادەنيەتپەن نارلەندىرۋدى ىشكەرىلەي اتقارۋداعى ماڭىزدى شارا، وسىزامانعى مادەنيەت جاعىندا الەۋمەتتىك قىزمەت وتەۋ جۇيەسىن تۇلعالاۋدا ايرىقشا ماڭىزدى مانگە يە. حالىقتى وزەك ەتكەن دامۋ يدەياسىنا باستان-اياق تاباندى بولىپ، ايماقتىق مادەنيەت سارايىن، كىتاپحانانى جوعارى ساپامەن، جوعارى ولشەممەن ويداعىداي قۇرىپ، ساياحاتشىلار مەن ءار ۇلت بۇقاراسىنىڭ رۋحاني مادەنيەت سۇرانىسىن اناعۇرلىم ويداعىداي قاناعاتتاندىرىپ، ءار ۇلت بۇقاراسىنىڭ تابىس سەزىمىن، باقىت سەزىمىن ۇزدىكسىز كۇشەيتىپ، ايماقتىڭ مادەنيەت-ساياحات ىستەرىنىڭ جوعارى ساپالى دامۋىن كۇش سالا ىلگەرىلەتۋ كەرەك.

ۋاڭ يۇن قاتارلى ايماقتىق اكىمشىلىك مەكەمەسىنىڭ قىزمەت ورنىندا بار باسشىلارى ماجىلىسكە قاتىناستى، ايماقتىق اكىمشىلىك مەكەمەسىنىڭ ورىنباسار باس حاتشىسىلارى، سونداي-اق قاتىستى تاراۋلار مەن ورىندارداعى جاۋاپتى جولداستار ماجىلىسكە سىرتتاي قاتىناستى.