جۋىردا، قابا اۋداندىق اكىمشىلىك قىزمەت وتەۋ ورتالىعىنىڭ ەمدەۋ قامسىزداندىرۋ تەرەزەلىگىندە قىزمەتكەرلەر اقىل-كەڭەس بەرۋ تەرەزەلىگىن قۇرۋ، ۇگىت ماتەريالىن تاراتۋ قاتارلى تاسىلدەر ارقىلى ەمدەۋ قامسىزداندىرۋىنىڭ باسقا جەردە ەسەپ جابۋ ساياساتىن ۇگىتتەپ، قامسىزداندىرۋعا قاتىناسۋشىلارعا ەمدەۋ قامسىزداندىرۋىنىڭ باسقا جەردە ەسەپ جابۋ ءتارتىبىن، كوڭىل بولەتىن ىستەردى جانە قاتىستى ساياساتتاردى ەگجەي-تەگجەيلى تانىستىرىپ، ولاردىڭ پايدالانۋىنا جانە ۇيرەنۋىنە مۇمكىندىك جاسادى.
قابا اۋدانىندا باسقا جەردە ەمدەلۋدە تىكەلەي ەسەپ جابۋ قىزمەتىنىڭ ۇزدىكسىز ىشكەرىلەۋىنە بايلانىستى، ەسەپ جابۋدىڭ جالپىلاسۋ كولەمى ونان ارى كەڭەيىپ، باسقا جەردە ەمدەلۋدە ەسەپتەن كوتەرۋ بارىسى ونان ارى ىقشامدالىپ، جۇمىسشى-قىزمەتكەرلەر مەن بۇقارا مەيلى قاي جەردە بولسا دا دەركەزىندە قولايلى ەمدەۋ قامسىزداندىرۋى قىزمەت وتەۋىنەن يگىلىكتەنىپ، ەمدەلۋدەگى تابىس سەزىمى كۇشەيىپ، رازى بولدى.
ەمدەۋ قامسىزداندىرۋىنىڭ باسقا جەردە ەسەپ جابۋ ساياساتى دەگەنىمىز قامسىزداندىرۋعا قاتىناسۋشىلار قامسىزداندىرۋعا قاتىناسقان جەردەن باسقا ءبىرتۇتاس جوسپارلانعان رايونداردا ەمدەلگەن كەزدە توراپقا تۇتاستىرعان ەمدەۋ، ءدارى- دارمەك قۇرىلىمدارى ارقىلى ەمدەۋ قاراجاتىن تىكەلەي ەسەپتەن كوتەرتۋىنە بولادى، تەك بەلگىلەمە بويىنشا جەكەلەر ۇستىنە الاتىن بولەگىن عانا تولەيدى، قالعان قاراجاتتى ەمدەلگەن جەردەگى اتقارۋشى قۇرىلىم مەن باسقا جەردەگى توراپقا تۇتاستىرعان ەمدەۋ، ءدارى-دارمەك قۇرىلىمدارى ەسەپكە كىرگىزىپ جابادى. بۇل ساياساتتىڭ اتقارىلۋى قامسىزداندىرۋعا قاتىناسۋشىلاردىڭ ەكونوميكالىق اۋىرتپالىعى مەن ەمدەلۋ اۋىرتپالىعىن بارىنشا جەڭىلدەتىپ، اناعۇرلىم قولايلى، جوعارى ءونىمدى ەمدەۋ قىزمەت وتەۋىمەن قامدايدى.
قابا اۋداندىق ەمدەۋدى قامتاماسىزداندىرۋ مەكەمەسىنىڭ قىزمەتكەرى يۇي يۇڭحۋان بىلاي دەدى: ەمدەۋ قامسىزداندىرۋىنىڭ باسقا جەردە ەسەپ جابۋ قىزمەتىن ۇگىتتەۋ جانە جالپىلاستىرۋ تەبىنىن ۇزدىكسىز ارتتىرىپ، قامسىزداندىرۋعا قاتىناسۋشىلاردىڭ ءبىلۋ مولشەرىن كوبەيتىپ، رازى قىلامىز. سونىمەن بىرگە، قىزمەت وتەۋ ءتارتىبى مەن ساياساتتىق شارالاردى ۇزدىكسىز كەمەلدەندىرىپ، قامسىزداندىرۋعا قاتىناسۋشىلارعا اناعۇرلىم ساپالى، قولايلى قىزمەت وتەيمىز.
بيىل جىل باسىنان بەرى، قابا اۋداندىق اكىمشىلىك قىزمەت وتەۋ ورتالىعىنىڭ باسقا جەردە ەمدەلۋدى تىزىمگە الدىرعان ادام سانى 3472، قامسىزداندىرۋعا قاتىناسقان بۇقارا ولكە اتتاپ باسقا جەردە ەمدەلۋدە تىكەلەي ەسەپ جاپقان ادام 10 مىڭ 874 بولىپ، قور ەسەبىنەن 6 ميلليون 352 مىڭ يۋان جابىلدى. شينجياڭنان باسقا جەردە قامسىزداندىرۋعا قاتىناسۋشىلاردان جەرگىلىكتى ورىندا ەسەپ جاپقاندار 1000 ادامنان (رەتتەن) اسىپ، جاپقان ەسەبى 300 مىڭ يۋاننان استى.
来源：雪都嘟/阿勒泰地区融媒体中心
通讯员：罗红梅
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
