جۇڭگو ۋاكىلدەرى ا ق ش - تىڭ چاۋشيان يادرو ماسەلەسىندەگى جالا جابۋىنا تويتارىس بەردى
شينحۋا اگەنتتىگىنىڭ 1 – ايدىڭ 8 - كۇنى ب م ۇ ـ دان بەرگەن حابارى. جۇڭگونىڭ ب م ۇ ـ داعى ورىنباسار ۋاكىلى گىڭ شۋاڭ 1 – ايدىڭ 8 - كۇنى حاۋىپسىزدىك القالار كەڭەسىنىڭ چاۋشيان يادرو ماسەلەسىن جاريا ەتۋ ماجىلىسىندە ا ق ش ۋاكىلدەرىنىڭ جۇڭگوعا جاپقان جالاسىنا جانە جاققان كۇيەسىنە تويتارىس بەرىپ، قاتىستى جاقتاردى تۇبەكتىڭ جالپى جاعدايىن كوزدە ۇستاپ، تۇبەكتىڭ بەيبىتشىلىگى مەن ورنىقتىلىعىن بىرگە قورعاۋعا، تۇبەك ماسەلەسىن ساياسي جولمەن شەشۋدى ىلگەرىلەتۋگە قۇلشىنۋعا ۇندەدى.
گىڭ شۋاڭ بىلاي دەدى: ۇزاق ۋاقىتتان بەرى جۇڭگو باستان ـ اياق بايسالدى، جاۋاپتى، سىندارلى پوزيتسيا ۇستانىپ، باستان ـ اياق تۇبەك ماسەلەسىنىڭ دۇرىس ـ بۇرىسىن شىعار ءتۇيىن ەتىپ تۇجىرىم جاساپ، ساياسات بەلگىلەپ، باستان ـ اياق ءىس جۇزىندىك ارەكەت ارقىلى تۇبەكتىڭ بەيبىتشىلىگى مەن ورنىقتىلىعىن قورعاپ، تۇبەك جاعدايىن باسەڭدەتۋگە كۇش سالىپ كەلەدى. جۇڭگو جاقتىڭ ادالدىعىنان، قۇلشىنىسىنان جانە ۇلەسىنەن ءشۇبالانۋعا، ونى بۇرمالاۋعا، جوققا شىعارۋعا بولمايدى.
گىڭ شۋاڭ بىلاي دەدى: حاۋىپسىزدىك القالار كەڭەسىنىڭ تۇبەك ماسەلەسىن ءبىر جاقتى ەتۋدەگى شىعار ءتۇيىنى مەن تابان تىرەر تياناعى — جاي جازعىرىپ قىسىم ءتۇسىرۋ ەمەس، قايتا تۇبەك ماسەلەسىن ساياسي جولمەن شەشۋ اياق الىسىن ىلگەرىلەتۋ بولۋعا ءتيىس، ءىشىنارا ەلدەردىڭ ساياسي مۇددەسىن جۇزەگە اسىرۋدىڭ قۇرالىنا اينالدىرۋعا ءتىپتى دە بولمايدى. جۇڭگو حاۋىپسىزدىك القالار كەڭەسىنىڭ تۇراقتى القا ەلى رەتىندە چاۋشيانعا ساياتىن ءتۇرلى قاۋلىلاردى مۇقيات اتقارىپ، وتەۋگە ءتيىستى حالىقارالىق بورىشىن اتقارىپ كەلەدى. سونىمەن بىرگە، جۇڭگو تۇبەكتىڭ جاقىن كورشىسى جانە جاۋاپكەرشىلىك ارقالايتىن ءىرى ەل رەتىندە دە ءوز تاسىلىمەن ساياسي جولمەن شەشۋدى ىلگەرىلەتىپ، تۇبەكتىڭ بەيبىتشىلىگى مەن ورنىقتىلىعىن قورعاپ، شىعىس سولتۇستىك ازيانىڭ باياندى تىنىشتىعىن جۇزەگە اسىرۋدا سىندارلى رول اتقارىپ كەلەدى. جۇڭگو قاتىستى جاقتاردى جۇڭگو جاقپەن بىرگە وسى ءۇشىن قۇلشىنۋعا ۇندەيدى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: مانەپ ەربول ۇلى
دايىنداعان: مانەپ ەربول ۇلى
كەلۋ قاينارى: حالىق تورابى
