11-ايدىڭ 22-كۇنى ءتىلشى التاي شينحۋا كىتاپحاناسى شەكتى جاۋاپكەرشىلىك سەرىكتەستىگىنىڭ مادەنيەت جاسامپازدىعى كورمە ءوڭىرىنىڭ ەرەكشە دۋماندى ەكەندىگىن، قىزمەتكەرلەردىڭ ”قار قۇبىجىعى الى“ جەلىلەس قۋىرشاعى، ”كورىكتى التاي“ جەلىلەس توڭازىتقىش جاپسىرماسى، ”التاي قار شاڭعى الاڭى“ جەلىلەس ماگنيتتى زناگى قاتارلىلاردى جاڭالاپ، تولىقتاپ جاتقاندىعىن كوردى.
80 نەن استام مادەنيەت جاسامپازدىعى ونىمدەرى كوزدىڭ جاۋىن الادى. 2-قاباتتاعى التاي جەرگىلىكتى كىتاپتارى سورەسى جانە وقۋ ورنى قالا تۇرعىندارىن، ساياحاتشىلاردى مول مادەنيەتپەن قامدادى.
قىسقى ساياحاتتىڭ قىزۋ ورلەۋىنە ساي، التاي مادەنيەت جاسامپازدىعى ونىمدەرى بازارى جاڭا دامۋ ورايىن قارسى الدى. جەرگىلىكتى ەرەكشەلىككە يە مادەنيەت پەن وسىزامانعى جاسامپازدىقتى توعىستىرعان ءبىر قىدىرۋ مادەنيەت ونىمدەرى جارىققا شىعىپ، قالا تۇرعىندارىن باۋراپ قالماستان، ساياحاتشىلاردىڭ قارسى الۋىنا يە بولدى.
التاي شينحۋا كىتاپحاناسى شەكتى سەرىكتەستىگىنىڭ تيجارات قىزمەتكەرى حان يۇيشيڭ بىلاي دەدى: سەرىكتەستىگىمىز 10-ايدا مادەنيەت جاسامپازدىعى سورەسىن قۇرعاننان بەرى، ساتۋ سوماسى بىرتىندەپ ارتتى. بۇدان بىلاي ءبىز جەرگىلىكتى فاكتورلار بار مادەنيەت جاسامپازدىعى ونىمدەرىن ۇزدىكسىز جاڭالاپ، التايدىڭ وزگەشە سالت-ساناسىن جان- جاقتى، كوپ تۇرعىدان ايگىلەيمىز.
جۇڭگو پوچتا توبى شەكتى سەرىكتەستىگىنىڭ التاي ايماقتىق بولىمشە سەرىكتەستىگى ۋبايلي تاقىرىپتىق پوچتا مەكەمەسىندە ساياحاتشىلار قاتارعا تۇرىپ، جاڭا عانا ساتىپ العان اشىق حات قاعازىنا التاي ەرەكشەلىگى ايگىلەنگەن تاڭبا باستىردى. بۇل پوچتا مەكەمەسى تاڭبا باسۋ تەكشەسىن قۇردى، تاڭبانىڭ ءتۇرى كوپ بولىپ، سۋرەتتەرى التاي ەرەكشەلىگىنە يە وزىندىك بەت-بەينەدەن الىنعان.
ۋبايلي تاقىرىپتىق پوچتا مەكەمەسىنىڭ تيجارات قىزمەتكەرى راۋان قۇناش قىزى بىلاي دەدى: وسى ايدا سورەگە قويىلعان ”التاي گەنەرال تاۋى حالىقارالىق قار شاڭعى دەمالىس رايونى“ توڭازىتقىش جاپسىرماسى قار شاڭعى اۋەسكەرلەرىنىڭ قارسى الۋىنا يە بولدى. كەلەسى قادامدا، ءبىز التايدىڭ مادەنيەت ءمانى مەن ەرەكشەلىگىنە يە فاكتورلاردى ۇزدىكسىز ىشكەرىلەي اشىپ، جاسامپازدىق پەن باۋراۋ قۋاتىنا باي اناعۇرلىم كوپ مادەنيەت جاسامپازدىعى ونىمدەرىن بازارعا شىعارامىز.
”التايدىڭ ءبىر بۇرىشى“ ساياحات كىتاپحاناسى ساياحاتشىلاردىڭ نازارىنداعى قىزعىندى جەرگە اينالدى. كوپتەگەن ساياحاتشى وسىندا ارنايى كەلىپ كوفە ءىشىپ، لي جۋاننىڭ شىعارمالارى قاتارلى كىتاپتاردى وقىپ، ادەبيەت پەن ساياحاتتىڭ كەمەلدى توعىسۋىن سەزىندى.
سىچۋاندىق ساياحاتشى ۋاڭ ليياۋ بىلاي دەدى: مەن كوكتوعايدىڭ، قومنىڭ اشىق حات قاعازىن تاڭداپ الدىم. مەيلى ءوزىم ساقتاسام دا، الدە دوس-جاراندارىما ۇسىنسام دا التايدىڭ وزگەشە تارتىمدىلىعىن بەينەلەيدى.
来源：雪都嘟/阿勒泰地区融媒体中心
记者：张楠
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
