”بۇرىن مەن ءۇي مايلاپ وتىراتىنمىن، ماي اقىسى قىمبات ءارى شارت-جاعدايى جاقسى ەمەس ەدى. بيىل اۋداندىق پارتكوم مەن اۋداندىق ۇكىمەتتىڭ زور كۇشپەن قولداۋىندا، مەن قامتاماسىزداندىرۋ سيپاتتى مايعا بەرىلەتىن كەڭ دە جارىق تۇرعىن ۇيگە كوشىپ كىردىم، باعاسى ارزان، ورتاسى دا جاقسى. ونىڭ ۇستىنە، وتباسىمداعىلاردى اكەلىپ الدىم“،-دەدى تاياۋدا، بۋىرشىن اۋدانى جيالين جيڭيۋان شاعىن اۋماعىنىڭ تۇرعىنى ارىس قىزىرباي ۇلى.
جاقىنعى جىلداردان بەرى، بۋىرشىن اۋدانى ءار ۇلت بۇقاراسى ەڭ كوڭىل ءبولىپ وتىرعان، ەڭ تىكە، ەڭ رەال مۇددەسىنە ساياتىن ماسەلەنى مىقتى يگەرىپ، حالىق تۇرمىسىن جاقسارتۋدى، حالىق ءۇشىن دامۋدى ارقاۋ ەتىپ، قامتاماسىزداندىرۋ سيپاتتى تۇرعىن ءۇي ينجەنەرياسىن كۇش سالا جۇرگىزدى، سايكەستى قۇرىلعىلار قۇرىلىسىن جەدەلدەتىپ، جاڭا جۇمىستانعان جۇمىسشى-قىزمەتكەرلەر، قالاعا كەلىپ جۇمىس ىستەۋشىلەر قاتارلى قاۋىمنىڭ كەزەڭدىك تۇرعىن ٴۇي ماسەلەسىن شەشىپ، ءار ۇلت حالقىنىڭ باسىندا باسپاناسى بولۋىنا، قونىسى جايلى بولۋىنا مۇمكىندىك جاسادى.
ارىس بۋىرشىن اۋدانى ويماقى قالاشىعى كيىكباي قىستاعىنىڭ تۇرعىنى. ونىڭ قالاعا كەلىپ جۇمىس ىستەگەنىنە 5 جىل بولعان، تۇرعىن ءۇي ماسەلەسىنە باس قاتىرىپ جۇرگەن ەدى. كىرىسى سالىستىرمالى تۇردە تۇراقتى بولسا دا، ءۇي مايلاپ الۋعا شاماسى كەلمەيتىن. سونىمەن، ول اۋىلىنا قايتۋ ويىنا دا كەلگەن ەدى. قامتاماسىزداندىرۋ سيپاتتى مايعا بەرىلەتىن تۇرعىن ءۇي الۋعا ءوتىنىش بەرۋگە بولادى دەگەن حاباردى ەستىگەننەن كەيىن ارىس وتباسىنداعىلارمەن دەرەۋ اقىلداسىپ، قاتىستى تاراۋلارعا ءوتىنىش بەردى.
”كەلەسى قادامدا، قامتاماسىزداندىرۋ سيپاتتى مايعا بەرىلەتىن تۇرعىن ءۇي قۇرىلىسى مەن باسقارۋدى ونان ارى كۇشەيتىپ، ءتىپتى دە كوپ بۇقارانىڭ قامتاماسىزداندىرۋ سيپاتتى مايعا بەرىلەتىن تۇرعىن ءۇي ساياساتىن تۇسىنۋىنە جانە ودان يگىلىكتەنۋىنە مۇمكىندىك جاسايمىز“،-دەدى بۋىرشىن اۋداندىق قالا-اۋىل قۇرىلىسىنا قىزمەت وتەۋ ورتالىعىنىڭ مەڭگەرۋشىسى ساڭ حۋالۇڭ.
ساناققا قاراعاندا، بيىل بۋىرشىن اۋدانى قامتاماسىزداندىرۋ سيپاتتى مايعا بەرىلەتىن 648 تۇرعىن ءۇي سالعان، مۇنىڭ ىشىندە 100 ءۇي پايدالانۋعا بەرىلىپ، قونىستانۋ مولشەرى %100كە جەتكەن، قالعان 548 ءۇي اشەكەيلەنىپ، تاياۋدا، ىركەس-تىركەس پايدالانۋعا بەرىلەدى.
来源：雪都嘟/阿勒泰地区融媒体中心
通讯员:加孜拉
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
