مەملەكەتتىك ساناق مەكەمەسى: بيىل ەڭبەككۇشتەرگە تەكسەرۋ جۇرگىزۋ جالعاستى ۇيىمداستىرىلادى
1 – ايدىڭ 1 – كۇنى، مەملەكەتتىك ساناق مەكەمەسى بيىل ەڭبەككۇشتى تەكسەرۋدى جالعاستى ۇيىمداستىراتىندىعىن جاريالادى. قاتىستى ىستەر تومەندەگىدەي:
ءبىرىنشى، تەكسەرۋ كولەمى: ەلىمىزدەگى 31 ولكەنىڭ (اۆتونوميالى رايوننىڭ، توتە قاراستى قالانىڭ) قالا - قالاشىقتارى مەن اۋىل - قىستاقتارى.
ەكىنشى، تەكسەرۋ، تىزىمدەۋ وبيەكتىسى: مەملەكەتتىك ساناق مەكەمەسى ۇلگى الۋ ءادىسى بويىنشا سول الەۋمەتتىك اۋماقتاعى (قىستاق) وتباسى مەن كوللەكتيۆتى تاڭداپ الادى. ۇلگى الىپ تەكسەرۋگە تاڭدالعان وتباسىلارىنداعى تومەندەگىدەي ادامدار تىزىمگە الىنادى:
(1) تەكسەرگەن كەزدە سول ءۇيدىڭ ناپوسىندا تۇراتىندار؛
(2) سول ناپوستاعىلاردىڭ ىشىندەگى سىرتقا شىعىپ كەتكەنىنە جارىم جىل تولماعاندار.
ءۇشىنشى، تەكسەرۋ ۋاقىتى: ادەتتە ءار ايدىڭ 10 – كۇنىنەن 16 – كۇنىنە دەيىن بولادى، زاڭدا بەلگىلەنگەن مەرەكە، دەمالىس كۇندەرىنە تۋرا كەلگەندە، تەكسەرۋ ۋاقىتى ۇيلەسىمدى رەتتەلەدى.
ءتورتىنشى، تەكسەرۋ ءتاسىلى: اۋدان دارەجەلىدەن جوعارى حالىق ۇكىمەتىنىڭ ساناق ورگانى تەكسەرۋشى جىبەرىپ، سول الەۋمەتتىك اۋماقتاعى (قىستاقتاعى) ۇلگى الىپ تەكسەرۋگە تاڭدالعان وتباسىلارىن ارالاپ تىزىمدەيدى. تەكسەرۋشى وتباسىلارىنا كەلىپ تىزىمگە العاندا، اۋدان دارەجەلىدەن جوعارى حالىق ۇكىمەتىنىڭ ساناق ورگانى تاراتقان قىزمەت كۋالىگىن كورسەتۋى كەرەك.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: مانەپ ەربول ۇلى
دايىنداعان: مانەپ ەربول ۇلى
كەلۋ قاينارى: حالىق تورابى
