تاياۋدا، ءتىلشى قابا اۋدانىنىڭ كولباي قالاشىعىنا بارعاندا كوركى كوز سۇرىندىرەتىن جاندى دا جالىندى قابىرعا سۋرەتتەردى كورىپ، بۇرىنعى اۋىل ۇيلەرى مەن الەۋمەتتىك قۇرىلىستاردىڭ سىرتقى قابىرعاسىنا كورىك بەرگەندىگىن كوردى. بۇل قابىرعا سۋرەتتەر «مەنىڭ التايىم» اتتى شىعارمانى ءتۇپ نۇسقا ەتىپ، التايدىڭ ادامدى قىزىقتىراتىن بەت-بەينەسى مەن وزگەشە مادەنيەتىن تولىق ايگىلەپ، كورىكتى اۋىل- قىستاقتىڭ كوركەم كورىنىسىنە اينالدى.
كولباي قالاشىعى سارتاقتاي قىستاعىندا ءۇي قابىرعالارى شىت جاڭا تۇسكە ەندى. قابىرعادا كوگىلدىر اسپان، ۇلان-بايتاق ساحارا، ۋىنشيۋ مەن باتايدىڭ كەزدەسكەن اسەرلى كورىنىسى، سونداي-اق ءداستۇرلى كيىم كيگەن مالشىلاردىڭ تىرلىگى الۋان ءتۇستى سۋرەتتەرمەن قابىرعادا شەبەرلىكپەن توعىستى.
”بۇرىن ءۇي قابىرعالارىمىز توزىپ تۇراتىن، كەي كەزدەرى شاعىن جارنامالارمەن شيمايلانىپ الا-قۇلا بولىپ تۇرۋشى ەدى. قازىر ءۇي قابىرعاسى قايتادان سىرلانىپ، سۋرەت سىزىلعاننان كەيىن ادەمى كورىنەتىن بولدى“،-دەدى سارتاقتاي قىستاعىنىڭ تۇرعىنى باقىتبەك كومان ۇلى.
بيىل كولباي قالاشىعى كورىكتى اۋىل-قىستاق قۇرىلىسى قىزمەتىنە وسكەلەڭ ءمان بەرىپ، قابىرعا سۋرەت ونەرىن اۋىل-قىستاقتى كورىكتەندىرۋ ينجەنەرياسىنىڭ ماڭىزدى قۇرامداس بولەگى ەتىپ، ەرىكتىلەر مەن سۋرەت سىزۋعا قىزىعاتىن ستۋدەنتتەردى قابىرعا سۋرەت جاسامپازدىعىنا قاتىناسۋعا بەلسەنە ۇيىمداستىرىپ، جۇمىلدىردى.
”ءبىز اۋىل-قىستاقتىڭ قونىس ورتاسىن رەتتەۋ-وڭاۋدى، دەڭگەيىن جوعارىلاتۋدى اۋىل-قىستاقتى گۇلدەندىرۋدى جاپپاي ىلگەرىلەتۋدىڭ ماڭىزدى تۇتقاسى ەتىپ، مادەنيەت شەبى قۇرىلىسى، مادەنيەتتى نەگىزگى ساتىعا جەتكىزۋ قاتارلى تاسىلدەر ارقىلى قالىڭ بۇقارانىڭ مادەني تۇرمىسىن ۇزدىكسىز بايىتىپ، اۋىل-قىستاقتىڭ جالپى تۇلعالىق بەت-بەينەسى مەن مادەنيەت ءمانىن جوعارىلاتامىز“،-دەدى كولباي قالاشىعى ءنالى قىستاعى پارتيا ياچەيكاسىنىڭ شۋجيى ۇلان ماقان ۇلى.
وسى قابىرعا سۋرەت تۋىندىلارى اۋىل-قىستاق ورتاسىن كورىكتەندىرۋمەن بىرگە، اۋىل-قىستاق مادەنيەتىن تاراتۋدىڭ، اۋىل-قىستاقتىڭ قۇدىرەتىن ايگىلەۋدىڭ ماڭىزدى دانەكەرىنە اينالدى. كورىكتى اۋىل-قىستاق قۇرىلىسىنىڭ ىشكەرىلەي ىلگەرىلەۋىنە بايلانىستى، كولباي قالاشىعى ۇزدىكسىز ىزدەنىس جاساپ، جاڭالىق اشىپ، اۋىل-قىستاقتىڭ مادەنيەت ساپاسىن جاقسارتىپ، قونىستانۋعا قولايلى بولۋ دەڭگەيىن ۇزدىكسىز جوعارىلاتادى.
来源：雪都嘟/阿勒泰地区融媒体中心
记者:张楠 通讯员 沙妍粼
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
