属于我们共同的文学大舞台
༄༅༎པདྨ་མཚོ་ལ་འཐིམས་སོང་། གངས་ཀྱི་ཁ་དོག་འགྱུར་སོང་།
མཚོ་ལྷོ། ཁྲི་ཟླ་གཞོན།
རྒན་ལགས། ཁྱོད་ཀྱི་གཏམ་རྒྱུད་ལ་མགོ་བར་ལས་མཇུག་མི་འདུག
ཁྱོད་ཀྱིས་གཏམ་རྒྱུད་དེ་བཤད་ནས་དཀྱིལ་དུ་ཐོན་དུས།
ཆེས་ཡིད་སེམས་འགུལ་བའི་ཚན་པ་དེར་སླེབས་དུས།
གློ་བུར་དུ་བཤད་འཕྲོ་བཞག་སོང་།
དེ་ནི་ཁྱོད་ཀྱིས་རང་གི་བུ་ལ་ཁ་སྐོང་དུ་སྐྱུར་ཡང་སྲིད།
ཡང་ན་ཀློག་པ་པོར་བསམ་གཞིག་གི་བར་སྟོངས་སུ་བཞག་ཀྱང་སྲིད།
གང་ལྟར། གཏམ་རྒྱུད་དེ་བཤད་འཕྲོར་ལུས་སོང་།
རྒན་ལགས། ཁྱོད་ཀྱི་བརྙན་མིག་ལ་ཁ་དོག་མི་འདུག
མི་སྣའི་ལས་དབང་དང་ཁོར་ཡུག་ཡོད་ཚད།
སྐྱ་ཧུར་རེར། ཁ་དོག་ཅི་ཡང་མི་འདུག
དེ་ནི་ཁྱོད་ཀྱིས་ཕ་ཡུལ་དང་ཡུལ་མི།
སྐད་ཡིག་དང་རིག་གནས་ཀྱི་དར་རྒུད་མཁྱེན་པས་ཡིན་ནམ།
ཡང་ན་ཁྱོད་རང་གི་འཇིག་རྟེན་ལ་ཁ་དོག་དབེན་པས་ཡིན།
མཚོ་ངོས་ལས་རྨིད་བཞི་སྟོང་ཡན་གྱི་མཐོ་སྒང་འདི།
དུས་བཞི་ལས་མང་ཆེ་ཤོས་དགུན་ཁར་གཞོལ་བས།
དངོས་ནས་སྐྱ་མདོག་ཁོ་ན་ལས་ཁ་དོག་གཞན་ཤིན་དུ་དཀོན།
རྒན་ལགས། དུས་ཡུན་རིང་པོ་ཞིག་འགོར་རྗེས།
སྐྱ་མདོག་ཁོ་ན་ཡུལ་འདིའི་ཡོད་ཚད་ཀྱི་ཁ་དོག་ཏུ་འགྱུར་སྲིད།
རིག་གནས་སྐྱ་བོ་དང་སྐད་དང་ཡི་གེ་སྐྱ་བོ།
ཐ་ན་མི་དང་ཟོག
དམངས་སྲོལ་དག་གི་ཁ་དོག་ཀྱང་སྐྱ་མདོག་ཏུ་འགྱུར་ངེས།
དེ་དུས་མི་ཚང་མས་ཁྱོད་ལ་མངོན་མཁྱེན་འདུག་ཅེས་བསྟོད་བསྔགས་བྱེད་སྲིད།
སྐྱ་མདོག་དེ་ནི།
ཏག་ཏག་ཁྱོད་ཀྱི་བརྙན་མིག་ལས་འཆར་བ་དང་ཤིན་དུ་མཚུངས་པས།
ང་ལ་སྐྱོ་སྣང་ཞིག་སྐྱེས་ཤིང་རུས་གསེང་དུ་ན་ཟུག་ཅིག་བཟོད་མེད་དུ་མཆེད།
རྒན་ལགས། ཁྱོད་རང་སོང་ཤུལ་དུ།
ང་ཚོས་ཕ་སྐད་མ་ཡིག་དང་གཞན་སྐད་གཞན་ཡིག་ལམ་ནས།
རྗེས་དྲན་གྱི་རྩོམ་ཡིག་མང་པོ་ཞིག་བྲིས།
རྗེས་དྲན་གྱི་ཚོགས་འདུའང་མང་པོ་ཞིག་འཚོགས།
ཐ་ན་ཁྱོད་ཀྱི་བརྩམས་ཆོས་དག་ས་སློག་རྡོ་བྱས་ཏེ།
ཡང་དང་བསྐྱར་ཏུ་བལྟས།
ཡིན་ནའང་། དེ་དག་གིས་ཅི་ཆ།
པདྨ་མཚོ་ལ་འཐིམས་སོང་། གངས་ཀྱི་ཁ་དོག་འགྱུར་སོང་།
སྐར་ཆེན་ཞིག་མཁའ་ནས་ལྷུང་སྟེ་གནམ་མཐར་སིམ་སོང་།
སྐྱ་རེངས་ཤིག་མུན་པས་གཡོགས་པས་ས་གཞི་སྔར་ལྟར་མུན་པས་བཏུམས།
版权声明：版权归《卡加琼翁综合文学网》所有，未经允许任何单位或个人不得转载、复制或以任何其他方式使用排版素材与本文全部或部分，侵犯必究。
བདག་དབང་། ངེད་འཕྲིན་སྟེགས་འདིར་བཀོད་ཟིན་པའི་རྩོམ་ཡིག་དང་འཆད་ཁྲིད། རྒྱུ་ཆ་སོགས་གང་ཡིན་ཡང་ཆོག་མཆན་མེད་པར་རྐུ་འཁྱེར་དང་བཤུ་འགོད། ནང་དོན་དང་རྒྱུ་ཆ་སོགས་བཅད་གཏུབ་ཀྱིས་སྤེལ་ན་ཁྲིམས་ལྟར་རྩད་གཅོད་ཡོད།
དཔེ་ ཀློག
དཔེ་ཀློག| ཤེས་རབ་ཀྱི་མི་ཚེ།
འཆད་ཁྲིད།|བརྩོན་འགྲུས་ཀྱི་སྟོབས།
རྩོམ་རིག|གཞུང་ལུགས་ཀྱི་འཇིངས།
赞赏
འཕྲིན་སྟེགས་སུ་ཚོགས་པ་དང་མི་སྒེར་གང་རུང་གི་ཁེ་དབང་ལ་གནོད་པའི་ནང་དོན་ཅན་ཡོད་ཚེ་མྱུར་དུ་འབྲེལ་གཏུགས་བྱོས་དང་དྲྭ་ལམ་ནས་བསུབ་ཆོག
རྩོམ་པ་བོ་དག་གིས་ཡིད་གཟབ་གནང་རྒྱུ་ཞིག་ལ། སྐུ་ཉིད་ཀྱི་བརྩམས་ཆོས་གང་ཡིན་གཞན་གྱི་འཕྲིན་སྟེགས་སུ་བསྐུར་ཟིན་པ་དག་འདིར་མི་བསྐུར་བར་ཞུ། རྒྱུ་མཚན་བརྩམས་ཆོས་དེ་སྟེགས་བུ་གཅིག་ལ་དབང་ན་ལེགས་པ་དང་དེ་མིན་འགོད་མི་ཐུབ་པའི་དཀའ་ལས་སུ་འཕྲད་པས་དེའི་ལུགས་ལ་ཡིད་འཇགས་འཚལ།
ནང་དོན་འགོད་ལུགས།
༄༅།།ཁྱུང་སྔོན་བོད་ཡིག་རྩོམ་རིག་སྤྱི་སྟེགས་ནི་བོད་ཀྱི་རྩོམ་པ་པོའི་དཔུང་སྡེའི་ཐུན་མོང་ལ་དབང་བའི་སྣ་འཛོམས་རང་བཞིན་ཅན་གྱི་དྲ་ལམ་རྩོམ་ཡིག་སྤེལ་སའི་སྡིངས་ཆ་ཞིག་ཡིན།དེར་དཔྱད་རྩོམ་དང་འབོལ་རྩོམ་ལྷུག་རྩོམ་སྙན་ངག འཆད་ཁྲིད། གླུ་གཞས་དང་གྱེར་འདོན། ཡིག་གཟུགས་དང་དེབ་འཕྲིན་སོགས་འགོད་ཀྱིན་ཡོད་པས་ཁྱེད་ཅག་གིས་རྩོམ་ཡིག་སྤུས་གང་དག་རེ་བསྐུར་གནང་ཡོང་བར་ཞུ།
琼翁藏文文学平台是属于整个藏族作家的一种多样性的文学平台，在这里你可以阅读到论文、散文、诗歌、随笔、书法及书信；还可以聆听到讲座、歌曲、朗诵。这里无奇不有，应有尽有。也欢迎各位作家前来投稿！
