جەكەلىك زەينەتاقىنى الدىن الا شىعارىپ الۋعا بولا ما؟ مىناداي ءۇش شارتتى ورىنداعان كەزدە بولادى
جۇڭگو اقپارات تورابىنىڭ 1 – ايدىڭ 6 – كۇنى بەيجيڭنەن بەرگەن حابارى. بەيجيڭ قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ ۋيشين تەكشەسىنىڭ حابارلاۋىنشا، تولىقتاما زەينەتاقى يقۋاتىن شىنايى ىسكە اسىرۋ ءۇشىن، قاتىناسۋشىلار نەگىزدىك زەينەتاقى الۋ جاسىنا جەتكەن، ەڭبەك قۋاتىنان بۇكىلدەي ايرىلعان، شەتەلگە (شەكارادان) شىعىپ قونىستانعان جاعدايدا جەكەلىك زەينەتاقىنى شىعارىپ الۋىنا بولادى.
سونىمەن بىرگە، جەكەلىك زەينەتاقىنى جەكەلەر تاپسىرادى، تۇيىقتامالى كۇيدەگى ۋاقىتى ءبىرشاما ۇزاق بولاتىندىقتان، ەرەكشە جاعدايدا الدىن الا شىعارىپ الۋ ماسەلەسىن شەشىم ەتۋ ءۇشىن، 2024 – جىلى 12 – ايدا، سالماقتى اۋرۋعا شالدىققان نەمەسە جۇمىسسىزدىقتان قامسىزداندىرۋ قاراجاتىن الۋى بەلگىلى شارتقا جەتكەن، قازىر ەڭ تومەنگى تۇرمىس دەڭگەيىن قامتاماسىزداندىرۋ قاراجاتىن الىپ جاتقان ءۇش ءتۇرلى جاعدايدا جەكەلىك زەينەتاقىنى الدىن الا شىعارىپ الۋعا بولاتىنى سىندى تارماقتاردى جاڭادان قوسقان. مۇنان سىرت، قامسىزداندىرۋعا قاتىناسقان ادام قازا بولعان جاعدايدا، ونىڭ جەكەلىك زەينەتاقى ەسەپشوتىنداعى مال – مۇلكىنە مۇراگەرلىك ەتۋگە بولادى.
قاتىناسۋشىلار جەكەلىك زەينەتاقىنى الۋ شارتىنا تولعان سوڭ، ءوزىنىڭ قاجەتىنە قاراي سايكەستى جەكەلىك زەينەتاقى قاراجاتىن شىعارىپ الۋىنا بولادى، مەملەكەت بويىنشا ءبىرتۇتاس قىزمەت وتەۋ تەرەزەسى جانە جەكەلىك زەينەتاقى ەسەپشوتىن اشقان بانكە ارقىلى شىعارىپ الۋعا ءوتىنىش تاپسىرۋعا بولادى، ەسەپشوت اشقان بانكە جەكەلىك زەينەتاقىنى جەكەنىڭ قوعامدىق قامسىزداندىرۋ بانكە كارتۋچكاسىنا سالادى. بىلتىر 12 – ايدان باستاپ، ءار دارەجەلى قوعامدىق قامسىزداندىرۋ ىستەرىن ءبىتىرۋشى قۇرىلىمداردىڭ شىعارىپ الۋ ارنالارى جاڭادان ارتتىرىلعان.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
