قولفون، تاقتا كومپيۋتەرىن ساتىپ العاندارعا قوسىمشا قاراجات بەرىلەدى! مەملەكەتتىك دامۋ جانە رەفورما كوميتەتى مىنانى ايقىندادى
1 – ايدىڭ 3 – كۇنى تۇستەن بۇرىن، مەملەكەتتىك كەڭەستىڭ اقپارات كەڭسەسى ”جۇڭگو ەكونوميكاسىنىڭ جوعارى ساپالى دامۋ ونىمدىلىگى“ اتتى جەلىلەس اقپار جاريالاۋ ءماجىلىسىن اشتى، مەملەكەتتىك دامۋ جانە رەفورما كوميتەتىنىڭ قاتىستى جاۋاپتىسى مىنانى ءبىلدىردى: 2025 – جىلى ”ەكى جاڭا“ ساياساتىن كۇش سالا كەڭەيتىپ اتقارىپ، ”ەكى ماڭىزدى“ نىساندى اناعۇرلىم زور تەبىنمەن قولدايدى.
قاتىستى جاۋاپتى ادام بىلاي دەدى: 2025 – جىلى، ”ەكى ءىرى“ نىسانعا زور قولداۋ كورسەتىلەدى.
سۋ يگىلىگىن قولداۋ كولەمىن بۇكىل ەلدەگى، ءىرى، ورتاشا سۋارمالى رايوندارعا، ءىرى، ورتا تۇرپاتتى سۋ باستاۋ قۇرىلىستارىنا دەيىن كەڭەيتەدى؛
ءىرى قالالار شەڭبەرى قالا ارالىق تەمىر جول قۇرىلىسى سياقتى نىسانداردى قولداۋ كولەمىنە ەنگىزەدى؛
بۇكىل ەل كولەمىندە تۇتاس قوعامنىڭ زات اينالىمى وزىندىك قۇنىن ءونىمدى تومەندەتۋ ارەكەتى جاپپاي اتقارىلادى.
بىلتىر الدىن الا تۇسىرىلگەن بيىلعى 100 ميلليارد يۋان نىسان تىزىمدىگى نەگىزىندە، تاياۋدا تاعى ءبىر توپ نىسان ءتىزىمىن ءتۇسىرىپ، ناقتى قىزمەت مولشەرىن تەز ارادا قالىپتاستىرۋدى ىلگەرىلەتەدى.
مۇنان سىرت، ”ەكى جاڭا“ ساياساتىن كۇش سالا كەڭەيتىپ اتقاردى.
ءبىرىنشى، كولەمىن كەڭەيتۋ. جابدىقتاردى جاڭالاۋدى قولداۋ كولەمىن ەلەكتروندىق ينفورماتسيا، حاۋىپسىز ءوندىرىس، قۇرىلعىلى اۋىل شارۋاشىلىعى سياقتى سالالارعا دەيىن كەڭەيتەدى. قولفون، تاقتا كومپيۋتەر، زەردەلى قول ساعات سياقتى ءۇش ءتۇرلى سيفرلى ونىمدەردى ساتىپ الۋعا جاڭا قوسىمشا قاراجات بەرىپ، جەكە تۇتىنۋشىلاردىڭ قولفون، تاقتا كومپيۋتەر، زەردەلى قول ساعات سياقتى ءۇش ءتۇرلى سيفرلى ونىمدەردى ساتىپ الۋىنا قوسىمشا قاراجات بەرەدى.
ەكىنشى، ولشەمدى جوعارىلاتۋ. قالالاردىڭ جاڭا ەنەرگيالى الەۋمەتتىك قاتىناس كولىكتەرى مەن ەنەرگيا باتەرياسىن جاڭالاۋ، اۋىل شارۋاشىلىق ماشينالارىن كەرەكتەن شىعارىپ جاڭالاۋعا قوسىمشا قاراجات بەرۋ ولشەمى ونان ارى جوعارىلاتىلادى. ٴۇي اشەكەيلەۋگە قاجەتتى تۇتىنۋ بۇيىمدارىن جاڭالاۋعا قولداۋ كورسەتۋ تەبىنى ارتتىرىلادى.
اۋدارعان: مانەپ ەربول ۇلى
دايىنداعان: مانەپ ەربول ۇلى
كەلۋ قاينارى: حالىق تورابى
