اناعۇرلىم اشىق تا جاريا بولادى
29 ولكەدەگى ەمدەۋدى قامسىزداندىرۋ كولەمىندەگى دارىلەردى ساتاتىن بەلگىلەنگەن ءدارى – دارمەك دۇكەندەرىندەگى دارىلەردىڭ باعاسىن سالىستىراتىن شاعىن پروگرامما ينتەرنەتكە قوسىلدى
شينحۋا اگەنتتىگىنىڭ ءتىلشىسى شۇي پىڭحاڭ 1 – ايدىڭ 2 – كۇنى بەيجيڭنەن حابارلايدى. ءتىلشىنىڭ 1 – ايدىڭ 2 – كۇنى مەملەكەتتىك ەمدەۋدى قامتاماسىزداندىرۋ مەڭگەرمەسىنەن ۇعىسۋىنشا، 29 ولكە (اۆتونوميالى رايون، توتە قاراستى قالا) مەن شينجياڭ ءوندىرىس – قۇرىلىس بيڭتۋانى بەلگىلەنگەن ءدارى - دارمەك دۇكەندەرىندەگى ءدارىنىڭ باعاسىن سالىستىراتىن شاعىن پروگراممانى ىركەس – تىركەس ينتەرنەتكە قوسىپ، دارىلەردىڭ باعاسىن قول تەلەفونمەن ءبىر كنوپكانى باسۋ ارقىلى سالىستىرىپ كورۋدى، سول ۋاقىتتاعى باعاسىن سالىستىرۋدى جانە ورنىن جولجەتەكپەن كورسەتۋدى ىسكە اسىردى.
ۇعىسۋعا قاراعاندا، مەملەكەتتىك ەمدەۋدى قامتاماسىزداندىرۋ مەڭگەرمەسى ءارقايسى ولكەلەردەگى ەمدەۋدى قامتاماسىزداندىرۋ مەكەمەلەرىنىڭ وزدەرى ءبىرتۇتاس جوسپارلايتىن وڭىرلەردىڭ بەلگىلەنگەن ءدارى - دارمەك دۇكەندەرىندەگى دارىلەردىڭ باعاسىن اشىق سالىستىرۋدا پايدالاناتىن شاعىن پروگراممالاردى نەمەسە مودۋلداردى جەدەل ورناتۋى، ءدارى - دارمەكتەردى بولشەك ساتاتىن دۇكەندەردى دارىلەردىڭ باعاسىن تۇراقتاندىرۋعا جانە جۇرتشىلىققا جۇيەلى، ارزان باعالى قىزمەت وتەۋگە جەتەلەۋى جونىندە ورنالاستىرۋ جاساعان.
2024 – جىلى 7 – ايدان بەرى، بەيجيڭ، تيانجين، حىبەي قاتارلى 29 ولكە (اۆتونوميالى رايون، توتە قاراستى قالا) مەن شينجياڭ ءوندىرىس – قۇرىلىس بيڭتۋانى بەلگىلەنگەن ءدارى - دارمەك دۇكەندەرىندەگى دارىلەردىڭ باعاسىن سالىستىراتىن شاعىن پروگراممانى ىركەس – تىركەس ينتەرنەتكە قوسقان، جۇرتشىلىق جەرگىلىكتى ورىنداعى ەمدەۋدى قامتاماسىزداندىرۋ مەكەمەلەرىنىڭ APP پاراقشاسى نەمەسە شاعىن پروگرامماسى قاتارلى جولدارمەن دارىلەردىڭ باعاسىن سالىستىرىپ كورۋىنە بولادى. سونىمەن بىرگە، كەيبىر ولكەلەردەگى بەلگىلەنگەن ءدارى – دارمەك دۇكەندەرىنىڭ باعانى سالىستىراتىن شاعىن پروگراممالارىندا قويماداعى قالعان ءدارىنىڭ مولشەرىن كورسەتۋ، باعاسى قالىپسىز بولعان جاعدايدا ەسكەرتۋ، باعا بەتالىسىنا ساراپتاما جاساۋ قاتارلى قاتىستى يقۋاتتاردى دا قوسقان.
مەملەكەتتىك ەمدەۋدى قامتاماسىزداندىرۋ مەڭگەرمەسىنىڭ ايتۋىنشا، كەلەسى قادامدا جەر – جەردىڭ بەلگىلەنگەن ءدارى - دارمەك دۇكەندەرىنىڭ دارىلەردىڭ باعاسىن سالىستىراتىن شاعىن پروگراممانى دايىنداۋ مىندەتىن تياناقتاندىرۋىنا ۇزدىكسىز جەتەكشىلىك ەتىپ، باعانى سالىستىراتىن شاعىن پروگراممانى جۇرتتىڭ ءبىلۋ مولشەرى مەن پايدالانۋ مولشەرىن ۇزدىكسىز جوعارىلاتىپ، ءدارى - دارمەكتى بولشەك ساتۋ سالاسى ءۇشىن ءادىل باسەكەلەسەتىن بازار ورتاسىن جاراتىپ، جۇرتشىلىقتى ءدارى ساتىپ الۋ جاعىندا اناعۇرلىم اشىق تا جاريا قىزمەت وتەۋمەن قامداپ، ءدارى – دارمەكتى بولشەك ساتۋ سالاسىنىڭ اقاۋسىز، ءتارتىپتى دامۋىن ىلگەرىلەتەدى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
