جۇڭگوشا ءشوپ ءدارىنى جاڭا كاسىپكە اينالدىردى

11-ايدىڭ 24-كۇنى ءتىلشى شىڭگىل لانسىلي ءدارى-دارمەك شەكتى سەرىكتەستىگىنىڭ ءوندىرىس سەحىنا بارعاندا، جۇڭگوشا ءشوپ ءدارىنىڭ مۇرىن جاراتىن كۇشتى ءيىسىن بىردەن سەزدى. جۇمىسشىلار جۇڭگوشا ءشوپ ءدارىنى تازالاپ، تۋراپ، بۋلاپ قايناتۋدا ەكەن...

كوپ ساندى ادامداردىڭ ساناسىندا التاي تاۋىنىڭ قارلى بەتكەيىندەگى نار قاراعايلار كوز ءسۇرىندىرىپ، قاراعايلى قاپتالدا ءتورت تۇلىك مال مىڭعىرادى... بۇل ءوڭىردىڭ ادامدى تاڭ قالدىراتىن تاعى ءبىر اسىل قازىناسى جۇڭگوشا ءشوپ ءدارى. بۇل ارا تەڭىز دەڭگەيىنەن بيىك، كۇن نۇرىنىڭ ءتۇسۋى ۇزاق، تەمپەراتۋرا پارقى زور بولۋ قاتارلى جاراتىلىستىق شارت-جاعدايىندا جۇڭگوشا ءشوپ ءدارى ماتەريالىنىڭ ءتۇرى كوپ، ساپاسى جاقسى بولۋ قاتارلى ەرەكشەلىگىمەن ەل ءىشى-سىرتىنداعى بازاردىڭ قارسى الۋىنا يە بولعان. جاقىنعى جىلداردان بەرى، مەملەكەتتىڭ ءبىرقىدىرۋ ءتيىمدى ساياساتىنىڭ قولداۋى مەن ءدارى-دارمەك ونەركاسىبىنىڭ جەدەل دامۋىنا بايلانىستى، التايدىڭ جۇڭگوشا ءشوپ ءدارى كاسىبى بىرتىندەپ دامىپ، وراسان زور دامۋ كومەسكى كۇشىن ايگىلەدى.

2021-جىلى شىڭگىل اۋدانى ساۋداگەر شاقىرۋ ارقىلى جۇڭگوشا ءشوپ ءدارى سورتىن جەتىلدىرۋ، ەگۋ جانە جىنتىكتەي مانەرلەۋ تۇتاس كاسىپ تىزبەگى كاسىپورنى شىڭگىل لانسىلي ءدارى-دارمەك شەكتى سەرىكتەستىگىن كىرگىزدى. بۇل سەرىكتەستىك لوياڭ لانسىلي عىلىم-تەحنيكا شەكتى سەرىكتەستىگىنە قاراستى مەملەكەتتىك جوعارى، جاڭا تەحنيكالى كاسىپورىن، مەملەكەتتىك جاڭادان وركەندەگەن كاسىپورىن، حىنان ولكەسىنىڭ ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان كاسىپورنى، 40 نەشە ءتۇرلى پاتەنت جانە زەرتتەۋ-اشۋ جەتىستىگىنە، كۇشتى تەحنيكالىق قۋاتقا جانە مول كاسىپتىك تاجىريبەگە يە. شىڭگىل لانسىلي ءدارى-دارمەك شەكتى سەرىكتەستىگىنىڭ تىزىمگە الدىرعان قارجىسى 50 ميلليون يۋان، جيىنى 170 ميلليون يۋان قارجى قوسىپ، جۇڭگوشا ءشوپ ءدارىنى كولەمدەندىرىپ ەگۋ بازاسىن جانە جۇڭگوشا ءشوپ ءدارىنى جىنتىكتەي مانەرلەۋ نىسانىن قۇرىپ، نەگىزىنەن جۇڭگوشا ءشوپ ءدارى سورتىن جەتىلدىرۋ، كولەمدەندىرىپ ەگۋ، جۇڭگوشا ءشوپ ءدارى ساتىپ الۋ، جۇڭگوشا تۋرامالى ءدارى مانەرلەۋ، قوراپتالعان جۇڭگوشا ءدارى ءوندىرۋ، جۇڭگوشا ءشوپ دارىلەردەن الىنعان زاتتاردى قولدانىلمالى زەرتتەۋ جانە ساتۋ قاتارلىلارمەن شۇعىلداندى.

3 جىل دەن قويا قۇلشىنۋ ارقىلى شىڭگىل لانسىلي ءدارى-دارمەك شەكتى سەرىكتەستىگى كولەمدى جۇڭگوشا ءشوپ ءدارى كاسىپ تىزبەگىن بىرتىندەپ قالىپتاستىردى. سەرىكتەستىك شىڭگىل اۋدانىندا 12 مىڭ مۋلىق جۇڭگوشا ءشوپ ءدارى ەگۋ بازاسىن قۇرىپ، قىزىل ميا، قاس بوياۋ، توماعا ءشوپ، بەديان قاتارلى ءتۇرلى جۇڭگوشا ءشوپ دارىلەردى ەگىپ، جەرگىلىكتى ورىننىڭ اۋىل شارۋاشىلىق كاسىپ قۇرىلىمىن رەتتەۋىنە تىڭ ومىرشەڭدىك كۇش قوستى؛ يەلەگەن جەر اۋماعى 125 مۋ، قۇرىلىس اۋماعى 34 مىڭ شارشى مەترگە جەتەتىن جۇڭگوشا ءشوپ دارىلەردى جىنتىكتەي مانەرلەۋ زاۆودى رايونىن قۇرۋعا قارجى قوسىپ، ەگىنشىلىك، مانەرلەۋ، عىلمي زەرتتەۋ، ساتۋدى ءبىر تۇلعالاندىرعان كەمەلدى جۇڭگوشا ءشوپ ءدارى كاسىپ جۇيەسىن قالىپتاستىردى؛ وزىق ءوندىرىس تەحنيكاسىن اكەلۋ جانە عىلىم-تەحنيكالىق ۇسىنىلىمدى ارتتىرۋ ارقىلى جۇڭگوشا ءدارى-دارمەك ماتەريالدارىن ءوندىرۋ دەڭگەيىن ۇزدىكسىز جوعارىلاتىپ، GACP جۇڭگوشا ءدارى-دارمەك ماتەريالدارىن باسقارۋدىڭ قاتاڭ جۇيەسىن ورناتىپ، جەر جىرتۋ، تۇقىم ءسىڭىرۋ، تىڭايتقىش بەرۋ، دەرت-دەربەزدەن، زياندى جاندىكتەن ساقتانۋ جانە جويۋ، جيناپ الۋدان مانەرلەۋ، قامبالاۋ، ساتۋ جالپى بارىسىنا دەيىن تەگىن تەكتەپ، جۇڭگوشا ءشوپ دارىلەردىڭ ساپاسىنا تۋ باستان كەپىلدىك ەتتى.

كاسىپتىڭ دامۋىن ىلگەرىلەتۋمەن بىرگە، شىڭگىل لانسىلي ءدارى-دارمەك شەكتى سەرىكتەستىگى قوعامدىق جاۋاپكەرشىلىكتى بەلسەنە ادا ەتىپ، جەرگىلىكتى تۇرعىندارعا قىرۋار كاسىپتەنۋ ورايىن جاراتتى. سەرىكتەستىك 300 ادامدى تىكەلەي، 2000 ادامدى جانامالاي جۇمىسقا ورنالاستىرىپ، جەرگىلىكتى ورىنداعى تۇرعىنداردىڭ ”ءۇيىنىڭ ماڭىنان“ جۇمىسقا ورنالاسۋ ارمانىن جۇزەگە اسىرۋىنا مۇمكىندىك جاسادى. بۇدان سىرت، سەرىكتەستىك قىزمەتكەرلەردى تەحنيكالىق جاقتان تاربيەلەۋگە ەرەكشە ءمان بەرىپ، ولارعا اناعۇرلىم كوپ كاسىپتىك دامۋ ورايىن جاراتتى.

2024-جىلى شىڭگىل لانسىلي ءدارى-دارمەك شەكتى سەرىكتەستىگى 28 مىڭ مۋ جەرگە ءتۇرلى جۇڭگوشا ءشوپ ءدارى ەكتى، سونداي-اق جاسىل، جوعارى ءونىمدى ۇلگى كورسەتۋ رايونىن قۇردى. شونەكتەپ ەگۋ ۇلگىسى، ورگانيكالىق تىڭايتقىشتىڭ پايدالانىلۋ مولشەرىن ارتتىرۋ قاتارلى شارالار ارقىلى جۇڭگوشا ءشوپ دارىلەردىڭ ءونىم مولشەرىن ارتتىرىپ، ساپاسىن جاقسارتتى. ايتالىق: قاس بوياۋدىڭ مۋ باسىندىق ءونىمىن 300 كيلوگرامعا، قىزىل ميانىڭ مۋ باسىندىق ءونىمىن 1.5 تونناعا جەتكىزدى.

شىڭگىل اۋدانى ”كوشباسشى كاسىپورىن + بازا + سەلبەستىك كووپەراتيۆى + شارۋا وتباسى“ سىندى دامۋ ۇلگىسىن قولدانىپ، تۇتاس اۋدانداعى 8000 شارۋانى جۇڭگوشا ءشوپ ءدارى ەگۋگە ات سالىسۋعا جەتەلەدى. قازىر اۋدان بويىنشا جۇڭگوشا ءشوپ ءدارى ەگىلگەن جەر اۋماعى 48 مىڭ مۋعا جەتىپ، ەگىنشى-مالشىلاردىڭ جان باسىندىق ورتاشا كىرىسىن 2000 يۋان ارتتىرۋ مەجەلەندى.

الداعى جەردە شىڭگىل اۋدانى ”كورىكتى اۋلا“ قۇرۋدى ۇزدىكسىز تۇتقا ەتىپ، اۋىل-قىستاقتاعى وتباسىلىق اۋلا، ءۇيدىڭ الدى-ارتىنداعى بوس جەر قاتارلىلاردان تولىق پايدالانىپ جۇڭگوشا ءشوپ ءدارى ەگىپ، ەرەكشە كاسىپتەردى جەتىلدىرىپ، كولەمدەندىرىپ، بۇقارانىڭ كىرىسىن ۇزدىكسىز ارتتىرۋدى جەبەيدى. سونىمەن بىرگە، سالاماتتىق دارىلىك تاعامدار، سەيىل-سەرۋەن، تاماشالاۋ قاتارلى ”جۇڭگوشا شيپاگەرلىك، ءدارى-دارمەك +“ جاڭا كاسىپ كۇيىن ۇزارتىپ، 1ـ، 2ـ، 3-كاسىپ توعىسا داميتىن جۇڭگوشا شيپاگەرلىك، ءدارى ـ دارمەك كاسىپ شوعىرىن جەدەل قالىپتاستىرادى.

شىڭگىل لانسىلي ءدارى-دارمەك شەكتى سەرىكتەستىگىنىڭ القا باستىعى جوۋ جياڭچاۋ بىلاي دەدى: شينجياڭنىڭ جۇڭگوشا ءشوپ ءدارى كاسىبىن زور كۇشپەن دامىتۋدىڭ بولاشاعى توتەنشە زور. التاي شينجياڭ جۇڭگوشا ءشوپ ءدارى كاسىبىن ەڭ ەرتە جولعا قويعان جانە دامىتقان رايوننىڭ ءبىرى رەتىندە تاماشا كاسىپ نەگىزىن ازىرلەدى. سەرىكتەستىكتىڭ جىنتىكتەي مانەرلەۋ نىسانى تۇگەلدەي وندىرىسكە قوسىلعاننان كەيىن جالپىلىق ءونىم قۇنىن 880 ميلليون يۋانعا جەتكىزۋگە بولادى. قازىر شىڭگىل اۋدانىنداعى 14 ەگىنشى وتباسىن 47 مىڭ 400 مۋ جەرگە جۇڭگوشا ءشوپ ءدارى ەگۋگە جەتەلەپ، 2022-جىلداعىدان%58 ارتتىردى.