16 تاراۋ 2025 – جىلعى قىستىق دەمالىستا بالالارعا قامقورلىق جاساۋ جاعىندا قىزمەت وتەۋ قيمىلىن بىرلەسىپ ورىستەتەدى
شينحۋا اگەنتتىگىنىڭ ءتىلشىسى حۋاڭ يۋە 1 – ايدىڭ 6 – كۇنى بەيجيڭنەن حابارلايدى. مەملەكەتتىك ايەلدەر بىرلەستىگى، ورتالىقتىڭ ينتەرنەت حاۋىپسىزدىگى جانە ينفورماتسيالاندىرۋ كوميتەتىنىڭ كەڭسەسى، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى، وقۋ – اعارتۋ مينيسترلىگى، قوعام حاۋىپسىزدىگى مينيسترلىگى قاتارلى 16 تاراۋ ۇقتىرۋ باسىپ تاراتىپ، 2025 –جىلعى قىستىق دەمالىستا ”وتباسىنا دەيىن مەيىر باعىشتاپ، بالالاردىڭ ەسەيىپ – ەرجەتۋىنە ءبىر نيەتپەن قورعاۋشى بولۋ“ اتتى بالالارعا قامقورلىق جاساۋ جاعىندا قىزمەت وتەۋ قيمىلىن بىرلەسىپ ورىستەتۋ جونىندە ورنالاستىرۋ جاسادى، بارشا بالالاردىڭ قىستىق دەمالىستى اقاۋسىز، حاۋىپسىز، كوڭىلدى، ماعىنالى وتكىزۋىنە كومەكتەسەدى.
ۇقتىرۋعا قاراعاندا، جەر – جەردەگى قاتىستى تاراۋلار بالالار قيمىل ورتالىعى، جاستار مەن ورەندەر سارايى قاتارلى مەكتەپ سىرتىنداعى ءتالىم - تاربيە قۇرىلىمدارىنا ارقا سۇيەي وتىرىپ، ەسكەرتكىش سارايى، مادەنيەت سارايى قاتارلىلاردىڭ شەپتىك رولىن ساۋلەلەندىرىپ، جۇڭحۋانىڭ ءداستۇرلى مادەنيەتىن نەگىزگى تاقىرىپ ەتكەن امالياتتىق قيمىلداردى كەڭ كولەمدى ورىستەتۋى كەرەك. جاڭاشا قيمىلداردى دانەكەر ەتىپ، ەرەكشەلىككە يە بايلىق قاينارلارىن اشۋ، سالت – سانا مادەنيەتى مەن ءداستۇرلى مادەنيەتتى باستان كەشىرۋ قيملى بارىسىندا بارشا بالالاردى جۇڭحۋا مادەنيەتىنىڭ مايەگىن سەزىنە الۋعا جەتەلەۋى كەرەك.
ۇقتىرۋدا مىنالار باسا دارىپتەلگەن: اتا - اناسى باسقا جەردە جۇمىس ىستەيتىندىكتەن ۇيدە قالعان بالالار، قيىنشىلىعى بار بالالار، كوشپەلى بالالار قاتارلى ەرەكشە قيىنشىلىعى بار توپتاردىڭ ءىس جۇزىندىك قاجەتىنە ەرەكشە ءمان بەرىپ، ولاردىڭ قيىنشىلىقتان قۇتىلۋىنا كومەكتەسۋ كەرەك. وتباسىلارعا امانداسا بارۋدى كۇشەيتىپ، ايەلدەر بىرلەستىگىنىڭ اتقارۋشى كوميتەتى، بالالارعا جاۋاپتى مەڭگەرۋشى قاتارلىلاردى باسقارۋىنداعى وڭىرلەردەگى ۇيدە قالعان، قيىنشىلىعى بار بالالاردىڭ وتباسىنا بارىپ، جاعدايىن بەتپە – بەت ۇعىسۋعا، قيىنشىلىقتارىن شەشۋگە بەلسەندى كومەكتەسۋگە اتتانىسقا كەلتىرۋ كەرەك. جۇپ قۇراپ قامقورلىق جاساۋدى ويداعىداي ىستەپ، مەيىربان انا قاتارلى ەرىكتى قىزمەت وتەۋشىلەر قوسىنىنىڭ رولىن ساۋلەلەندىرىپ، كوكتەم مەرەكەسىن بالالارمەن بىرگە وتكىزىپ، بالالاردىڭ ”ناقتى ارمانىن“ ىسكە اسىرۋىنا كومەكتەسۋ كەرەك.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
