ەڭ جاڭا بەلگىلەمە: چيڭحۋا داشۋەسى مەن بەيجيڭ داشۋەسىنىڭ اتىن جامىلىپ الارمان قابىلداۋعا قاتاڭ تيىم سالىنادى
قىستىق دەمالىس تاياپ قالدى، اتا – انالار بالالارىنىڭ قىستىق دەمالىستاعى تۇرمىسىن ورنالاستىرا باستادى، كوپتەگەن وتباسىلاردىڭ ”ساياحاتتاي ءجۇرىپ زەرتتەپ ۇيرەنۋ“ نىساندارىن تاڭدايتىنى داۋسىز.
جۋىردا بەيجيڭ قالالىق مادەنيەت – ساياحات مەكەمەسى «بەيجيڭ قالاسىنداعى ساياحات سەرىكتەستىكتەرىنىڭ ازامات جاسىنا تولماعانداردى ساياحاتتاي ءجۇرىپ زەرتتەپ ۇيرەنۋگە ۇيىمداستىرۋ جانە مىندەتكە الۋ ولشەمىن (3.0 نۇسقاسى)» جاريالاپ، بۇكىل قالاداعى ساياحات سەرىكتەستىكتەرىنىڭ ساياحاتتاي ءجۇرىپ زەرتتەپ ۇيرەنۋ جاعىندا قىزمەت وتەۋى تۋرالى ناقتى تالاپتاردى ورتاعا قويعان:
ساياحات سەرىكتەستىكتەرى ءتۇرلى جاس كەزەڭىندەگى وقۋشىلارعا ساياحاتتاي ءجۇرىپ زەرتتەپ ۇيرەنۋ جاعىنداعى ساباقتاردى باعىتتامالى تۇردە ورنالاستىرۋى، ءتۇرلى وقۋ كەزەڭىندەگى، ءتۇرلى جىلدىقتاعى وقۋ مازمۇنىنا نەگىزدەلۋى، وقۋشىلاردىڭ دەنە جانە كوڭىل – كۇي ەرەكشەلىگىمەن، قابىلداۋ قابىلەتىمەن جانە ءىس جۇزىندىك قاجەتىمەن ۇشتاستىرا وتىرىپ، تاقىرىپتاردى مۇقيات تاڭداۋى، ”ساياحات بارىسىندا زەرتتەي الۋىنا“، ”ساياحات بارىسىندا ۇيرەنە الۋىنا“ كەپىلدىك ەتۋى، ”تەك ساياحاتتاپ، ۇيرەنبەۋدەن“ ساقتانۋى كەرەك.
ساياحات سەرىكتەستىكتەرى زەرتتەپ ۇيرەنۋ تۇرىندەگى ساياحاتتىق ونىمدەردى ۇگىتتەگەن كەزدە، زەرتتەپ ۇيرەنۋ ساياحاتىنداعى ساباقتاردىڭ مازمۇنىن، وقىتۋشىلاردىڭ جاعدايىن، سونداي – اق، ساپار بارىسى، قاتىناس، جاتىن ورىن، اس – سۋ، مەكتەپتەرگە كىرىپ ەكسكۋرسيالاۋعا جانە باستان كەشىرۋگە بولا ما، بولماي ما دەگەن سياقتى ماڭىزدى مازمۇنداردى شىنايى، ايقىن، دۇرىس كورسەتۋى كەرەك، اسىرا ايتۋ، مازمۇنى ءدۇدامال بولۋ، ۇعىمدى شاتاستىرۋ، ءسوزى انىق بولماۋ قاتارلى جالعان ۇگىتكە جاتاتىن مازمۇندار ارقىلى ساياحات ۇيىرمەسىنە ادام قابىلداۋدان اۋلاق بولۋى كەرەك.
چيڭحۋا داشۋەسى، بەيجيڭ داشۋەسى قاتارلى ايگىلى مەكتەپتەردىڭ اتىنان پايدالانىپ الارمان قابىلداۋعا بولمايدى، قاتىستى جوعارى مەكتەپتەر ورتا، باستاۋىش مەكتەپتەرگە ارناپ ۇيىمداستىرعان رەسمي ۇيىمداردىڭ ارنالارى ارقىلى الدىن الا ءوتىنىش بەرۋدى ورىنداۋى كەرەك.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
