بەنزين مەن ديزەل مايىنىڭ باعاسى قىمباتتادى
سۋرەتتە: 1 – ايدىڭ 2 – كۇنى، جياڭسۋ ولكەسى حۋاي – ان قالاسى حۇڭزى رايونىنداعى ءبىر جانارماي پۋنكتىندە قىزمەتكەر اۆتوموبيلگە جانارماي قۇيۋدا. شينحۋا اگەنتتىگى (يىن چاۋ فوتوسى)
شينحۋا اگەنتتىگىنىڭ تىلشىلەرى ۋەي يۇيكۇن، يان فۋجيڭ 1 – ايدىڭ 2 – كۇنى بەيجيڭنەن حابارلايدى. مەملەكەتتىك دامۋ – رەفورما كوميتەتىنىڭ 1 – ايدىڭ 2 – كۇنى بەرگەن حابارىنا قاراعاندا، جۋىرداعى حالىقارالىق بازارداعى مۇناي باعاسىنداعى وزگەرىستەرگە ساي، وڭدەلگەن مۇناي باعاسىن قالىپتاستىرۋدىڭ قازىر اتقارىلىپ وتىرعان مەحانيزمى بويىنشا، 2025 - جىلى 1 - ايدىڭ 2 - كۇنى ساعات 24 تەن باستاپ، ەل ىشىندەگى بەنزين مەن ديزەل مايىنىڭ باعاسى (ولشەمدى ءونىم، تومەندە ۇقساس) ءار تونناسىنا 70 يۋان جوعارىلاتىلدى.
مەملەكەتتىك دامۋ – رەفورما كوميتەتىنىڭ جاۋاپتىسىنىڭ ايتۋىنشا، جۇڭگو مۇناي سەرىكتەستىگى، جۇڭگو مۇناي - حيميا سەرىكتەستىگى، جۇڭگو تەڭىز مۇنايى سەرىكتەستىگى سىندى ءۇش ءىرى سەرىكتەستىك پەن شيكىزاتتىق مۇنايدى مانەرلەۋمەن شۇعىلداناتىن باسقا سەرىكتەستىكتەر وڭدەلگەن مۇنايدى ءوندىرۋ جانە تاسىمالداۋدى ويداعىداي ۇيىمداستىرۋى، بازاردى ورنىقتى قامداۋعا كەپىلدىك ەتۋى، مەملەكەتتىڭ باعا جونىندەگى ساياساتىن قاتاڭ اتقارۋى كەرەك. جەر - جەردەگى قاتىستى تاراۋلار بازاردى باقىلاۋ - باسقارۋ تەبىنىن كۇشەيتىپ، مەملەكەتتىڭ باعاعا قاتىستى ساياساتتارىن اتقارماۋ ارەكەتىن قاتاڭ تەكسەرىپ ءبىرجاقتى ەتۋى، بازاردىڭ قالىپتى ءتارتىبىن قورعاۋى كەرەك. تۇتىنۋشىلاردىڭ 12315 تەكشەسى ارقىلى باعاعا قاتىستى زاڭعا قايشى ارەكەتتەردى اشكەرەلەۋىنە بولادى.
جانارماي باعاسىن بۇل اينالىمداعى رەتتەۋ مەزگىلىندە، حالىقاراداعى جانارماي باعاسى تولقۋ كۇيىندە بولادى. مەملەكەتتىك دامۋ – رەفورما كوميتەتى باعانى باقىلاۋ ورتالىعىنىڭ مەجەلەۋىنشە، قىسقا مەرزىم ىشىندە حالىقاراداعى جانارماي باعاسى ۇزدىكسىز تولقۋ كۇيىندە بولادى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
