شەكارادان شىعارىلاتىن جەكەلىك ينفورماتسيانى قورعاۋدى كۋالاندىرۋ ءادىسى جونىندە اشىق پىكىر قابىلداندى
جەكەلىك ينفورماتسيانى شەكارادان اتتاپ جوتكەۋدىڭ جوعارى ءونىمدى، قولايلى، حاۋىپسىز بولۋىن ىلگەرىلەتۋ، شەكارادان شىعارىلاتىن جەكەلىك ينفورماتسيانى قورعاۋدى كۋالاندىرۋ قىزمەتىن جۇيەگە ءتۇسىرۋ ءۇشىن، «جۇڭحۋا حالىق رەسپۋبليكاسىنىڭ جەكەلىك ينفورماتسيانى قورعاۋ زاڭى» قاتارلى زاڭ – تۇزىمدەرگە ساي، مەملەكەتتىك ينتەرنەت ينفورماتسياسى كەڭسەسى «شەكارادان شىعارىلاتىن جەكەلىك ينفورماتسيانى قورعاۋدى كۋالاندىرۋ ءادىسىن (پىكىر قابىلداناتىن نۇسقا)» دايىندادى، قازىر قوعامداعىلاردان اشىق پىكىر قابىلداۋدا. جۇرتشىلىق تومەندەگى جولدار ارقىلى العاشقى نۇسقانى وقي الادى نەمەسە اڭىس، پىكىر بىلدىرە الادى.
1. جۇڭگو ينتەرنەت ينفورماتسياسى تورابىنا (www.cac.gov.cn) كىرىپ، باس بەتتەگى ”ينتەرنەت ينفورماتسياسى سالاسىنداعى ماڭىزدى اقپاراتتار“ دەگەن جەردەن العاشقى نۇسقانى وقي الاسىزدار.
2. جۇڭحۋا حالىق رەسپۋبليكاسىنىڭ ءادىليا مينيسترلىگىنىڭ (www.moj.gov.cn)، جۇڭگو ۇكىمەتى زاڭ ينفورماتسيالارى تورابىنا (www.chinalaw.gov.cn) كىرىپ، باس بەتتەگى نەگىزگى ايدارشالار تىزىمدىگىندەگى ”زاڭ جاساۋ جونىندە پىكىر الۋ“ ايدارشاسى ارقىلى پىكىر بەرۋىڭىزگە بولادى.
3. مىنا ەلەكتروندىق حات ساندىعىنا حات جولداساڭىز بولادى: shujuju@cac.gov.cn.
4. پىكىرىڭىزدى قاعاز جۇزىندەگى حات ارقىلى مىنا ادرىسكە جولداساڭىز بولادى: بەيجيڭ قالاسى حايديان رايونى فۋچىڭ جولى 15 – ءنومىرلى اۋلا مەملەكەتتىك ينتەرنەت ينفورماتسياسى كەڭسەسىنىڭ ينتەرنەتتەگى ساندى مالىمەتتەردى باسقارۋ مەكەمەسى، پوچتا ءنومىرى 100048، حاتتىڭ كونۆەرتىنە ”شەكارادان شىعارىلاتىن جەكەلىك ينفورماتسيالاردى قورعاۋدى كۋالاندىرۋ ءادىسى جونىندە پىكىر قابىلداۋ“ دەپ جازساڭىز بولادى، پىكىر، اڭىس قابىلداۋدىڭ شەكتەۋلى ۋاقىتى 2025 – جىلى 2 – ايدىڭ 3 – كۇنىنە دەيىن. (باس ستانسيا ورتالىق تەلەۆيزيا ءتىلشىسى جاڭ گاڭ)
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
