11-ايدىڭ 21-كۇنى التاي قالالىق ءورت ءسوندىرۋ، ورتتەن ساقتانۋ، قۇتقارۋ- كومەكتەسۋ ۇلكەن اترەتىنىڭ ءورت ءسوندىرۋ، ورتتەن ساقتانۋ ۇگىتشىلەرى شۇنفىڭ، پوچتا قاتارلىلاردىڭ زات اينالىم قامباسىنا بارىپ، جولدانۋ الدىندا تۇرعان جەدەل جولدامالارعا ءورت ءسوندىرۋ، ورتتەن ساقتانۋ حاۋىپسىزدىگى ەسكەرتپەسىن جاپسىردى.
جۋىقتان بەرى، التاي قالالىق ءورت ءسوندىرۋ، ورتتەن ساقتانۋ، قۇتقارۋ-كومەكتەسۋ ۇلكەن اترەتى ءورت ءسوندىرۋ، ورتتەن ساقتانۋ ۇگىتىنىڭ جاڭا ۇلگىسىن بەلسەنە جاراتىپ، ءورت ءسوندىرۋ، ورتتەن ساقتانۋ حاۋىپسىزدىگى ەسكەرتپەسىن جاپسىرۋ ارقىلى جەدەل جولدامالاردى ”ءورت ءسوندىرۋ، ورتتەن ساقتانۋدى ۇگىتتەۋ ونىمىنە“ اينالدىردى ءارى جەدەل جولداما جەتكىزۋشىلەرمەن بىرلەسىپ، جولدامانى ۇيىنە دەيىن جەتكىزدى.
ەسكەرتپە جاپسىرماسى كۇندەلىكتى وتتان، ەلەكتردەن، گازدەن حاۋىپسىز پايدالانۋ جاقتارىنداعى مازمۇندى قامتىپ، بۇقارا جەدەل جولدامانى تاپسىرىپ الۋمەن بىرگە، ءورت ءسوندىرۋ، ورتتەن ساقتانۋ حاۋىپسىزدىگىنىڭ ناقتى قولدانىلمالى بىلىمىنە يە بولادى.
بۇل قيمىلدا ءورت ءسوندىرۋ، ورتتەن ساقتانۋ ۇگىتشىلەرى ءارقايسى جەدەل جولداما پۋنكتتەرىنە ءورت ءسوندىرۋ، ورتتەن ساقتانۋ حاۋىپسىزدىگى تەكسەرۋىن جۇرگىزدى ءارى قاتىستى قىزمەتكەرلەرگە ءورت ءسوندىرۋ، ورتتەن ساقتانۋ حاۋىپسىزدىگىن باسقارۋ قىزمەتىن قاتاڭ ارناعا ءتۇسىرىپ، كۇندەلىكتى شارلاۋدى كۇشەيتىپ، ءورت اپاتىنان قاتاڭ ساقتانۋدى قاداعالاي تاپسىردى.
شۇنفىڭ جەدەل تاسىمالىنىڭ التاي قالاسى قىزىلتاس دۇكەنىنىڭ قىزمەتكەرى ءالميرا باعدۋالي بىلاي دەدى: قىسقى ساياحات ماۋسىمىنىڭ كەلۋىنە ساي، جەدەل جولداما جولداۋ-قابىلداۋ مولشەرى دە كورنەكتى ارتتى. ءورت ءسوندىرۋ، ورتتەن ساقتانۋ حاۋىپسىزدىگى ەسكەرتپەسىن جاپسىرۋدىڭ ماقساتى — بۇقارانىڭ جەدەل جولدامانى جولداعان-العان كەزىندە ءورت ءسوندىرۋ، ورتتەن ساقتانۋ حاۋىپسىزدىگىنە الدىمەن نازار اۋدارۋىنا مۇمكىندىك جاساپ، ءورت اپاتىنان ءونىمدى ساقتانۋ.
التاي قالالىق ءورت ءسوندىرۋ، ورتتەن ساقتانۋ، قۇتقارۋ-كومەكتەسۋ ۇلكەن اترەتىنىڭ قىزمەتكەرى فان يۋەحۋا بىلاي دەدى: كەلەسى قادامدا، ۇگىت فورماسىندا ۇزدىكسىز جاڭالىق اشىپ، ۇگىت-تاربيە قيمىلىن كەڭ كولەمدە ورىستەتىپ، ءورت ءسوندىرۋ، ورتتەن ساقتانۋ حاۋىپسىزدىگىنىڭ قويۋ رايىن قۇلشىنا قالىپتاستىرامىز.
来源：雪都嘟/阿勒泰地区融媒体中心
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
