«جۇڭگونىڭ ەكسپورت ەتۋگە تيىم سالاتىن، ەكسپورت ەتۋگە شەكتەۋ سالاتىن تەحنيكالارىنىڭ تىزىمدىگىن» رەتتەۋگە اشىق تۇردە پىكىر قابىلداندى
شينحۋا اگەنتتىگىنىڭ 1 – ايدىڭ 2 – كۇنى بەيجيڭنەن بەرگەن حابارى. ساۋدا مينيسترلىگى 1 – ايدىڭ 2 – كۇنى «جۇڭگونىڭ ەكسپورت ەتۋگە تيىم سالاتىن، ەكسپورت ەتۋگە شەكتەۋ سالاتىن تەحنيكالارىنىڭ تىزىمدىگىن» رەتتەۋگە قاتىستى اشىق پىكىر قابىلداۋ جونىندەگى ۇقتىرۋدى جاريالاعان.
ۇقتىرۋدا بىلاي دەلىنگەن: تەحنيكانى يمپورت – ەكسپورت ەتۋدى باسقارۋدى كۇشەيتۋ ءۇشىن، «جۇڭحۋا حالىق رەسپۋبليكاسىنىڭ سىرتقى ساۋدا زاڭى» جانە «جۇڭحۋا حالىق رەسپۋبليكاسىنىڭ تەحنيكانى يمپورت – ەكسپورت ەتۋدى باسقارۋدى كۇشەيتۋ ەرەجەسىندەگى» بەلگىلەمەلەرگە ساي، ساۋدا مينيسترلىگى عىلىم – تەحنيكا مينيسترلىگى قاتارلى تاراۋلارمەن بىرگە «جۇڭگونىڭ ەكسپورت ەتۋگە تيىم سالاتىن، ەكسپورت ەتۋگە شەكتەۋ سالاتىن تەحنيكالارىنىڭ تىزىمدىگىنە» رەتتەۋ جۇرگىزدى. وسى جولى تىزىمدىكتى رەتتەۋ بارىسىندا، جاڭادان ءبىر تەحنيكالىق نىسان ارتتىرىلعان ءبىر تەحنيكالىق نىسانعا وزگەرىس ەنگىزىلگەن، 3 تەحنيكالىق نىسان وشىرىلگەن، حالىقارالىق تەحنيكالىق اۋىس – كۇيىس پەن سەلبەستىكتى كۇشەيتۋگە بەلسەندى شارت – جاعداي جاراتىلعان.
ۇقتىرۋعا ساي، قازىر تىزىمدىككە وزگەرىس ەنگىزۋ تۋرالى بۇكىل قوعامداعىلاردان اشىق تۇردە پىكىر قابىلدانادى، رەتتەلگەن تىزىمدىكتەگى ناقتى مازمۇنداردى، سونداي – اق، پىكىردى ورتاعا قويۋ جولدارىن ساۋدا مينيسترلىگىنىڭ رەسمي تورابىنا شىعىپ تەكسەرىپ كورۋگە بولادى. پىكىر الۋ جانە اڭىس ەتۋ شەكتى مەرزىمى 2025 – جىلى 2 – ايدىڭ 1 – كۇنىنە دەيىن.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
