شينجياڭ اۋا رايى ستانسياسى سۋىق اعىس پەن بوراننان ساقتانۋدىڭ ساقتىق سيگنالىن جاريالادى!
جۇڭگو اۋا رايى تورابىنىڭ حابارىنا قاراعاندا، 1 ـ ايدىڭ 8 ـ كۇنى تۇستەن بۇرىن شينجياڭ اۋا رايى ستانسياسى ىلگەرىندى ـ كەيىندى سۋىق اعىستان ساقتانۋدىڭ كوك ءتۇستى، بوراننان ساقتانۋدىڭ كوك ءتۇستى ساقتىق سيگنالىن جاريالاپ، جۇرتشىلىق پەن قاتىستى تاراۋلارعا ساقتانۋعا كوڭىل ءبولۋدى ەسكەرتتى.
1 - ايدىڭ 8 - كۇنى ساعات 10 نان 58 مينۋت وتكەندە، شينجياڭ اۋا رايى ستانسياسى سۋىق اعىستان ساقتانۋدىڭ كوك ءتۇستى ساقتىق سيگنالىن جاريالادى: مەجەمەن 1 - ايدىڭ 8 - كۇنى كۇندىزدەن 10 - كۇنى تۇنگە دەيىن سولتۇستىك شينجياڭنىڭ باسىم كوپ بولەگىنىڭ، بايىنعولىن وبلىسىنىڭ سولتۇستىك بولەگىنىڭ، شىعىس شينجياڭنىڭ ەڭ تومەنگى اۋا تەمپەراتۋراسى 5 تە 8 سەلتسي گرادۋس تومەندەيدى، مۇنىڭ ىشىندە ىلە اڭعارى، بۇراتالا وبلىسى، تارباعاتاي ايماعىنىڭ سولتۇستىك بولەگى، التاي ايماعى قاتارلى جەرلەردىڭ ءىشىنارا وڭىرلەرىندە 8 دە 12 سەلتسي گرادۋس تومەندەپ، قاقاعان اياز بولادى.
1 - ايدىڭ 8 - كۇنى ساعات 11 دەن 4 مينۋت وتكەندە، شينجياڭ اۋا رايى ستانسياسى بوراننان ساقتانۋدىڭ كوك ءتۇستى ساقتىق سيگنالىن جاريالادى: مەجەمەن 1 – ايدىڭ 8 – كۇنى كۇندىزدەن 9 – كۇنى كۇندىزگە دەيىن سولتۇستىك شينجياڭنىڭ باسىم كوپ بولەگى، وڭتۇستىك شينجياڭنىڭ باتىس بولەگىندەگى تاۋلى رايوندار، اقسۋ ايماعىنىڭ باتىس سولتۇستىك بولەگى، بايىنعولىن وبلىسىنىڭ سولتۇستىك بولەگى، شىعىس شينجياڭ سياقتى جەرلەردە باتىس سولتۇستىكتەن 6 بال اينالاسىندا جەل سوعادى، جەل وتىندەگى جەل كۇشى 9 دا 10 بالعا جەتەدى، مەزەتتىك وتكىنشى جەل 12 بالعا جەتەدى، سولتۇستىك شينجياڭنىڭ ءىشىنارا وڭىرلەرىندە قارلى بوران سوعادى، وڭتۇستىك شينجياڭداعى ويپاتتاردىڭ ءىشىنارا جەرلەرىندە قۇمدى بوران سوعادى.
ىقلاستى ەسكەرتۋ: بوراندى اۋا رايىندا دالا قيمىلىن مۇمكىندىكتىڭ بارىنشا ازايتىپ، بوراننان ساقتانۋ حاۋىپسىزدىگىنە كوڭىل ءبولۋ كەرەك. شوفەرلەر اۆتوكولىكتى ابايلاپ جۇرگىزىپ، حاۋىپسىزدىككە كەپىلدىك ەتۋ كەرەك. اۋا تەمپەراتۋراسىنىڭ وزگەرىسى زور بولعاندىقتان قان قىسىمىنىڭ ورنىقتىلىعىنا نازار اۋدارىپ، ۇنەمى قولدانىلاتىن ءدارى – دارمەكتەردى دايىنداپ الۋ كەرەك.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: مانەپ ەربول ۇلى
دايىنداعان: مانەپ ەربول ۇلى
كەلۋ قاينارى: حالىق تورابى
